رجرجه جامده ياريت حد يساعدني

**MrCarboon** · 28-11-2011 11:44 PM

انا كل ما اجي اطلع بالعربية ادوس دبرياج وادي الاول اجي اتحرك العربية تترج بطريقة تنرفز الشارع كله يسمع الرجرجه زي الموبايل اما بيكون فيبريشن المهم رحت للميكانيكي قالي العربية عاوزة قواعد رحت جبتهم وبردك الرجرجه زي ماهي رحتله تاني قالي العربية دي اساسا مفتوحة من تحت وعاوزة زرجينة عند السمكري اديت العربية لقريبي راح عملها وبردك لسا زي ماهي فرجعت للميكانيكي تاني قلتله انا عملت الزرجينة ولسا في رجرجه قالي روح عند سمكري تاني غير اللي رحتله اتاكد ان الزرجينة معمولة صح وتعالالي بكرة ..............انا سالت ناس قالولي ممكن العربية تكون عاوزة طقم دبرياج وناس تانية قالولي العفشه فيها مشكلة مش عارف اصدق مين ياريت حد يفيدني ...

**MrCarboon** · 29-11-2011 02:04 AM

10 مشاهدات ومفيش حد عارف؟؟؟؟

**mony10** · 29-11-2011 02:19 AM

طقم دبرياج كامل يعني اسطوانه وديسك وممكن تحتاج البليه كمان ودا عن تجربه في اربع عربيات مختلفه لكن لو قواعد او زرجينه او اي شيئ تاني الرجرجه تفضل مستمره في المشي مش اول ما تيجي تتطلع على الاول او ترجع للخلف

**MrCarboon** · 29-11-2011 02:24 AM

الله يبشرك بالخير ... طب طقم الدبرياج سعره كام ؟؟ وتركيبه كام برده ؟

**m_gewelly** · 08-12-2011 03:31 PM

العربيه متلته يا باشا يعنى شغاله 3 سلندر او اتنين كمام راجع ميكانيكى بيفهم

**m_gewelly** · 08-12-2011 03:33 PM

الدبرياج بيعلى الصوت انما مبيعملش رجرجه اللى بيعمل الرجرجه الماتور او القواعد طالما القواعد سليمه يبقى الماتور عندك بوجيهات فاصله فكهم بنفسك وشوفهم لو لقيت عليهم زيت او احتمال سلك بوجيه فاصل او الاسبراتير فيه حاجه عايز ينظف

**aboomar22** · 16-12-2011 06:23 PM

العربية لما بتكون مثلثه الرجه بتكون مستمرة والسحب ضعيف وريحة بنزين طالعة من الشكمان مش محروق ودى سهلة دور العربية وشيل سلك بوجيه بوجيه ولا حظ الفرق فى صوت ودوارة الموتور تلاقيه بيوطى لما تشيل السلك ده لو محصلش تغير فى احدهم شيل البوجيه وركب غيره وجرب لو مشكلة قواعد افتح الكبوت وادى العربية غيار من غير ماتدور وحرك العربية ورا وقدام وهيبان معاك الموتور سايب ولا مرمربوط كويس لو مشكلة فى الصاج او الشاسية العربية هتقطقط فى المطبات او مع الفرامل بس انا اعتقد ان مشكلتك مشكلة دبرياج خصوصا انها بتبان يعد النقل والتحرك يالعربية

**sheko_2000eg** · 19-12-2011 12:38 AM

المشاركة الأصلية كتبت بواسطة aboomar22

العربية لما بتكون مثلثه الرجه بتكون مستمرة والسحب ضعيف وريحة بنزين طالعة من الشكمان مش محروق ودى سهلة دور العربية وشيل سلك بوجيه بوجيه ولا حظ الفرق فى صوت ودوارة الموتور تلاقيه بيوطى لما تشيل السلك ده لو محصلش تغير فى احدهم شيل البوجيه وركب غيره وجرب لو مشكلة قواعد افتح الكبوت وادى العربية غيار من غير ماتدور وحرك العربية ورا وقدام وهيبان معاك الموتور سايب ولا مرمربوط كويس لو مشكلة فى الصاج او الشاسية العربية هتقطقط فى المطبات او مع الفرامل بس انا اعتقد ان مشكلتك مشكلة دبرياج خصوصا انها بتبان يعد النقل والتحرك يالعربية

1++++++