محتار بين 3 موبايلات !!

**ahmedaglan** · 29-11-2011 12:30 PM

اتوكل علي الله علي ال e5
ولو الامكانيات تسمح يبقي e72
وانا عن نفسي معايا e72 , e71
وممتازين ماشاء الله

**ahmedbasto** · 29-11-2011 03:02 PM

بس على فكرة الe72 تقريبا أرخص عن الe5 تقريبا بس زى ما بقولك لو انت عايز موبايل يستحمل الرزع والخبط يبقى هو ال e72 علشان الكفر المعدن

**ahmedaglan** · 29-11-2011 04:13 PM

ال e72 اغلي يامعالي الباشا والاتنين كويسين بس امكانيات ال e 72 اعلي

**mahmoudalaa** · 29-11-2011 04:33 PM

بلاك بيري 9300 معايا الشئ الوحيد اللي يميزة عن الباقي خدمات البلاك بيري وخاماتة احسن من 8520 وكمان 3g

**i_Am_Legend** · 29-11-2011 04:43 PM

ياباشا انا اللي هاجيبلك الزتونة هههههههههه انت عارف ان كان معاي ال e5 وبعدها جيبت التشا تشا واتسرق مني بعد اسبوع الاتشا تشا ممتاز بس بطاريتة زباااااالة نص يوم بالكتييير حاليا انا اشتريت e72‎ ‎تليفون اقل مايقال عنة انة تحففففففة بجد خامات وامكانيات وكل حاجة انا اشتريتة مستعمل نضيف ب١١٠٠ من السراج مول والفون مريحني علي الااااااخر وعموما هو افضل من -5 والشكل افخم كتييير اتكل علي الله وهاتوااااا

**GMakram** · 29-11-2011 05:10 PM

انا معايا التشاتشا بقاله تقريبا 3 شهور,وزى ماقال معظم الاعضاء هو جهاز ممتاز سواء من ناحيه انه اندرويد او الشاشه التاتش او الامكانيات بالاضافه الى ميزه تانيه مش موجوده فى البلاك بيرى والنوكيا وهيا ان الكيبورد بتاعه زرايره اعرض واريح جدا جدا فى الكتابه(ودى بتبان اوى لو بصيت على الموبيلين جنب بعض وشفت زراير النوكيا والبلاك برى ازاى صغيره ولازقه فى بعض على عكس التشاتشا زرايره فيه بينهم مساحه,عيب التليفون ده من وجهه نظرى ثلاث حاجات
اولا البطاريه,انا فعلا متكتف مش بشغل النت غير لو هبص على حاجه علشان لو سيبته شغال البطاريه مش هتكمل يوم بس اعتقد اغلب الموبيلات كدا دلوقتى
ثانيا الشاشه صغيره نسبيا على انها شاشه تتش
ثالثا مالوش اى اكسسوارات ممكن تجيبها,ولا جراب ولا شاحن عربيه ولا اى حاجه
بس فى النهايه هو كموبيل انا شايفه اكتر من ممتاز

تحياتى

**i_Am_Legend** · 29-11-2011 05:28 PM

انا كنت بشحن التشا تشا بشاحن ال الجي اللي اتسرق بردوا!

**ahmedbasto** · 29-11-2011 06:20 PM

المشاركة الأصلية كتبت بواسطة ahmedaglan

ال e72 اغلي يامعالي الباشا والاتنين كويسين بس امكانيات ال e 72 اعلي

على فكرة انا الe72 معايا بس انا كنت متوقع ان سعره نزل وبالمناسبة هو عامل معاك ايه؟

**i_Am_Legend** · 29-11-2011 06:23 PM

ال e72‎ جديد ب١٩٠٠ ال e5ب١٣٠٠ جديد

**Ayman-Ahmed** · 29-11-2011 11:54 PM

بص يا موش بما ان الاغلبية اتفقت على E72 وانا بعشق ال HTC .شوف اللينك ده فيه مقارنة بين الاتنين واختار ولو انا هختار امكانيات يبقى الCHACha

Nokia E72 vs. HTC ChaCha - GSMArena.com

الموضوع: محتار بين 3 موبايلات !!

LinkBack

أدوات الموضوع

عرض

-

-

-

-

-

-

-

المواضيع المتشابهه

موبايلات للبيع

محتار اشتري أي نوع من موبايلات سامسونج !!!

هل فى موبايلات بشريحتين غير الصينى

استفسارات عن موبايلات لسه منزلتش !

الكلمات الدلالية لهذا الموضوع

المفضلات

المفضلات

ضوابط المشاركة