فيرنا جديدة ولا لانسر قديمة؟

**devil_storm** · 29-11-2011 09:23 PM

لانسر حلوة لكن 12 سنة دى صعبة قوى
انصحك بالفيرنا طبعا, اكيد الفيرنا موديل 2008 حتكون احسن و الفيرنا عربية ممتازة و اعتمادية و قليلة الاعطال و ماتور اقوى و احدث طبعا من اللانسر موديل 2000 دى.
اللانسر لو بومة موديل 2005 او اكتر ماشى و بلاش فعلا اى عربية بقالها اكتر من 5 سنين طالما فى اختيارات بديلة

**AutoTycoon** · 29-11-2011 10:14 PM

المشاركة الأصلية كتبت بواسطة Mahmode

أنا لو مكانك. لانسر قديمة بس أدور علو واحدة حالة كويسة وفابريكة بره وجوه.

دا كوكب اية اللي ممكن تلاقي فيه عربية ماشية 12 سنة و فابريكة برة و جوة ؟؟

متخليكوا واقعيين يا جماعة شوية

انا لو حد بيبيعلي عربية ماشية 10 سنين و حلفلي انها فابريكة برة مش هصدقه

(بتكلم على مصر)

**Mostafa.Mahran** · 29-11-2011 10:24 PM

الفيرنا اسلوب السواقة هو الى هيحدد يعنى الى بيستخدمها عادى و بيمشى بيها زى اى عربية هتبقى معاه كويسة جدا و مريحة انما الى هيعتبرها سيارة خارقة و شد و غرز و كده يبقى هو الى مسئول عن نفسه

**blazer** · 29-11-2011 10:40 PM

هو انتى حاطه رينج كام للعربيه

**shaddadfalcon1** · 29-11-2011 11:10 PM

بما ان حضرتك بنت يعني غالبا ملكيش في الجري والشد والغرز والحوارات دي فانا برشحلك الفيرنا وقرد بصحته احسن من اسد تعبان
عربيه اقتصاديه وبتتاع بسهوله والف من يفهم فيها ومنتشره جدا واحدث بكتيير

**Missie** · 30-11-2011 12:09 AM

وقرد بصحته احسن من اسد تعبان

هههه, و الله معاك حق, حلو المثل ده

هو انتى حاطه رينج كام للعربيه

يعنى من 45 ل 50 كده

الفيرنا اسلوب السواقة هو الى هيحدد يعنى الى بيستخدمها عادى و بيمشى بيها زى اى عربية هتبقى معاه كويسة جدا و مريحة

اكيد طبعاً, و ده بتهيألى بيمشى على أى عربية, و انا عامة مش ناوية ادخل ييها سباق يعنى =)

شكراً يا جماعة بجد على ردودكم..

**M.Elgergawy** · 30-11-2011 01:05 AM

انا شايف انك تجيبي حاجة زيرو افضل عشان مهما كان انتي بنت مش فاضية للميكانيكية والكلام دا
وارشحلك اسبرانزا 113 هي صيني بس تمام هتستحملك :d

**Missie** · 30-11-2011 01:38 AM

انا شايف انك تجيبي حاجة زيرو افضل عشان مهما كان انتي بنت مش فاضية للميكانيكية والكلام دا
وارشحلك اسبرانزا 113 هي صيني بس تمام هتستحملك

لا لا, اسبيرانزا 113 ايه بس, انا اه بنت بس مش معنى كده انى اركب 113 ! مش مقنعة كعربية اصلاً d=

**M.Elgergawy** · 30-11-2011 01:43 AM

خلاص هاتي حاجة تكون استعمال بس كويسة ومضمونة واكشفي عليها كويس :)

**sherif4004** · 30-11-2011 04:50 AM

المشاركة الأصلية كتبت بواسطة elfashn

[

استهلاك النزين التفويله فى الفيرنا تمشي 500 كيلو دا لو سليمه انما فى الانسر لو سليمه يبقي تمشي ما يقارب على 380كيلو

حضرتك متاكد من المعلومه بتاعة 380 كيلو دى ..طب ازاى الى انا اعرفه ان الانسر 1300 سى سى والفيرنا 1600 وفى موديلات نزلت منها 1500 بس قديمه وقليله. يبقى ازاى الفيرنا اقتصاديه اكتر من الانسر؟؟؟؟. فى ناس بيحطو للنسر بنزين 80 علشان هيه كرباتير...ممكن يكون ده السبب. بس مظنش ان يكون استهلاكها كده برضه

كلامك صح انا عربيتى كاربيتر ودا معدلها مع بنزين 90
اكيد الانجيكشن افضل

الموضوع: فيرنا جديدة ولا لانسر قديمة؟

LinkBack

أدوات الموضوع

عرض

-

-

-

-

-

-

المواضيع المتشابهه

فكرة جديدة فى شد عربية أمريكانى قديمة

مطلوب عربيه فيرنا أو لانسر كريستاله او لانسر مكواه او كرولا الملكه بحاله سليمه

من أين أشترى فيرنا جديدة كاش بأحسن سعر

عملات قديمة مجلات قديمة نادرة جدا جدا

ايه ترشيحاتكم لو عربية جديدة او قديمة بالمواصفات ديه؟؟؟

الكلمات الدلالية لهذا الموضوع

المفضلات

المفضلات

ضوابط المشاركة