فيرنا جديدة ولا لانسر قديمة؟

السلام عليكم..
لو سمحت يا جماعة عايزة أخد رأيكم فى حاجة..
انا لو قدامى عربيتيين, ميسوبيشى لانسر موديل من 98 ل 2000, و لا فيرنا موديل 2007 او 2008 ؟
الاتنين تقريباً فى نفس السعر, بس انا عايزة اعرف انهى احسن كأداء؟
يعنى مثلاً, انهى فيهم عفشتها احسن مع الاخد فى الاعتبار طبعاً المدة ان اللانسر بقالها 12 سنة مثلاً, و بالنسبة للبنزين انهى استهلاكها احسن؟ و قطع الغيار, مش مهم السعر أد ما يهمنى اعرف معمرة ولا لأ؟؟
انا كنت ناوية على الفيرنا بس ناس خوفونى منها عشان مش ثابتة على الطريق.. فعايزة اعرف انهى احسن بالنسبة ليا كحد لسه بدأت السواقة قريب..

لانسر طبعا ..مش هقولك بس علشان يابانى بس كفايه انك لما تدوس فرامل على سرعه هتقف. مش زى الفيرنا بتروح. الانسر عربيه ناعمه واستهلاكها للبنزين اقتصادى جدا جدا تكييف تلاجه وان كان تكييف الفيرنا يحسبلها انها فيرزر. الانسر عربيه سهله جدا فى اعاده البيع. بتتباع فى نفس الساعه الى بتفكر فيها فى البيع. عربيه اعتماديه وقطع غيارها متوفره جدا. وان كان يحسب للفيرنا توافر ورخص قطع الغيار ايضا ولكن قطع غيار الميتسوبيشى معمره . عموما ده رأيى وشايف انى لو مكانك هختار الانسر

اهم حاجه حاله العربيه يعنى متشتريش حاجه تصرفي عليها لازم تكون مش محتاجه مصاريف حتى اللمض والعدادات والكاسيت وكل شئ يكون شغال تمام

تانيا للبنات الاتوماتيك افضل وعموما افضل للجميع

اوعي تجيبي عربيه من تاجر او حد معاه توكيل .. لازم يكون زبون وتكون الرخصه باسمه

استهلاك النزين التفويله فى الفيرنا تمشي 500 كيلو دا لو سليمه انما فى الانسر لو سليمه يبقي تمشي ما يقارب على 380كيلو

توافر قطع الغيار واسعارها طبعا الفيرنا اكتر انتشار وارخص جدا .. بس الانسر اقوي بس اللى يدايق ان ممكن تبحثي عن حاجات قطع استعمال ودا محتاج بحت ومعاينه حاله وكمان اسعارها اغلى

خلاصه القول لو هتجيبى فيرنا صلحى فى اى مركز معتمد متكامل كل الاقسام وليس توكيل وهيكون فيه فواتير وهيتكون فيه انجاز

انما الانسر لازم التصليح فى الورش العاديه ولازم يكون حد امين فى كل ورشه يعنى تعرفى ميكانيكى امين وكفائه ونفسى الشى للعفشجى والكهربائى وبتاع الكواتش والخ

مممم لو الميزانيه لحد 65 الف يبقى هاتى ماتريكس اتوماتيك بحاله جيده

بالنسهب للثبات اللانسر اثبت بس عموما اوعى تعدي 120 باى من العربيتنين

[

استهلاك النزين التفويله فى الفيرنا تمشي 500 كيلو دا لو سليمه انما فى الانسر لو سليمه يبقي تمشي ما يقارب على 380كيلو

حضرتك متاكد من المعلومه بتاعة 380 كيلو دى ..طب ازاى الى انا اعرفه ان الانسر 1300 سى سى والفيرنا 1600 وفى موديلات نزلت منها 1500 بس قديمه وقليله. يبقى ازاى الفيرنا اقتصاديه اكتر من الانسر؟؟؟؟. فى ناس بيحطو للنسر بنزين 80 علشان هيه كرباتير...ممكن يكون ده السبب. بس مظنش ان يكون استهلاكها كده برضه

الفيرنا ثابتة عادى جدا لحد 130 وفراملها حلوة جدا لحد 130

وللعلم

الفيرنا مبنية على عفشة لانسر كريستالة بالكامل يعنى العفشة واحدة

قصاد كدة بتخدى 10 سنين فرق استخدام

طبعا تبصى للعمر الافتراضى .. اللانسر بتخلص والفيرنا لسة فيها والموديل يحكم ويفرق

فيرنا

لو هتجيبي لانسر بومة موديل 2005 فما فوق يباه تشتري لانسر و انتي مغمضة
لو هتجيبي لانسر بطة موديلات التسعينات يباه هاتي فرنا جديدة احسن .

اللانسر هتكون قديمة شوية بالنسبة لحضرتك والموديل اللي حضرتك ذكرتيه معايا ( 2000 ) هي كويسة في كل شئ الحمدلله بس اهم حاجة الحالة عشان متتعبكيش ولازم تكشفي عليها كويس وبالنسبة للبنزين انا بسافر بيها مطروح من القاهرة وبتعمل 510 كم وبتكون اللمبة بتاعة البنزين لسه منورتش يعني فيها لغاية 600 كم على السريع فقط انما داخل البلد في حدود 450 كم التفويلة ويعيبها فقط انها واطية يعني لو حد هيركب معاكي باستمرار في الكنبة الخلفية لا انصحك بيها وخليكي في الفيرنا

أنا لو مكانك. لانسر قديمة بس أدور علو واحدة حالة كويسة وفابريكة بره وجوه.

ربنا يخليكوا يا جماعة بجد, بس انا كده احترت اكتر d=

بس هو غالباً كده هاتبقى فيرنا عشان انا مقلقة من حوار ان اللانسر بقالها 11 على الطريق, اكيد هاتكون اتبهدلت..

اقتباس:

---

الفيرنا ثابتة عادى جدا لحد 130 وفراملها حلوة جدا لحد 130

وللعلم

الفيرنا مبنية على عفشة لانسر كريستالة بالكامل يعنى العفشة واحدة

---

حضرتك جبت من الأخر بموضوع العفشة و الفرامل ده..

اللانسر انعم كموتور لكن الكلام دا لما ركبتها زيرو 98 !!
يا ترى في 2011 هتبى عاملة ازاي؟؟ انا ضد اني ادفع فلوس في عربية عمرها اكتر من 5 سنين بصراحة غير لو حاجة بي ام ...

لانسر حلوة لكن 12 سنة دى صعبة قوى :_Alshmokh08[1]:
انصحك بالفيرنا طبعا, اكيد الفيرنا موديل 2008 حتكون احسن و الفيرنا عربية ممتازة و اعتمادية و قليلة الاعطال و ماتور اقوى و احدث طبعا من اللانسر موديل 2000 دى.
اللانسر لو بومة موديل 2005 او اكتر ماشى و بلاش فعلا اى عربية بقالها اكتر من 5 سنين طالما فى اختيارات بديلة

اقتباس:

---

المشاركة الأصلية كتبت بواسطة Mahmode

أنا لو مكانك. لانسر قديمة بس أدور علو واحدة حالة كويسة وفابريكة بره وجوه.

---

دا كوكب اية اللي ممكن تلاقي فيه عربية ماشية 12 سنة و فابريكة برة و جوة ؟؟ :redeye:

متخليكوا واقعيين يا جماعة شوية

انا لو حد بيبيعلي عربية ماشية 10 سنين و حلفلي انها فابريكة برة مش هصدقه:facebowling:

(بتكلم على مصر)

الفيرنا اسلوب السواقة هو الى هيحدد يعنى الى بيستخدمها عادى و بيمشى بيها زى اى عربية هتبقى معاه كويسة جدا و مريحة انما الى هيعتبرها سيارة خارقة و شد و غرز و كده يبقى هو الى مسئول عن نفسه

هو انتى حاطه رينج كام للعربيه

بما ان حضرتك بنت يعني غالبا ملكيش في الجري والشد والغرز والحوارات دي فانا برشحلك الفيرنا وقرد بصحته احسن من اسد تعبان
عربيه اقتصاديه وبتتاع بسهوله والف من يفهم فيها ومنتشره جدا واحدث بكتيير

اقتباس:

---

وقرد بصحته احسن من اسد تعبان

---

هههه, و الله معاك حق, حلو المثل ده

اقتباس:

---

هو انتى حاطه رينج كام للعربيه

---

يعنى من 45 ل 50 كده

اقتباس:

---

الفيرنا اسلوب السواقة هو الى هيحدد يعنى الى بيستخدمها عادى و بيمشى بيها زى اى عربية هتبقى معاه كويسة جدا و مريحة

---

اكيد طبعاً, و ده بتهيألى بيمشى على أى عربية, و انا عامة مش ناوية ادخل ييها سباق يعنى =)

شكراً يا جماعة بجد على ردودكم..

انا شايف انك تجيبي حاجة زيرو افضل عشان مهما كان انتي بنت مش فاضية للميكانيكية والكلام دا
وارشحلك اسبرانزا 113 هي صيني بس تمام هتستحملك :d

اقتباس:

---

انا شايف انك تجيبي حاجة زيرو افضل عشان مهما كان انتي بنت مش فاضية للميكانيكية والكلام دا
وارشحلك اسبرانزا 113 هي صيني بس تمام هتستحملك

---

لا لا, اسبيرانزا 113 ايه بس, انا اه بنت بس مش معنى كده انى اركب 113 ! مش مقنعة كعربية اصلاً d=

خلاص هاتي حاجة تكون استعمال بس كويسة ومضمونة واكشفي عليها كويس :)

اقتباس:

---

المشاركة الأصلية كتبت بواسطة elfashn

[

استهلاك النزين التفويله فى الفيرنا تمشي 500 كيلو دا لو سليمه انما فى الانسر لو سليمه يبقي تمشي ما يقارب على 380كيلو

حضرتك متاكد من المعلومه بتاعة 380 كيلو دى ..طب ازاى الى انا اعرفه ان الانسر 1300 سى سى والفيرنا 1600 وفى موديلات نزلت منها 1500 بس قديمه وقليله. يبقى ازاى الفيرنا اقتصاديه اكتر من الانسر؟؟؟؟. فى ناس بيحطو للنسر بنزين 80 علشان هيه كرباتير...ممكن يكون ده السبب. بس مظنش ان يكون استهلاكها كده برضه

---

كلامك صح انا عربيتى كاربيتر ودا معدلها مع بنزين 90
اكيد الانجيكشن افضل

احسن حاجة الزيرو خليك في الفيرنا احسن .. عربية عن تجربة تحفة ..