الموضوع: ساعدونى عقد عمل

ياباشا عقد 3 سنين كتير جداااااااااااا

ده بالعافية ممكن تبقى سنتين
لكن الافضل سنة

من الافضل راجع كفيلك على المدة

او على الاقل ممكن تعمل حاجة كويسة علشان تطمئن
اشترط في العقد ان في فترة اختبار لمدة 6 شهور تقدر تسيب فيهم الشركة في اي وقت
او لو معجبتهمش يقدروا هم يمشوك
بدون ماترجع عليهم بحقوق خلاف مرتبك عن الفترة اللي قعهدتها معاهم

الحاجة التانية كل سنة تخلص لازم تكون واخد مستحقاتك كاملة عنها قبل ما تنزل أجازة يعني الكافأة السنوية (15-30 يوم سنويا) بالاضافة لمرتبك

بالنسبة لبدل السكن على حسب المنطقة اللي هتقعد فيها
بس اعتقد ان المبلغ ده 12 الف مش وحش وممكن توفر منه كمان
بس اهم حاجة التأثيث على مين ؟
على الاقل يفرش 3 غرف (2 نوم + ا استقبال)
والاجهزة الكهربائية والتكيفات
يعني فرش الشقة بالكامل بكل لوازمها ما تحطش فيها قشة

المشاركة الأصلية كتبت بواسطة minicooper20

ايوه فهمنى واحده واحده كده بالله عليك
ليه العقد 3 سنين كتير ؟
فى حاجه اسمها نظام المكفئات كل موسم
12 الف سكن خد بالك الشغل فى مكه دى يكفى
الاختيار من 3 عربيات
كرولا و لانتر و نيسان بس مش عارف البنزين على مين و الصيانه
فرش ده بيكون مكتوب فى العقد و لا ايه
المرتب ده شامل الاكل بس و لا ايه
دى كفاله شركه مش كفاله شخص
ازاى احط شرط ال 6 شهور ده
ربنا يكرمك يا كبير على مسعدتك يا رب

العقد 3 سنين كتير لانك ما تضمنش بكرة فيه ايه على الاقل لو جالك فرصة للافضل تعرف تتحرك او حصل لا قدر الله اي مشاكل غير متوقعة في العمل او زهقت وده بيحصل في اي شغل عادي
اخيار العربيات ده مش مشكلة الوضع اللي ماشي في معظم الشركات لو السيارة لخدمة العمل يعني شغل مواقع وتنقلات كل مصاريفها عليهم لكن لو دي ميزة ليك يعني مش خدمة للشغل يبقى بنزين وزيت عليك والباقي عليهم وخد بالك لو جديدة ما تقلقش صيانتها الدورية في التوكيل على الشركة والحوادث لا قدر الله التأمين بيغطيها (نظام افضل الف مرة من مصر)
12 الف سكن في مكة صراحة معرفش بس اكيد هتلاقي سكن بالسعر ده وطالما معاك عربية ما تقلقش حتى لو سكنت بعيد شوية بس عامة انت بتاخدهم اول لما بتوصل علشان الايجار هنا سنوي ومقدم
طبعا تأثيث الشقة يبقى مشروط في العقد يعني مش ييجي يديلك بدل السكن وتلبس انت في الحيط (التأثيث من الابرة للصاروخ)
المرتب ده بتاعك شامل كافة مصاريف حياتك
اهم حاجة التأمين ولازم يكون فئة عالية
تذاكر السفر ليك ولاسرتك عليه طبعا
شرط ال 6 شهور اطلب منهم انهم يزودوه في العقد عادي جدا
لكن لو عقدك سنوي كفاية 3 شهور
ولازم تعرف قيمة المكافأة دي كام كل سنة ولو في زيادات سنوية متفق عليها

نصيحة اوعى تتنازل اي حق من حقوقك لانك لو اتنازلت مرة او أجلت حق من حقوقك مش هتطوله بعد كده

كان في عضو معانا كان عامل موضوع وفيه ردود رائعة
بص عليه
http://www.nilemotors.net/Nile/255793-a.html