الموضوع: ساعدونى عقد عمل

شوف حضرتك اذا الامور ميسرة سافر ودي فرصة لن تتكرر الا بصعوبة
ثانيا اعتقد والله اعلم انهم هيخفضوا قيمة الراتب الشهري اذا كان التعاقد مع شخص اما لو شركة ممكن تسال عليها وتشوف سمعتها ميغرش الكلام اهم شئ الواقع
ربنا يسهلك امورك

المشاركة الأصلية كتبت بواسطة walidzakzok

على فكرة اسعار الاكل فى الخليج كله واحدة اللي بيفرق البنزين والسكن....لكن انت نسيت حاجة فين مصاريف المكالمات المحلية والدولية وفين الانترنت والا هيقيضيها رنات ويشترك فى وصلة نت كمان مفيش تاكسي هيركبه يخرج بيه فى الاجازات مش هيروح مول يشتري حاجات مش هيقعد على كافيه مثلا والا هايعيش الحياة بتاعة كرتونة بيض وكرتونة تونة وكرتونة بطاطس طول الشهر لو يقدر يعيش العيشة دي هيصرف ال600 اللي انت كاتبهم اما لو حب يحترم نفسه كبني ادم مش اقل من 1500 مع ضبط المصاريف كمان ..بلاش نعمل البحر طحينة للناس....دة غير انه فى الاساس السعودية بلد مقفولة ومعاملة العزاب(من ليس معه اسرته) فيها زي معاملة الجربانين....والا انا كلامي غلط!!!

ياباشا انا معملتش البحر طحينة
ولا لي مصلحة اعمل كده
بالنسبة للمكالمات دي معاك حق فيها بس هي مش كارثة يعني
والانترنت لو سكن مؤثث كويس هتلاقي فيه نت (عادة)
وبالنسبة للانتقالات
انت مخدتش بالك ان الشركة هتديله السيارة
مين اللي قالك ان كل السعودية بقت مقفولة يا راجل يا طيب (انزل الرياض وشوف بنفسك وبالاخص برج الممكلة وشوف جده وشوف الخبر ) ده بقت فيه مناطق مشهورة بتعداد السكان فيها من جنسية معينة - طبعا كل ده لا يقارن بطبيعة الحياة في مصر علشان محدش يفهم كلامي غلط
وكرتونة البطاطس اللي انت بتتكلم عليها وزنها 3 كيلو سعرها 7 ريال شوف تكفي أد ايه ؟
كرتونة البيض 12 ريال فيها 30 بيضة شوف تكفي اد ايه ؟
والتونة العلبة ب 4 ريال ده بخلاف العروض المستمرة عليها

بالنسبة للاجازة والكلاد ده
انت مخدتش بالك من الجملة دي

بخلاف مشتريات شخصية (كمبيوتر - لاب - ملابس - ........ الخ )

ياباشا انا بكلم الكلام ده من وجهة نظري انا الشخصية
وبناء على تجربة مني ومن ناس شايفها عزاب معايا في الشغل


وفي الاخر ياباشا احنا في منتدى للنقاش
والنقاش ليه اصول

تقبل تحياتي

بالنسبة لمعاملة الجربانين اللي بتقول عليها دي

انا لي وجهة نظر
طالما انت رحت بلد لازم تحترم تقاليدها وعادتها
وانت ماشي في الشارع لوحدك هتتعامل معاملة الشاب السعودي بالظبط
يعني لو في اماكن عائلية مش هتدخلها
ما انكرش ان في بعض التجاوزات السخيفة لكنها عادية والله مش ظاهرة ويمكن تجنبها

من ضمن المواقف السخيفة
واحد شغال في الشرطة بس جاي الشغل عندي بيخلص مصلحة وكان بلبس عادي
بعد لما سالت عنه اكتشفت ان وظيفته زي امين الشرطة عندنا
الراجل ده قعد يحور بشخافة شديدة جدا اكتر من نص ساعة علشان يعرف دخل المكان كام وارتبي الشهري كام
عارف مين اللي تصدى ليه في الاخر ؟
واحد زميلي في العمل شاب سعودي

برضه ممكن تبقى ماشي وتلاقي واحد سخيف بتريق عليك مثلا يا المصري او يقول اي كلام من الكلام العامي بتاعنا

كل ده هتلاقيه في اي مجتمع