طبعا مع احترامي لراي حضرتك
انا اختلف معاك
ازاي مفيش فرق يعني ؟
هل حضرتك عاوز تقنعني مثلا ان الزينون ده ميفرقش عن الزينون ده حاجه
فيه حاجه اسمها دراسات وابحاث بتتعمل في الشركات الكبيره دي عشان ينتجوا حاجه زي كده
انما التاني حرامي تكنولوجيا وبيتعمد يقلل من جوده الشئ مقابل سعره
ودي معادله عالميه اقتصاديه معروفه الصين هما اللي اخترعوها
بدليل ان فيه صيني جودته عاليه وسعره عالي
تاني حاجه اللي مش فاهمه من الصور
ايه وجه المقارنه بين لمبه h11 بتاعت شبوره لازم وطبيعي يكون ليها ضفيره امال اللمبه حتنور ازاي
بلمبه d2s بتاعت فانوس لعربيه اوريجينال نازل فيها الزينون اوريجينال زي الbmw والمرسيدس
اللمبه الd2s مش محتاجه ضفيره لان العربيه اصلا مجهزه يبقي فيها زينون
واخيرا احب اهديك الموضوع ده لزميل لينا هنا في المنتدي
وشووف فعلا الفرق
http://www.nilemotors.net/nile/19366...rsion-kit.html
وعلي فكره
انا مركب الزينون الفيليبس المضروب
ومش مقتنع بيه
وواثق ان الاصلي اصلي
بس فيه فرق ان احنا هنا بنفضل الرخيص لان من الصعب انك تلاقي واحد ممكن يدفع 1000 جنيه في زينون
في حين انه قدامه حاجه ب200 وب300
والسبب التاني في رأيي اللي بيمنع الناس من شراء ده
انه ممنوع
يقولك هوا انا ليه حتعب نفسي واركبه واصرف وفي الاخر ييجي امين شرطه في لجنه يغلس عليا
اهو 300 مش حزعل عليهم
وتحياتي لحضرتك :)