هل ممكن ترضى تتقدم وتخطب واحده كان مكتوب كتابها قبل كده وفركشت ؟ ولا هيكون عندك حساسيات من الموضوع ده ؟
عرض للطباعة
هل ممكن ترضى تتقدم وتخطب واحده كان مكتوب كتابها قبل كده وفركشت ؟ ولا هيكون عندك حساسيات من الموضوع ده ؟
هوه موضوع نفسي في الاول والاخر
وانا شايف ان مادام الموضوع مثار في دمغك بلشكل ده
مهما عملنا معاك عمرنا محنقدر نبدد هذا التخوفات
ولمشكله انها ممكن تاثر علي طريقه نعاملك معاها طول العمر
فانصحك انك لاتقدم علي موضوع انت من الاول حاسس بقلق منه
وربنا يرزقك بلزوجه الصالحه
وشكرا
من وجهة نظري مش هخطبها
بما ان هي اتعرفت علي واحد قبلي وكمان مكتوب كتابها يعني مخي هيودي ويجيب قعده معاة مسك ايدها كلمتة وكلمها كلام مش ولابد في التليفون والافلام الحمظانة الي بتحصل اليومين دول بالخطوبة مش بكتب الكتاب كمان
الكلام ده مش هتحس بيه الي لما تخطبها ويحصل مشاكل بنكم وكمان ممكن تقارن بينك وبينة في حجات كتير ومن المقارنة ممكن يكون هو الافضل فينقلب بالسلب عليك وممكن العكس
البنات كتييييييييييييييييييييييي ر وريح دماغك ومتخشش في مشاكل ملهاش لازمة
سلام عليكم
معلش سؤال جاوبوني عليه , انا ما اتحطيتش في الموقف قبل كده فلعلي مش فاهم
هو مش المفروض ان اللي كانت كاتبة كتابها دي كأنها مطلقة ؟ يعني ما تقدرش تقول ان اي حاجة حصلت بينها و بين (زوجها) السابق في حدود معينة كانت عيب او حرام ؟
و على اقل تقدير ما كانتش بتتحجب في وجوده مثلا , لكن برده ده مش حرام
طب هي لو كانت ماشية مع واحد وأنت متعرفش !!!!!!!!!!!!!!!!!!!!!!!!!!!!!
مش الخطوبة في النور وكتب الكتاب أحسا وده شرع الله
موضوع حساس اوى بس انا حتى لو مخطوبه مخدهاش فى الوقت اللى احنا فيه العيب مش فى الخطوبه ولا كتب الكتاب
العيب واللوم كله على البنات المتساهله فى كل حاجه
مكتوب كتابها يعني يعتبر تزوجت
وفي العرف تعتبر مطلقة .. وانا مش شايف اي عيب في كده اطلاقا بالعكس احسن من الخطوبة اللي ملهاش اي محل في الاسلام وتلاقيها ماسكة ايده وبيخرجوا لوحدهم مع بعض
فيها ايه لما تكون كتبت كتابها ولا حتى اتجوزت اهم حاجة اخلاقها هي مش اي حاجة تانية .. ومتخليش الحاجات دي تأثر فيك وتوسوس لنفسك لانك فعلا هتندم لو سبت واحدة محترمة ومؤدبة عشان فركشت قبل كده وتتجوز واحدة متخطبتش قبل كده وتطلع عينك
انتم خايفين تخطبوا واحده مكتوب كتابها قبل كده لان ممكن جوزها يكون مسك ايدها
ياخوانا فيه ناس كتير مخطوبه لبنات لا اتخطبوا ولا كتبوا كتابهم على حد قبل كده
بس رافعين الاريال من زمان ومش حاسيين
""مكتوب كتابها"" يعنى على ذمته
ودا حلال شرعا وبعد كده ماحصلش نصيب
طيب ايه المشكله
صلى استخاره وتوكل على الله والله اعلم
زي ما فيه اخ تفضل وقال انها حاجه نفسيه , يعني تتقبلها او ماتتقبلهاش
بس سؤال بئي لكل الشباب هنا , انت ممكن تاخد واحده ماخرجتش من باب بيتهم اصلا بس ايه يضمنك انك فعلا اول واحد في حياتها خصوصا في الوقت اللي احنا عايشين فيه دا؟
انا في راي انك لو انت بتتقي ربنا و مش بتلعب ببنات الناس , يبقي اكيد ربنا هيختارلك المصانه المحترمه اللي فعلا انت اول واحد في حياتها مش مجرد تمثيل و غش و كمان يحفظ بناتك من بعدك
لكن انت عيشت حياتك و عملت كل حاجه بحجة انك راجل و مش معتقد ان ربنا هيحاسبك لانك راجل يبقي توقع بنسبه كبيره انك اللي هتتجوزها هتكون زيك
ربنا سبحانه و تعالي مش بيتعامل بالقطعه
بس يا ريت تغير العنوان لانه حسيت انه فيه اهانه , الي كتبت كتابها عملت الشرع مش كانت ماشيه علي حل شعرها
مش من قلة البنات
وحتي لو كانت اتجوزت واتطلقت ايه المشكله ؟
هو الواحد بيدور علي واحده يرتاح معاها وتصونه ولا بيدور علي ايه ؟
كمان راي شخصي
انها بتكون اعقل من اللي لسه عاوزه تتنطط وتركب علي قفا الراجل
علي الاقل عرفت اصول الجواز وعيوبه وايه ممكن ينهيه
وحتتلافي الحاجات دي في بيتها الجديد
انا مش شايف اى مشكله اطلاقا مكتوب كتابها مخطوبه قبل كدا ما كله فى النور والبنت محترمه وكل حاجه فى النور بس محصلش نصيب يعنى الموضوع مفهوش اى مشكله اطلاقا وحتى لو مسك اديها ما هيا مراته
اولا انا بشكر كل اللي شاركوا برأيهم
حضرتك يافندم انا مش قايل انها كانت دايره على حد شعرها او اي حاجه من دي وانا شارح ايه رأيكم في الموضوع ده علشان ممكن يكون فيه حساسيات
وزي ما حضرتك شايفه في ناس موافقه وناس لا فممكن فكره الموضوع من مفهوم اوسع ان زي ما هتتقدم لواحده وتعرف انها تكون عارفه حد من غير علاقه رسميه طيب واذا كانت علاقه شرعيه ايه رأيكم ؟؟ لان طبيعة شباب كتير هيكون في حساسيه من مواضيع زي دي فهل هتفرق معاكم ان العلاقه شرعيه ولا لا ؟؟
وطبعا كل حاجه قسمه ونصيب ممكن البنت فعلا كويسه جدا والمشكله كانت فيه هوه وهيه ملهاش ذنب
ونقطه انك عيشت حياتك ؟!!! حضرتك اكيد بتتكلمي بصفه عامه
وفعلا الطيبون للطيبات بس فيه ناس ربنا بيبتليهم - فده مش مقياس -
وشكرا لردك
كل شئ قسمة ونصيب ومحدش بيتجوز مرات حد
وبعدين قدام كان جوزها يبقي مفيش حاجة حرام وكون ان محصلش نصيب يبقي هو دة الخير لكلا الطرفين علشان مقسوم من عند ربنا هتعيش مع مين حتى لو كان مكتوب كتبها
انا عن نفسي لازم زوجتي ابقي اول واحد في حياتها تكلمه او تحبه وبالتالي انا ارفض
لكن عموما علي حسب انت الحاجات دي تفرق معاك ولا لآ انا عن نفسي لما اعرف ان فلان ده اتقدم لمراتي وكشفت وشها قدامه وقعدت مره بس معاه ببقي مش طايقه ولا طايقها مع ان دي رؤيه شرعيه ومره واحده بس انا طبعي كده
علي حسب بقي البيت والبنت يعني في بنات بتعتبر فترة الخطوبه دي كانها جواز وتقولك انا محافظه علي نفسي (يعني مش بيحصل جماع) وفي بنات بيبقي مكتوب كتابها وجوزها مش بيلمسها ولا حتي بيمسك ايدها يعني لحد الدخله جوزها ده بيبقي اجنبي عنها واخرها تسلم عليه بس وتقعد بلبس شرعي معاه زي ماحصل معايا كده
في حالتك هل هي اتكتب كتابها علي طول ؟؟ ولا اتخطبت فتره طويله وبعد كده اتكتب كتابها وبعد كده اتطلقت ؟؟ وهل حصل تجاوزات في فترة الخطوبه ولا لآ اصل الواحد بيشوف بلاوي والله واللي يقولك بيروحو سينما واللي بيخروجو يتعشو سوا وبيبقي في العربيه لوحدهم والكلام الفارغ ده
علي فكره مره زوجتي قالتلي انها شافت برنامج علي قناة الناس والشيوخ كانو بيقولو ان مينفعش موضوع البوس والحاجات دي وكتب الكتاب هو زواج مع ايقاف التنفيذ لحد الدخله وكل اللي ليك انك تبقي قاعد معاها من غير محرم والله اعلي واعلم
الاجابه على قدر السؤال (لأ)
بس ملوش منها كل حاجه في حاجات لازم اذن الولي
وفي اراء بتقول ان برده للحفاظ علي النفس والظروف المنيله لمجتمعنا الأحوط تبقي الدنيا محافظه تحسبا لموقف مثل هذا الموقف وكلام الناس والحوارات دي يعني لو حملت منه واللي انا شايفه حرام اصلا يبقي ايه الكلام لو سابها قبل الدخله؟
لو عمل كده بدون اذن الولي يأثم و لكنه ليس بزنا و الولد للفراش و هي زوجته و ترثه و ينسب ابنه له عصب عن بوزه ......
مش حرام يا بوب
ممكن برده والله اعلي واعلم
عادى
إيه المشكلة
وبتحصل كتييييييييييير
بالتوفيق
طبعا كل الكلام ده زى الفل
وحدة مكتوب كتابها يعنى حاجة شرعية و حصل انفصال ما بينهم دى مش تاثر على البنت فى اى حاجة
مدام محصلش نصيب مع الاولاني يبقى نصيبها جيه فيك انت .. وانت متقدرش تقول لا لربنا سبحانه وتعالى
صلي استخارة وملكش دعوة بكلام حد واللي عليه هتعرف ان كنت هتكمل معاها ولالا