رينو سانديرو ستيبواي في مصر
السلام عليكم جميعا
بالصدفة امبارح وانا عند طارق اسماعيل بتاع السيتي سنتر في الاسكندرية
كالعادة عمال اتفرج علي العربيات واطنطط من عربية لعربية - ال يعني الواد حيشتري كل العربيات اللي موجودة في المعرض
ببص من بعيد لقيت سانديرو واقفة بس شكلها غريب شوية
جنوط اسبور 17 تقريبا وشوية حلي بلاستك علي الرفارف - وعتب تحت الابواب
وحمالتين علي السقف
اية دي دي مش سانديرو عادية اكيد المهم رحت عند العربية اتشقلبت جواها شوية وهاتك يا تفتيح في الابواب وفرجة من تحت لفوق
وفجأه لقيت واحدة ست كبيرة بتبص عليا بذهول - انت عمال تقلب في العربية مش تستازن - كان عرق الغباوة حيطلع وانت مالك هو ايه اللي حشرك اهي عربية واقفة وبتفرج عليها؟؟ بس لقيتني بقولها هو حضرتك صاحبتها قالتي اه انا لسة مستلماها دلوقت وعماله بقول مين اللي واقف يتنطط في العربية دا وعمال يلغوص فيها
طبعا كنت في ربع هدومي وقولتلها ما شاء الله الف مبروك والكلام دا بس للاسف مع لبختي وكسوفي نسيت اسالها بكام ونسيت حتي اصورها
باذن الله ححاول اجيب اي معلومات عنها واحطها في موضوع جديد - المهم ان السانديرو الاستيبواي في مصر يا رجالة وعند طارق اسماعيل
http://www11.0zz0.com/2011/11/29/10/135319661.jpg
http://www11.0zz0.com/2011/11/29/10/915540861.jpg
لغاية امتى هنبقى مواطين درجة تانية
انا يا جماعة متابع العربية دى من على موقع رينو من اول ما نزلت اللوجان مصر
وكنت معجب جدا جدا بيها ولسة شايفها النهاردة عندالطارق فى الاسكندرية
مع احترامى يعنى للوكيل فى مصر - كفاية بقى ضرب على الافا عشان افانا ورم
العربية تنزلها ب 82 الف وتشيل منها المرايات الكهربا والزجاج الكهربا الخلفى
ليييييييييييييييييييييييي ييييييييييييييييييييييييي يييييييييه يعنى
هو عشان شوية حليات أصلا ماتتكلف تكلفة تذكر والجنوط تزود حوالى 10000 جنيه نقول ماشى اللى عاوز يدفع 10000 فى شوية الاستيكرات والبلاستيكات دى هو حر
انما تشيل منها المرايات الكهربا والزجاج الكهرباء الخلفى لييييييييه
معلش يعنى ده اسمه جشع واستكرااااااااااااااااااد
وشكرا
انا لغيت تمااااااما فكرة شراها بجد انتم بتكرهوا الواحد فى الحاجة مالها الادا جميلة الادا على الاقل فلوسها على قدها ومش مزعلانى فى حاجة مش 82000 والزجاج اللى ورا بأوكر يارااااااااااجل