اخر الاكسنت 140 !!!

**egy_3assy** · 29-11-2011 03:00 PM

دلوقتي انا جربت اشد بالعربية (اكسنت 99) 1300 cc ... و بعدين لقيتها مبتجبش فوق 140 .. ودة اخر الحرق عليها ... والصوت بيعلى .. دلوقتي فية واحد في مركز الصفا قاللي ان فيه جزء في اعلى البستم مبيقفلش للاخر فبيرد صوت عالي وعدم امكانية لاقصى السحب ... ودة لية حل اني اعمل رودية على البستم دة بعد فك وش السلندر ... هل دة كلام صح ولا اي فتي وخلاص ؟؟؟ مع العلم ان العربية بتترج رجة خفيفة لو مزودتش قوي في الطلعة والمارشدير يعني ممكن تكون دبرياج .. بس هل الموضوع يستدعي اني افتح وش السلندر؟؟ ولا لا وفي واحد تاني قاللي لو التشخيص صح غير البستم اسهل واضمن ... حد عندة حل؟

**enghany** · 29-11-2011 11:04 PM

يل نهار اسود ايه اللي بتقوله ده اللي قالك كده ده ------------ مافيش حاجه اسمها كده لا روديه للبستم ولا نيله اوعي تعمل كده ده طقم دبرياجججججججججججججججج رعشه مع الطلعه و بالذات عندما تكون السياره سخنه + عدم سحب فوق ال 140 كم-س و الصوت بيعلي غيره و عللي مسئوليتي
م هاني -غبور قليوب

**egy_3assy** · 30-11-2011 10:11 AM

شكرا يا باشا ربنا يكرمك .. بس عندي ملاحظه تانية كمان قبل ما افك .. دلوقتي لما كنت بنضف الكربراتير... لقيت صوت العربية عالي عن الاكسنت اللي كانت واقفة جنبي .. ودة اللي خلاني فتحت الموضوع .. ان صوت الموتور عالي اساسا .. ودة اللي خلاه يقولي اعمل القصص دي .. وسؤال كمان بخصوص الدبرياج .. فين ممكن اسأل علية واركبة .. والموضوع تكلفتة كام تقريبا .. وتركيبة كام برضة ؟؟ معلش تقلت عليك بس عايز اصلي اظبط اموري واشوف هعملة امتى .. وهل لو الحالة كدة .. يبقة ممكن يتصلح او يتصنفر ولا لازم تغيير.
معلش بقا اخر سؤال .. العربية فوق ال 100 فيها رجرجة في الدركسيون وبعدين تبقى الرجة في كل حتة في العربية .. المشكله دي من اية ؟؟؟

**MohssenRashed** · 30-11-2011 10:26 AM

بالنسبه للسحب ده طقم دبرياج و تبقى زي الفل انا كنت بجيب بيها 170 كم.

الرجرجه ده ترصيص. روح رصص و ظبط زوايا و طغط الكاوتش عند حد محترم و ان شاء الله تتظبط و بلاش كلام الصنيعيه عشان كله عايز يفتح شغل لنفسة و خلاص.

**egy_3assy** · 30-11-2011 12:30 PM

ماشي هرصص واظبط الزوايا و يارب تتحل المشكلة

**enghany** · 30-11-2011 07:42 PM

المشاركة الأصلية كتبت بواسطة egy_3assy

شكرا يا باشا ربنا يكرمك .. بس عندي ملاحظه تانية كمان قبل ما افك .. دلوقتي لما كنت بنضف الكربراتير... لقيت صوت العربية عالي عن الاكسنت اللي كانت واقفة جنبي .. ودة اللي خلاني فتحت الموضوع .. ان صوت الموتور عالي اساسا .. ودة اللي خلاه يقولي اعمل القصص دي .. وسؤال كمان بخصوص الدبرياج .. فين ممكن اسأل علية واركبة .. والموضوع تكلفتة كام تقريبا .. وتركيبة كام برضة ؟؟ معلش تقلت عليك بس عايز اصلي اظبط اموري واشوف هعملة امتى .. وهل لو الحالة كدة .. يبقة ممكن يتصلح او يتصنفر ولا لازم تغيير.
معلش بقا اخر سؤال .. العربية فوق ال 100 فيها رجرجة في الدركسيون وبعدين تبقى الرجة في كل حتة في العربية .. المشكله دي من اية ؟؟؟

بص لو صوت الموتور العادي اكشف علي بلف التشوك و البيكات بتاعه الكربراتير اما لو صوت خشانه لاقدر الله يجب الكشف من نتتخصص في التوكيل بالتركيب 1200 لو بره الطقم الاصلي تمنه 500 غير المصنعيات اللي بتبقي حوالي 150 بالنسبه للرجه لو ترصيص بتبقي ظاهره كتر في الدركسيون لكن لو في جسم العربيه نفسه و مع دوسه البنزين يعني التزويد بتبقي روس كبالن داخلي

**egy_3assy** · 01-12-2011 09:40 AM

الف الف شكر يا بشمهندس ... هنزل اجرب ارصص الاول كدة واشوف اية الوضع

**mohm82** · 01-12-2011 11:06 AM

كلام جميل بس أنا مش فاهم ايه الروديه ده؟؟
شكراً
صحيح الحق غير الدبرياج احسن لو باظ خالص ممكن العربية متمشيش .

**egy_3assy** · 01-12-2011 03:00 PM

طب بس هو مش مبهدل اوي كدة .. يعني ممكن افرك بالعربية وكدة .. معناها الدبرياج لسة بيقول ..

**egy_3assy** · 11-12-2011 12:54 PM

في حد عندة تفسير طيب .. انا الدبرياج لسة بيقول معايا كويس يعني لو فركت بالعربية بتفرك وتجري وتمام بس اداءة مش ولا بد .. ممكن يتفك الدبرياج ويتصلح (يتخرط او كدة ) ولا لازم تغيير و انا لغاية دلوقتي معرفش الطقم كلة (اسطوانة و ديسك وبلية) يعمل تكلفة اد اية تقريبا بالنسبة للأكسنت .. واجيبة جديد ولا استيراد نضيف من حد موثوق فية؟ ؟؟