اسفسار عن شراء اوبترا جديده تقسيط بنك ناصر

**hossam_elwani** · 29-11-2011 03:19 PM

عايز اشترى اوبترا اوتوماتيك تقسيط من بنك ناصر بضمان معاش وحدفع 60000 الف من تمنها عايز اعرف الباقى حيبقى كام شامل كل الدمغات والمصاريف المستخبيه والتأمين كمان

وهل هناك بنك افضل وارخص من بنك ناصر

**mohamed9999** · 29-11-2011 03:39 PM

متابع .......

**MOSTAFABASAL** · 29-11-2011 06:33 PM

انا كنت شاري العربيه بتاعتي من بنك ناصر بتحويل المرتب و كنت بزود من معايا عشان ادفع القسط
بنك ظريف و لطيف جدا هوه بس شويه الروتين الرخم الحكومي اللي في الاول و بعدين الامن مستتب لغايه ما تخلص
انا كنت دافع 40 الف و العربيه كاش ب 62 فضل 22 قسط على سنتين بفايده 12 % ودي ارخص فايده في البنوك كلها العربيه زادت 2860 فقططططططططط يعني البيكا بتاعتي ب 64860
الجميل في الموضوع ان مفيش تامين على العربيه فقط تامين على الحياه عشان في حاله الوفاه التامين يدفع للبنك و العربيه تؤؤل للورثه و التامين ده بيبقى حسب السن يعني تقريبا الراجل اللي عندو 53 سنة بيدفع الف و شويه
يا بلاش
اهم حاجه ان المعاش يغطي قيمة القسط ولو ميغطيش لازم يدخل معاه حاجه تانيه مرتب تاني او معاش تاني لو مفيش بيتحط وديعه بنصف القيمة المتبقيه من السياره وتجمد الوديعه على طول مده سنوات القسط و بتطلع عائد العائد ده بيضاف للحساب و بيتخصم منو قيمة القسط و بتروح تسدد بس الجزء المتبقي
بنك جميل جدا في تعاملاته الماديه مفيش حاجات من تحت التربيزة ولا هتتفاجئ بحاجات مكنتش عامل حسابها وكل سنه العربيه رخصتها بتتجدد عشان الحظر و بتاخد جواب من البنك قبل ما تروح المرور و في نهايه المده بتخلص و تفك و الفرع بتاع البنك اللي انت فاتح فيه بيبعت الاخطار للبنك الرئيسي اللي في قصر النيل و بيرجع تاني على البنك و البنك بيبعتو عالمرور الموضووع ده باخدلوا 25 يوم تقريبا
والله الموفق

**MOSTAFABASAL** · 29-11-2011 06:37 PM

طريقه حساب المبلغ المتبقى شوف انت عاوز تقسط على كام سنة كل سنة ب 6 %
يعني اتنين ب 12
تلاته ب 18%و هكذا بتضرب المبلغ المتبقى في 6 او 12 او 18 او الخ و بتقسموا على 12 او 24 او 36 شهر الخخ

**hossam_elwani** · 29-11-2011 08:43 PM

المشاركة الأصلية كتبت بواسطة mostafabasal

طريقه حساب المبلغ المتبقى شوف انت عاوز تقسط على كام سنة كل سنة ب 6 %
يعني اتنين ب 12
تلاته ب 18%و هكذا بتضرب المبلغ المتبقى في 6 او 12 او 18 او الخ و بتقسموا على 12 او 24 او 36 شهر الخخ

الف شكر على المعلومات القيمه دى

بس كنت عايز اعرف هل بيشترو العربيات الاول ولا اختار من اى معرض وهو يدفع؟

وكمان كنت عايز اعرف نسبة الفايده على الودائع عندهم وهل تصرف شهريا ام سنويا؟؟

وانا عمرى 32 ادفع تأمين كام تقريبا؟؟

وهل عند تجديد الرخصه فيه اى مصاريف اداريه او خلافه فى اى مرحله طول ما انت معاهم؟؟

**hossam_elwani** · 29-11-2011 09:36 PM

وكمان سؤال هو نظام الوديعه ازاى؟؟

يعنى الوديعة لازم تكون 50% من تمن السياره الاجمالى ولا 50% من الثمن المتبقى فى حالة دفع نصف تمن السيارة مقدم مش عارف وعايز افهم.........ز

**MOSTAFABASAL** · 30-11-2011 11:37 PM

الوديعه 50 % من القيمة المتبقيه بعد دفع المقدم
انت بتجيب عرض سعر من اي معرض يعجبك في اي حتة في مصر بيكتبلك فيها رقم الموتور و الموديل و رقم الشاسيه و اللون و المواصفات و بيختمه بختم المعرض و لازم تكون العربيه زيرو مش استعمال و البنك بيوافق على اي حاجه
نسبة الودائع عندهم متغيرة ومبعرفوهاش الا بعد السنة ما تخلص لانها مش ثابتة هيه كانت السنة اللي فاتت
10.5%
انا كنت حاطط 11 باين بقوا 13 معدتش فاكر والله
مفيش مصاريف عند تجديد الرخصه غير ال5 جنيه تمن الجواب اللي بيروح المرور فقط 5 جنيه
مش عارف التامين بيعمل كام بالنسبه لسنك بس انا لما اشتريت كان عندي 27 و شهور دفعت مصاريف فتح الحساب و دفتر التوفير و المصاريف الاداريه و الدمغات و التامين على الحياه مش متذكر اوي 450 او 650
بالنسبالك مش هتفرق كتير عن المبلغ ده بس للامانه معرفش كام
ارجو اني اكون افدتك