الموضوع: تعريف حاجات ؟!

1- لمبه زيت الموتور لو نقص
2- الدينمو بتاع البطاريه
3-فرامل اليد
4-كمبيوتر الاعطال ( مهم جدا لو نورت لازم تقف )
5-حزام الامان
6-ابواب العربيه لو فيه واحد مفتوح

المشاركة الأصلية كتبت بواسطة pato11

شكرا

هايحصل اية للمبة لو مثلا الزيت نقص هاينور يعني؟وفي الحالة دي لازم اقف صح

ونفس الحكاية مع الدينامو هاينور ولا لاء ولو نور لازم اقف حالا ولا عادي ؟!

الزيت طبعا لازم تقف وتبص عليه وتزوده لو استوجب الامر والدينمو بارضو خطر جدا

لو نورت لازم تقف وتشوف اي كهربائي قريب منك يبصلك عليها لان في انواع من العربيات

لو سير الدينمو بتاعها اتقطع دوره التبريد كلها بتقف والعربيه سعتها بتسخن جدا وده غلط جدا ممكن لاقدر الله الماتور يجيب وش سلندر

عجبتنى جدا حكاية مصباح علاء الدين دى

بس عموما هو فعلا مصباح علأء الدين لأن اللمبة دى لو نورت معناها ان العربية طلع لها عفريت ممكن بطيرالموتور بالكامل ، لأن هذة اللمبة تشير الى انخفاض ضغط الزيت عن الحد المسموح به، ومعنى انها منورة ان ممكن المحرك يكون فيه مصيبة ، وممكن لأ لكن لو نورت ورفضت الإنطفاء مع ضغط البنزين لازم نوقف المحرك فورا ونبحث عن السبب

الحاجة التانية: اللمبات دى كلها بتنور لما نحط المفتاح فى الكونتاكت وننقله على وضع التشغيل قبل استعمال المارش لبدء المحرك ، وبتطفى مع دوران المحرك

طب ليه بتنور وتسرعنا وتخضنا ، لسبب مهم جدا ، علشان نطمن انها شغالة ، لأن وضع الأمان ان اللمبات دى تكون مطفيه ووضع الخطر انها تنور،فلو واحدة فيهم محروقة وحصلت المشكلة اللى بتنورها ومنورتش ممكن تحصل مضاعفات كبيرة، علشان كدة دايما لازم نبص على التابلوه قبل تدوير العربية ونطمن ان اللمبات كلها شغاله

فيه لمبات تانية مش بتنور فى الأول لأنها لمبات مش خطيرة جدا ، زى لمبة البنزين ولمبة الحزام ولمبة الأبواب، ولمبة الفرامل، دول مش بينوروا غير لما السبب بتاعهم يحصل (فيما عدا لمبة البنزين باقى اللمبات دى دايما يتصادف ان سبب تنويرهم حاصر مع بداية استعمال العربية وبالتالى برضه بيكونوا منورين فى الأول)

لمبة علاء الدين كمان ممكن تنور لو ساعة الزيت بايظة أو في مشكلة في الكهرباء أو العربية متلتة وبتكركر
إيه بتكركر دي :)

Thanks
Eng.Sherif Shaker