الدايو ولا الاوبل محتاج رايكم ولا خاب من استشار

**vip6** · 29-11-2011 04:09 PM

اخوانى الكرام اعضاء المنتدى الموقر
انا عاوز اخد رايكم فى هذا الموضوع ولا خاب من استشار :-
انا معايا دايو لانوس 1 كورى موديل 2000 شركه بره وجوه وحالتها كويسه جدا ومريحانى جدا بصراحه
الا اننى محب للتغيير وباللاضافة لكده كلام اصحابى لما يقولولى هتستمتع لما تركب يابانى او المانى
فقررت ابيع اللانوس واشترى حاجه يا يابانى يا المانى
بالصدفه شوفت عربيه اوبل فيكترا موديل 97 اتوماتيك ، ولونها ابيض 2000 سى سى كاملة و شكلها سبور تحفه
جنوط سبور جميله بسم الله ماشاء الله
فرامل abs وفيها اير باج وزجاج كهرباء وفتحه سقف
وتكييف وزرار حرق غيار وتقريبا تقريبا فيها مثبت سرعه
وعتب سبور ووحده صوت وصب ومثبوت فى الرخصة بتاعتها بها زجاج ملون
ولكن مشاكلها تكمن فى :-
عاوزه تروح للكهربائى يعمل تشيك على الكهربا وكمان يصلح الزجاج الكهربا الى ورا للانه ساعات بيعلق والسنتر كمان بيعلق
والعفشه بتاعتها عاوزه تتربط وده كلام الناس الى عاينوها
وعلى فكره العربية شركه بره وجوه بس بها اجزاء رشة من الخارج
وسعرها 45000
ايه رايكم فى الكلام ده
وهل اضحى وابيع اللانوس الى بتشم بنزين وموفره جدا وقطع غيارها عند البقالين مقابل انى اشترى الاوبل الـــ 97
والناس بتخوفنى جدا من الاوبل فى غلاء قطع غيارها وعدم توافر الايدى العامله بها ولازم انزل بيها الحرفيين لو محتاجه شغل
وقالولى انها 2000 سى سى يعنى بلاعه بنزين وكمان تقيله فى بيعها جدا ومهما تصرف عليها مش هتجيب السعر الى انته عاوزه ابدا
ياريت كل عضو من الاعضاء قرأ كلامى يدلى برأيه بشكل كامل
لان فعلا العربية قدامى مغرية وفيها كل حاجه انا عاوزها ولكن اخاف من مستقبلها لانها هتقعد معايا حوالى سنتين تلاته عقبال ما ابدأ اغيرها
ولكم منى وافر الاحترام والتقدير
وشكرا جزيلا على مساعدتكم

**KOKOABDALLAH** · 29-11-2011 05:23 PM

بص ياباشا انت قدامك حل من الاثنيين لو جبت اوبل ماتفكرش تبيع الاوبل عربية معمرة جدا فى قطع الغيار ثبات على الطريق بس فى البيع تقيل بس انت عاوز ركوبة
انت مش تاجر فا فكك من حوارات التجار الى كل يوم بيبعوا ويشتروا
وقطع الغيار غالية عشان تبقى فى الصورة بس اسأل بردة على كل قطع الغيار فى 5 دقايق عشان ماتخسرش حاجة
بس فى ناس كتير بتفهم فيها من حيث الصيانة عشان تبقى بردة مطمن

**KOKOABDALLAH** · 29-11-2011 05:24 PM

وعلى بركة الله لازم تنضم للعصابة بتاعة اوبل

**meika** · 29-11-2011 06:31 PM

45 الف قليلة جدا السعر دة على الموديل دة على الموصافات دى
شوف التكييف شوف الجيربوكس (انتظام نقل السرعات)
شوف بتعمل كام فى الصفيحة
شوف عزم الموتور
شوف العفشة كويس جدا لان دى 2000 سى سى
والفرامل سخونة الموتور

**medododo** · 29-11-2011 06:42 PM

إكشف على العربية كويس سعرها مريب

**vip6** · 29-11-2011 07:51 PM

فيه حاجه يا جماعه نسيت اقول عليها
هو انى لما جيت اجربها وسوقتها لقيت نقل الغيارات غريب شويه
يعنى بحس انها لما بتنقل على غيار انا بسمعه وصوت الموتور مسموع
يعنى اقصد الغيار الاول عاااااااااااااااااااااااا ااااااااااااااان وبعد كده تنقل على التانى صوتها يخف وهكذا
دا عادى فى الاوبل الاوتوماتيك ولا ايه
وعاوز اعرف ايه اخبار استهلاكها فى البنزين
ولو حد هيظبط عفشتها وعلى كلام البايع انها عاوزه تتربط بس
تكلف كام مثلا
وفانوسها مثلا بكام وكده

وشكرا جزيلا للاخوانى الاعضاء

**KOKOABDALLAH** · 29-11-2011 09:56 PM

ياعم روح لواحد ميكانيكى يشوفلك الفتيس والماكينة عشان الحاجة فى الاوبل غالية جدااااا
وربنا يوفقك انشاء الله

**alnmr79** · 29-11-2011 11:11 PM

نصيحة اللانوس 1 عربية جميلة مت فرطش فيها الا لو تعبتك وفتحت بقها ساعتها كمل وهات فيكترا حالة ممتازة وكدة هتحس بالفرق بس لو العربية اللى معاك كويسة وهتجيب فيكترا نص نص هتكره نفسك