استفسار بخصوص طبيعة العمل في شركة تامين ...وخاصة من سكان المنصورة

**ahmadmidop** · 29-11-2011 04:12 PM

انا خريج تجارة 2011 المهم واحد معرفة قالي انا في شركة تامين في المنصورة اسمها دلتا طالبة خريجين واداني ايميل ابعت عليه ال cv المهم بعت الايميل كلموني النهاردة وقالولي ان في النترفيو بكره طبعا طبيعة العمل زي مندوب مبيعات كده معرفش المرتب وفي عمولة وبتاع قالو بكره في الانترفيو .. المهم انا عندي كذا استفسار اولا انا ساكن في دمياط الجديدة عشان اروح المنصورة كل يوم وارجع بالميت 300-400 مواصلات كل يوووم فطبعا صعب انا هاخد كام اصلا ... ثانيا طبيعة العمل كمندوب مبيعات في شركات التامين هيبقى ازاااي هل فعلا لف وبهدلة .. واللي مششككني انهم طلبوني على طووول بعت امبارح بليل طلبوني النهادة شكلهم مش لاقيين .. ياريت اللي عنده تجربة يفدني

**ahmadmidop** · 29-11-2011 10:01 PM

!!!

**A.Saad** · 30-11-2011 08:48 AM

روح واسال
فيه مندوب بيحصل اقساط وفيه منتج اللى عايز يعمل تامين بيروح له او ييجى له الشركة وفيه اللى بيعاين

**beshomilan** · 02-12-2011 06:03 PM

لا انصحك اطلاقا بالعمل فى شركة تأمين لانى كنت مدير وحده انتاجيه من قبل فى اليكو وقعدت يومين ومشيت وجالى شغل مماثل فى اليانز وايس لايف وكان مرتبى كبير جدا
بس الموضوع كله فى انك هتعرف تسوق المنتج ده ولا لا..انت اللى تقدر تحدد كده ودى اهم حاجة فى الموضوع ده
وخد بالك انك مهما تلف وتروح وتيجى طالما مفيش عملاء فانت مش هتاخد ولا مليم..فخليك عارف كده
وعايز اقولك انك هتلاقيهم بيكلموك كتير لو مجتش ويدوك اهتمام عالى اوى وينزلوك تدريب وفورمال وحاجات من دى وتحس انك داخل تشتغل مدير عام وفى الاخر صفر كبير
انا نصحتك من واقع خبرتى وخبرات اصدقائى اللى اشتغلوا فى المجال ده
وده برضه مينكرش ان فيه قصص نجاح لناس اعرفهم فى المجال ده بس بصراحة كانوا بنات :) لا وايه مش اى بنات يعنى :D
حابب تروح وتجرب ربنا يوفقك..بس انا هديك موقع كويس سجل فيه وان شاء الله تلاقى اللى بتحلم بيه
AmCham Egypt - Online Services - Recruitment Center
وتختار find ajob وبعد كده allمن غير ماتختار اى مجال
وربنا يوفقك