هو اية اكبر عدد من الكيلومترات ممكن يتعمل في عمر العربية

السلام عليكم

الواحد لما يشتري عربية جديدة بيكون خايف عليها طبعا

انا من سنتين اشتريت النترا 2009 زيرو

بس حاسس ان استهلاكي ليها عالي اويييييي

انا عامل حوالي 36 الف كيلو في سنتين يمكن اقل

بعمل في اليوم متوسط 100 كيلو بمشي في طرق مطبات كتير بس بحاول على مهلي براحة عشان العربية ما تتأثرش

انا بعمل الاصيانة و بانتظام و بغير الزيت في ميعادة و بربط عفشة و الفلاتر طبعا كل دة في التوكيل

هل لو انا فضلت على كدة العربية الموتور و العفشة هيتعبوا

انا اقصد الاستخدام الهادئ لكن بقطع كيلوهات كتير هل العربية هتودع بدري بدري

دة مع الاستخدام العادي ما عدا اي حوادث ربنا يحفظنا جميعا

حسب استخدامك للعربية طبعا
يعني ممكن في ال 40000 تلاقيها بقت خردة
وممكن تفضل ماسكة نفسها لحد 200000 :)
عموما العربيه بعد ال 100000 بتحتاج تغير شوية حاجات مش في الصيانة الدورية بتاعتها
يعني هتبتدي تغير القطع اللي مش استهلاكية
وربنا يحفظك ويحفظنا جميعا من كل سوء

انتا طيب اوى يا باشا
36 الف كيلو فى سنتين ياعنى الف18 كيلو فى السنه تقريبا
ربنا يباركلك و دوس دنتا كده مدلعها

المتوسط دلوقتى 20 ألف كيلو فى السنة.

في ناس بتوصل ل 100000 في سنه ونص

العربية دلوقتي عاملة 99000 و جاية من شهر 3 ( لانوس 2011 )
بس للأمانة العربية بقت كفتة .. منصحش أي حد بيها تماما ..اردئء عربية ممكن حد يركها
كان معايا قبلها نوبيرا عملت بيها 230000 في سنة و نص كانت زي الفل .. لكن اللانوس .. (زباااااااالة )

يا باشا عمر الموتور بيقاس بى السواقة هل بتريح الموتور فى الغيارات يعنى بتحرق على الغيار ولا سواقتك كويسة والصيانة والذى منة لو استخدمك كويسة الموتور يعيش كتير قوى قوى بس بالاستخدم الكويس طبعا وربنا معاك كدة استخدامك كويس جدا

اقتباس:

---

المشاركة الأصلية كتبت بواسطة hazem_8868

العربية دلوقتي عاملة 99000 و جاية من شهر 3 ( لانوس 2011 )
بس للأمانة العربية بقت كفتة .. منصحش أي حد بيها تماما ..اردئء عربية ممكن حد يركها
كان معايا قبلها نوبيرا عملت بيها 230000 في سنة و نص كانت زي الفل .. لكن اللانوس .. (زباااااااالة )

---

هههههههه 99000 ربنا يباركلك فيها انا كان معايا لانوس وفتحت بقها بعد 90 الف
مع انى بحافظ

انا عملت السنة دي 26 الف كم بهيونداي فيرنا و آخر حلاوة طالما بعمل الصيانات

اقتباس:

---

المشاركة الأصلية كتبت بواسطة ahmedsrs

هههههههه 99000 ربنا يباركلك فيها انا كان معايا لانوس وفتحت بقها بعد 90 الف
مع انى بحافظ

---

و الله حرام الظلم في اللانوس
انا بعت اللانوس 2 السنة اللي فاتيت و كانت موديل 2005 و كانت ماشية 130000
و اقسم بالله ان اللي اشتراها لسة بيشكرني لغاية دلوقت و كنت بيعهاله و الله زي الفل
و واقفة علي حيلها مشاء الله.

اقتباس:

---

المشاركة الأصلية كتبت بواسطة hema_lancer

حسب استخدامك للعربية طبعا
يعني ممكن في ال 40000 تلاقيها بقت خردة
وممكن تفضل ماسكة نفسها لحد 200000 :)
عموما العربيه بعد ال 100000 بتحتاج تغير شوية حاجات مش في الصيانة الدورية بتاعتها
يعني هتبتدي تغير القطع اللي مش استهلاكية
وربنا يحفظك ويحفظنا جميعا من كل سوء

---

هي القطع اللي مش استهلاكية دة زي المقصات و الجلب

و المفروض التيل بيتغير امتى و الطنابير ليهم كيلوهات معينة

انا زيت الفرامل نزل تقريبا للنف و مش بيتزود في الصيانات هل لما ينخفض اكتر لازم اغير التيل و لا بملاه و خلاص

الف شكر يا باشا

مفيش مقياس معين لعمر العربية او الموتور
المقايس هو طريقة سواقتك والصيانات الدورية ليس الا
انا العربية بقالها معايا سنة ونصف وعامل بيها 36600 كم ودا يعتبر نسبيا عالي لأن المتوسط تقريبا 20000 كم في السنة
بس زميلي عمل بالفيرنا في سنة واحدة 55000 كم فدا عادي جدا
طول مانت مراعي العربية في الصيانات والسواقة بتاعتك كويسة يبقا متقلقش عليها هتفضل ماشية اقصى عدد كيلومترات ممكن للموتور بتاعك
وربنا يحفظهالك يا رب

اقتباس:

---

المشاركة الأصلية كتبت بواسطة dr_abooody

هي القطع اللي مش استهلاكية دة زي المقصات و الجلب

و المفروض التيل بيتغير امتى و الطنابير ليهم كيلوهات معينة

انا زيت الفرامل نزل تقريبا للنف و مش بيتزود في الصيانات هل لما ينخفض اكتر لازم اغير التيل و لا بملاه و خلاص

الف شكر يا باشا

---

جلب ومقصات وبلي واسطوانة او كوبلن
او طرمبة بنزين او دينامو او مارش والخ .......
يعني حاجات تغيرها لأول مرة
التيل والطنابير مالهمش كيلو معين طبعا هو ليهم كيلو تقريبي وليس مقياس
بس كل صيانة بيتبص عليهم
ومدام الزيت نقص يبقي ده اشارة ان التيل بيخلص (غير مؤكد100%)
وزيت الفرامل مش بيتزود لأنك لما هتغير التيل هيزيد تاني لوحدة

انا معايا ماتريكس 2008 وماشاء الله مغيرتش فيها حاجة وعامل بيها 130 الف كيلو

انا كان معيا جيتا 2006 بيعها 160 الف كيلو و مغيرتش مقصات و لا بيض ولا اى حاجه هى صيانه دوريه فقط

انت استخدامك جميل ياباشا وخصوصا لو انت محافظ على العربيه الالنترا عفشتها تستحمل لحد 100 الف كيلو مستريح

والموتور طبعا يكمل فول 200 الف مستريح

انا كان معايا نيو اسكنت عملت بيها 160 الف كيلو كان كل مشكلتي العفشه لاني كنت مدمر العربيه فقط انما المتورو اناببيع العربهي كان فوق الممتاز كمان

-----------------------------

الانوس مشكلتها ان كل حاجه فيها بتبوز باستمامر وده يخليك تبقى مش طايق العربيه ممكن تبقى له مغير عفشه كامله وتلبس مطب يبقى ولا كانك غيرت حاجه بالاضافه كل طقم الجوانات المقرف الي ما بيصدق يبوز كل شويه

واكبر عيب فيها قعدتها تكسر الضهر فعلا انا جبتها شهرين مستحملتهاش بسبب قعدتها

ياباش في مواتير بتعمل 400 الف و500 الف وازيد يعني متقلقش من الناحيه دي
اما بالنسبه للمسافه اللي حضرتك قطعتها انا في واحد صاحبي معاه صني 2008 ومعدي بيها ال 160 الف كيلو لحد دلوقتي يعني حضرتك في السليم طالما بتروح الصيانه في مواعيدها وتهدي في الطرق المكسره والمطبات
وربنا يحفظهالك

انا شاري عربيتي بعداد 140000كم عملت زيهم في 4 سنين يعني في السنه 35000كم .عربيتي اوبل فيكترا 99

اقتباس:

---

المشاركة الأصلية كتبت بواسطة hazem_8868

العربية دلوقتي عاملة 99000 و جاية من شهر 3 ( لانوس 2011 )
بس للأمانة العربية بقت كفتة .. منصحش أي حد بيها تماما ..اردئء عربية ممكن حد يركها
كان معايا قبلها نوبيرا عملت بيها 230000 في سنة و نص كانت زي الفل .. لكن اللانوس .. (زباااااااالة )

---

حضرتك ضحكتني جداً بكلمة كفتة ده :) :10D5C8w1107: منتا ياباشا مبهدل العربية معاك فيه حد يعمل في 8 شهور 99000 ألف كيلو لازم العربية تتفرتك طبعاً :biggrin2:



أنا معاية لانوس بتاعت والدتي فطبعاً الإستهلاك قليل بس بحب العربية ده جداً و شايف انها أحسن عربية في مصر و مش ببالغ :11_5_14[1]:

ما هو مقياس عمر العفشة

يعني انا بمشي في طرق مدق كدة زي ما تكون قبل السفلتة كدة الحصى و بيدبدب في العفشة عشان انا شغلى في القطامية

هل دة يبوظ العفشة

لو في مطب باخدةبالراحة لكن طريق مش ممهد كدة بمشي عادي

هل دة يبوظ العفشة و بالنسبة للمساعدين هل ليهم عمر معين بردة

عادي مدام مفيش اصوات ترزيع عادي

بص اكتر حاجه تفرهض العفشه النقر والمطبات

صاحبي عامل بيسيفك 2002 فوق ال 250.000 ألف كم وماشاء الله تركب العربية أو تسوقها تحس إنها زيرو
وأنا عربيتي الدوجان بقت خردة من بعد ال 50.000 ودلوقتي عامل بيها 200.000 مش عايز أقولكوا بجد بصلحها بمعدل كل 100 كيلو أو أقل لدرجة إني شربت صنعة الميكانيكا كاملة بسبب الملعونة دي وبتغاظ قوي من إللي يقولك العربية دي شديدة وحمالة قسية ميعرفش إنها حتى وهي مركونة بتعطل برضو

اقتباس:

---

المشاركة الأصلية كتبت بواسطة شاهين - بنز

صاحبي عامل بيسيفك 2002 فوق ال 250.000 ألف كم وماشاء الله تركب العربية أو تسوقها تحس إنها زيرو
وأنا عربيتي الدوجان بقت خردة من بعد ال 50.000 ودلوقتي عامل بيها 200.000 مش عايز أقولكوا بجد بصلحها بمعدل كل 100 كيلو أو أقل لدرجة إني شربت صنعة الميكانيكا كاملة بسبب الملعونة دي وبتغاظ قوي من إللي يقولك العربية دي شديدة وحمالة قسية ميعرفش إنها حتى وهي مركونة بتعطل برضو

---

اناشايف ان اي عربية تقفيل برةة احسن في الكفاءة و العمر من العربيات اللي بتتقفل عندنا

دة غير ان العربيات الجديدة انجيكشن و عملية و بسيطة و استهلاك بنزين اقل و مش بتعمل بارومة لان اغلب اجزائها فيبر

و مرتكزة على لوحين صلب هما اللي شايلين العربية و الباقة تركيب رفارف اكصداك كبوت

عربيتى رينو كليو موديل 2003 عامل بيها 170 الف كليو معتبرها عيل من عيالى الصيانات قبل معادها بالف كيلو كمان وبسافر بيها شرم الشيخ على طول والحمد لله زى الف وما فيش اى مشاكل بس احب اضيف معلومة مش عارف صح ولا غلط واتمنى التصحيح لى فى حالة الغلط عمر السيارة يتوقف فى المقام الاول على قائدها وطريقة سوقته للعربية تانى حاجة اعتقد ان الموضوع مرتبط بالمنشأة يعنى السيارات الاوربية اعتقد انها معمرة اكتر من الكورى والصينى وحتى اليابانى والله اعلم

دة حسب استخدامك للعربية ياباشا
يعنى واحد مراعى العربية ومسايسها ومش عمال على بطال بيحرق على الغيارات ولا شغال قرص على المكنة
وواحدة واحدة على المطبات واهم حاجة مراعى صيانات العربية واى حاجة تظهر تعالجها ومتكبرش هتفضل معاك زى الفل بس طبعا بعد ال100000 تقريبا فية حاجات بتعتاج تغيرها نظرا لعمرها الافتراضى وهتركب الاصلى بتعها وهتنساها وهكدا طالما مراعيها هتبقى على قد عمر افتراضى لقطعة وهتتغير
تصدق بالله انا عربيتى المتواضعة نوبيرا1 كورى موديل 99 كنت شاريها عاملة 110الف ك ودلوقتى وصلت ل150الف ك وشوية بقالها معايا 3سنين
الحمد لله المساعدين الاربعة بتوع العربية متفكوش لحد دلوقتى ولسة مربط عافشة وخليت الراجل يكشف عليهم قالى زى الفل كل اللى غيرتة فى العفشة مقص و2كوبلن ودراعين اسكترا وطقم دبرياج و طنابير بخلاف التيل ولكاوتش وحالات فردية و كبس المكنة من 4 شهور كان حوالى 80%

فاالموضوع كلة استخدامك للعربية ازاى وبتراعيها ولا لأ ........ واحد جارى والله معاة سيراتو مش متزكر موديل كام بس هيا من اول مانزلت السيراتوالمكنة خفت عندة طبعا مش لوحديها ولا عيب فى العربية ..... اللى راكب العربية مش راحمها مقضيها قرص وحرق على الغيار من طلعتة بالاولانى ومع السكة بقى والله تقف قدامها تسمع مكنة جرار زراعى مش صوت مكنة سيراتوو