استفسار صغير من وحوش الاوبل من اخوكم من منتدى الدايو

السلام عليكم

انا كان عندى استفسار

كنت عاوز اسقط موتور اقوى من اللى عندى حاجة كدة 2000 سى سى

وانا بدور على النت لقيت موتورين تمام

الاول c20 xe

والثانى c20 let

انا معايا دايو اسبيرو وهيا مشتركة فى حاجات كتير مع الفيكترا a

السؤال هوا اية رايكم فى فكرة التسقيط للمواتير دى و مدى امكانيتها عندى بالنسبة للقواعد و لا هل حتحتاج تعديل

لان اعلى موتور عندنا 2000 سى سى بيطلع حوالى 136 حصان لكن الموتورين دول 170 و 200 حصان على ما اظن

السؤال التانى ما هو مدى توافر قطع غيارهم ولا ابعد عنهم احسن؟

السؤال الثالث اسعارهم؟

السؤال الرابع هل بجيب النيا كاملة من موتور و فتيس و كنترول و خلافة والضفيرة ولا ممكن يركبو عندى مباشرة؟

واظن ان اى موتور تابع لجنرال موتورز ينفع يتثبت فى المرور عادى سواء اوبل او دايو او شسفورلية صح ولا انا غلطان

و شكرا مقدما لكل افراد العصابة زى ما انتو بتحبوا تطلقوا على نفسكم

بانتظار ردودكم

وهل متوافر مواتير تانية قوية و كودها اية لو متوافر لها قطع غيار بشكل اكتر؟

اهلا بيك يا باشا, معلشى بقى اصحاب ال a يفيدوك فى موضوع التسقيط ده

اقتباس:

---

المشاركة الأصلية كتبت بواسطة wama00

اهلا بيك يا باشا, معلشى بقى اصحاب ال a يفيدوك فى موضوع التسقيط ده

---

شكرا لحضرتك يا فندم و بانتظار رد العصابة

يا باشا سقط ماتور الليجانزا ال2000 سى سى ال136 حصان بالفتيس بالدفيرة بالعفشة والفرامل وهتكون مظبوطة على العربية والاداء هيكون ممتاز وقطع الغيار متوفرة
اما مواتير الاوبل اللى اكتر من كدة شاسيه السيارة والقواعد مش هتنفع عليها

أنا هقول لحضرتك على حاجة
الموتور c20let أنا دورت عليه كتير وللأسف هو مش موجود بس كان فى واحد قالة ممكن أجيبهلك (كان قايلى مبلغ محترم)
ولو لقيته فهو ملوش ولا قطعة غيار وهتغلب وهتدوخ على الفاضى
يعنى بالعربى هتبقى رميت فلوسك على الفاضى
الموتور c20xe بردة ملوش ولا قطعة غيار دة بالاضافة إنى لفيت على معظم محلات الحرفيين
ملقيتش أى حد يعرف أصلا الموتور دة كأنى بقولهم على حاجة أنا اللى مخترعها
يعنى بردة تبقى رميت فلوسك على الارض دة لو لقيته أًصلا
أنا مش قصدى أحبطك بس أنا خايف عليك وبنصحك نصيحة أخويا
أنا إتكلمت كلام عام على المواتير لكن مش إتكلمت ف موضوع قواعد الموتور عندك هتتغير ولا لأ
لو عايز عربية بموتور جامد ممكن تبيع عربيتك وتشوف حتة هوندا سيفك sir

مجرد رأى

اقتباس:

---

المشاركة الأصلية كتبت بواسطة alnmr79

يا باشا سقط ماتور الليجانزا ال2000 سى سى ال136 حصان بالفتيس بالدفيرة بالعفشة والفرامل وهتكون مظبوطة على العربية والاداء هيكون ممتاز وقطع الغيار متوفرة
اما مواتير الاوبل اللى اكتر من كدة شاسيه السيارة والقواعد مش هتنفع عليها

---

اظن موتور الليجانزا هو هو موتور الاوبل ال cdx صح كدة ولا انا غلطان؟

اقتباس:

---

المشاركة الأصلية كتبت بواسطة Ahmed_lol2007

أنا هقول لحضرتك على حاجة
الموتور c20let أنا دورت عليه كتير وللأسف هو مش موجود بس كان فى واحد قالة ممكن أجيبهلك (كان قايلى مبلغ محترم)
ولو لقيته فهو ملوش ولا قطعة غيار وهتغلب وهتدوخ على الفاضى
يعنى بالعربى هتبقى رميت فلوسك على الفاضى
الموتور c20xe بردة ملوش ولا قطعة غيار دة بالاضافة إنى لفيت على معظم محلات الحرفيين
ملقيتش أى حد يعرف أصلا الموتور دة كأنى بقولهم على حاجة أنا اللى مخترعها
يعنى بردة تبقى رميت فلوسك على الارض دة لو لقيته أًصلا
أنا مش قصدى أحبطك بس أنا خايف عليك وبنصحك نصيحة أخويا
أنا إتكلمت كلام عام على المواتير لكن مش إتكلمت ف موضوع قواعد الموتور عندك هتتغير ولا لأ
لو عايز عربية بموتور جامد ممكن تبيع عربيتك وتشوف حتة هوندا سيفك sir

مجرد رأى

---

شكرا لحضرتك وكدة حضرتك ريحتنى كتير من اللف و الدوران على الفاضى

طب و بالنسبة للموتور الايكوتك بتاع ال cdx يا ترى دة قطع غيارة متوفرة ولا لا واطن بس مش عارف دة صح ولا غلط و ياريت حضرتك تصححلى ان هو موتور الليجانزا عندنا فى الدايو؟

بالنسبة لانى ابيع السبيرو فدة صعب عليا لانى فضلت سنة كاملة ادور لحد ما لقيت واحدة مش متهانة و انى الاقى سيفيك حالة بيتى انا عارف دة صعب قد اية

انا العربية عندى مكانتش مزعلانى فى حاجة بس لظروف شغلى فى الغردقة و السفر الكتير بفكر اغير لموتور اقوى و احدث
عشان انا عربيتى جابت جوان وش سلندر بس هنا فى الغردقة بعد ما غيرناة مش عارفين يدوروها فانا مستنى اجازتى انزلها القاهرة للميكانيكى بتاعى يشوفلى اية القصة وربنا يسهل

ركب موتور السي دي اكس ..ايكوتك موفر في البنزين 137 حصان وقطع غياره متوفره جدا جديد واستيراد ..وهو نفسه موتور الليجانزا.

اقتباس:

---

المشاركة الأصلية كتبت بواسطة hellboy

ركب موتور السي دي اكس ..ايكوتك موفر في البنزين 137 حصان وقطع غياره متوفره جدا جديد واستيراد ..وهو نفسه موتور الليجانزا.

---

حضرتك عندك فكرة ينزل عندى فى الاسبيرو من غير تعديل قواعد ولا لا و هل اجيب الموتور بالكنترول و الضفيرة ولا بيركب على اللى عندى

و بيكون الموتور لحد موديل كام و متوسط الاسعار و شاكر جدا لحضرتك

متابع بإهتمام

يا جماعة الدايو ليجانزا نازلة ب 2 موتور أكوادها U20SED و C20SED
أما الأوبل فيكترا سواء cd أو cdx نازلة بموتور 2 كامة كان أكوادها ْX20XEV
وبعض العربيات نزلت بموتور C20SEL
فكدة فى إختلاف بين المواتير بس أكيد فروق بسيطة
عموما بردة انا بدور على أى معلومة بخصوص قواعد الموتور وإمكانية تركيب الموتور ف دايو إسبيرو

على قد فهمى إن الموتور اللى ممكن يركب عليها على طول من غير تعديل هو موتور الفيكترا a الواحد كامة

اقتباس:

---

المشاركة الأصلية كتبت بواسطة ahmed_lol2007

يا جماعة الدايو ليجانزا نازلة ب 2 موتور أكوادها u20sed و c20sed
أما الأوبل فيكترا سواء cd أو cdx نازلة بموتور 2 كامة كان أكوادها ْx20xev
وبعض العربيات نزلت بموتور c20sel
فكدة فى إختلاف بين المواتير بس أكيد فروق بسيطة
عموما بردة انا بدور على أى معلومة بخصوص قواعد الموتور وإمكانية تركيب الموتور ف دايو إسبيرو

---

بانتظار الافادة من حضرتك وشاكر لتعبك واهتمامك

اللانوس يركب عليها موتور فيكترا 1600 - 2000 موديلات حتى 95
و كان اللى عملها على ما اعتقد زميلنا و كبيرنا محمد ممدوح فى دايو

بردة على حسب ما أنا فهمت
إن حوض الانوس واحد هوا هوا حوض الاسبيرو

اقتباس:

---

المشاركة الأصلية كتبت بواسطة ahmed_lol2007

بردة على حسب ما أنا فهمت
إن حوض الانوس واحد هوا هوا حوض الاسبيرو

---

ما اظنش لان حوض الاسبيرو بحر ولو حضرتك شفت موتورها كبير قد اية حتعرف ان الحوض اكبر من اللانوس على ما اظن والله اعلم مش عاوز اكون بفتى بس انا حاسس كدة حتى بالنظر

ياباشا أنا أقصد القواعد مش حجم الحوض ذات نفسه

اقتباس:

---

المشاركة الأصلية كتبت بواسطة ahmed_lol2007

ياباشا أنا أقصد القواعد مش حجم الحوض ذات نفسه

---

تمام وصلت كدة يا فندم انا كنت فاهم غلط

اللى متأكد منه ان محمد ممدوح كان مسقط موتور كبير فيها
بس ازاى مش فاكر

اقتباس:

---

المشاركة الأصلية كتبت بواسطة tananybasha

اللى متأكد منه ان محمد ممدوح كان مسقط موتور كبير فيها
بس ازاى مش فاكر

---

تمام شوفت صور قبل كده ل لانوس بره مصر مسقط فيها موتور اوبل 2.0 gsi