أحمد
بالنسبه للحساسات بتطلع ضمان الكهربا بره
عرض للطباعة
يا باشا دى سياسة السبع وباحترمها فيهم فى موضوع الاكسسوارات ده
لو فعلا عاوز تركب لمبات عالية الاضاءة يبقى خليك فى اوسرام نايت برايكر بلاس ونفس وات الستوك وبدون تغيير كتاوت ولعب فى الكهرباء
اما موضوع الزيت ده قتل بحثا ولو فعلا هاتمشى بتوصيات نيسان مصر يبقى كل مراكز الخدمة تغير لموبيل 1 زى ما هو مكتوب على شاسيه العربية ورا الموتور مش مودرن تحط موبيل والسبع يحط شل ويقولك احسن من موبيل واتوايجيبت تحط توتال وتقولك ده الاصل !!!!!!!!!!
مفيش نوع زيت بيخرج عربية من الضمان وكل اللى بيعمله فى دفتر الضمان انه بيكتب عبارة (زيت طرف العميل) وبس لا بيكتب اسمه ولا نوعه
اول حاجة الف شكر على ردكم بالنسبة لموضوع الزيت طمنتني استاذ يوسف ربنا يكرمك وحضرتك اخبارك ايه يا رب تكون بخير
موضوع اللمبات انا فعلا قررت ان مركبش غير اللمبات اللي نفس الوات فيه غير الاوسرام نايت بريكر في فيلبس اكستريم بور مكتوب انها بتدي 80% ايه رايكم مين الاحسن ولون اضائة الاثنين ايه
وحاجة تانية كمان يا يوسف باشا انا لو هجيبهم من المنصورة احسن مكان فين؟
والف شكر مرة تانية
انا كويس وبخير الحمد لله
انا اللى اعرفهم مجربين اوسرام نايت برايكر او فيليبس رالى اللى بتحتاج كتاوت
انما النوع التانى من فيليبس ده مش عارف ايه نظامه وغالبا هايكون اغلى من اوسرام
بصراحة مش عارف ممكن يتباعو عندك فين
عالعموم خلال شهر باذن الله ناوى اغير وممكن اشتريلك جوز معايا من القاهرة واجيبهوملك المنصورة زى الريموت كده هههههههههههههههههه
بس المرة دى ما تقولش اخويا هايقابلك :coming-soon[1]:
مع ان اى حاجة كهرباء ولو كانت صغيرة تركب فى العربية تخرج من الضمان .. الا وان سنسور الركن مش بيخرج من الضمان .. لانه مش بيلعب فى الضفيرة .. ومفيش منه خطر
واللمض خاليك فى الاسورم قوية وارخص من الفيلبس .. وتجبهم نفس الوط بالظبط
وحضرتك وقت ما تنزل فى القاهرة فى اى يوم سهل العثور عليهم .. او يوم مقابلة القسم لو حضرتك حتشرفنا .. قولنا ونجهزهالك
والزيت لازم يقولك طبيعى بمعرفة العميل .. ده الطبيعى .. ومتقلقش .. الزيوت اللى بتحطها زى فالفولين وليكوى مولى وكاسترول .. زيوت عالمية ومعروفة جدا فى العالم
على العموم انا هسال عليهم في قسم الاضائة بس حضرتك يا استاذ يوسف كان عندك ايه وناوي تغير لايه وانا بجد كان نفسي اقابلك بس حضرتك اجلت لتاني يوم وانا بردو بسافر
استاذ احمد مش الباركينج سنسور بتاخذ كهربا من لمبة الرجوع ولا منين اقصد يعني مش ده قص في اسلاك الكهرباء ولا ايه بالنسبة للمقابلة انا اتمنى والله بس مش عارف ظروفي ساعتها هتكون ايه ممكن يكون عندي مستشفى ربنا بسهل
استاذ احمد مع حضرتك استيكر المنتدى لو موجود مع حضرتك ممكن اليومين دول اقابلك اخده منك فين اختار المكان اللي يريحك وانا تحت امرك