السلام عليكم يا رجالة
عايز أعرف أحسن مكان أجيب منه شوز كلاسيك؟
مش المهم المكان فين في القاهرة الكبرى، المهم الكواليتي وماركات محترمة
أنا اللي أعرفه كلاركس اللي كان في أركاديا بس خلاص المبنى كله في خبر كان
وشكرا جزيلا
عرض للطباعة
السلام عليكم يا رجالة
عايز أعرف أحسن مكان أجيب منه شوز كلاسيك؟
مش المهم المكان فين في القاهرة الكبرى، المهم الكواليتي وماركات محترمة
أنا اللي أعرفه كلاركس اللي كان في أركاديا بس خلاص المبنى كله في خبر كان
وشكرا جزيلا
فى عندك محل اسمو اتليانو فى عباس العقاد ناصية جنينة مول
عندك بيبو فى جنينة مول الدور الارضى
عندك كذا محل فى سيتى ستارز حلوين
مش فاكر تانى
محل ميلانو ف وسط البلد امام شارع الشوربي عندو ايطالي وتركى اسعارة كويسة
يحيا ستورز فى وسط البلد (بس ماانصحكش)
zara man منزلين فى الكوليكشن الجديد حاجات جلد كلاسيك --سيتى ستارز-مول العرب-سان ستيفانو
lasoin دة محل ايطالى تحححححفة كان لية فرع فى وسط البلد وكانوا قايلين انهم هاينقلوة ل المعادى ياريت حد من المعادى يقولنا مكانة فيندلوقتى
تمبر لاند منزلة حاجات شامواة حلوة اوى
متشكر جدا يا رجالة
الواحد من غيركم لايص
هروح للناس دول على كذا يوم إن شاء الله
الأسعار الكويسة يعني كام؟
أنا لحد 600 أو 700
أنا هشوف Zara و Timber في سيتي ستارز لأن واضح إن المكان فيه محلات شوز بالهبل
فيه حد تاني في ستارز؟
وLasoin من كلامك كدة شكله جامد بس فينه؟
فيه كمان Ecco دي حلوة
و كمان Cat , Hush Puppies
ماركات حلوة و شيك و بتستحمل و تقريبا في السعر اللي انت عايزه يعني 600 - 700
و كلهم موجودين في سيتي ستارز
طب لو جزمة سيفتى الاقيها فين واسعارها اية ؟؟
Hush Puppies ده الماركة .... فيها كلاسيكي جميل جدا وطبعاااااااا كواليتي عالية جدا جدا
هتلاقيها في فروع CAT زي الميرغني
شكرًا جزيلا يا رجالة
روحت امبارح بالليل سيتي ستارز ولفيت شوية
دخلت Zara و Clarks وِActive وTimberland ومحلات تانية
وأخيرا Fratelli وهو ده اللي لقيت فيه طلبي
شوز CAT سيفتي، وشكلها عجبني بس صاحبي كان مستضخمها مش عارف ليه
جبتها ب 749 ولقيت الراجل بيشاور على slippers اللي بصباع دول ويقوللي إيه رأيك؟ كنت عايز أقوله أنا أمشي حافي ولا إني ألبسهم! بس قاللي أصل أنت هتختار واحد هدية!
روحت مختار واحد وحاسبت ومشينا
مش عايز أقولكم أنا بكتب المشاركة وأنا بالتريننج وال slippers دلوقتي هههه
بالمناسبة سألته الشوز ده أحسن polish ليه إيه
قالي سبراي، مش بولش، شفاف ومكتوب على السبراي neutral
عشان الشوز نفسها جلد مقلوب ولونه بني وفيه بوتش سوداء
وكان فيه نوعين في Spinneys:
Fila و نوع تاني شكله أفضل كتير
بس كان مكتوب على التاني ده To refresh and restore
فده عادي للتلميع برضه ولا عشان كلمة restore أخليه لما الشوز يبتدي يبوز؟ (قافية غير مقصودة)