انا كنت عايز اعرف بالنسبة لنظام الفرامل ال abs احنا عارفين ان النظام ده بيشتغل لما الواحد يدوس على الفرامل بقوة معينة اكتر من العادى طيب هل النظام ده له درجات يعنى كل ما ادوس فرامل اكتر كل ما يكون درجة الفرملة اعلى ولا هى درجة واحدة من القوة ؟؟؟؟
عرض للطباعة
انا كنت عايز اعرف بالنسبة لنظام الفرامل ال abs احنا عارفين ان النظام ده بيشتغل لما الواحد يدوس على الفرامل بقوة معينة اكتر من العادى طيب هل النظام ده له درجات يعنى كل ما ادوس فرامل اكتر كل ما يكون درجة الفرملة اعلى ولا هى درجة واحدة من القوة ؟؟؟؟
لا هو ملوش درجات, نظام الايه بى اس لا يزيد من قوة الفرامل, هو يمنع انغلاق الاطارات فقط.
عندما تضغط على الفرامل بقوة, تتوقف الاطارات عن الدوران, و تبدأ السيارة فى الانزلاق و تفقد السيارة ثباتها, لذا يقوم عندها نظام الايه بى اس بتحرير الاطارات من الفرامل لفترة قصيرة فيستعيد الاطار ثباته مع الطريق, ثم يعاود الضغط على الفرامل مرة أخرى, و هكذا دواليك, فيستغل ثبات الاطار مع الطريق فى فرملة السيارة, فتقل مسافة التوقف.
و بعض السائقين المحترفين يحاكون هذا النظام عن طريق الكبح التصاعدى على الفرامل حتى لا تنغلق الاطارات, و البعض أيضا يترك الفرامل ثم يعاود الضغط لمنع انغلاق الاطارات.
الله ينور عليك يا فادي كنت عايز اقوله كدة بس مش عارف اعبر كويس.
و هقولك حاجة يمكن تكون علمية شوية اكتر او بأسلوب علمي عشان تفهمني فنقدر نقول أني:-
الـ ABS هو نظام بيعمل عند الظغط بدرجة قوة معينة و بسرعات معينة علي بدال الفرامل - و لا يعمل بصفة مستمرة او بأي سرعة - و يعمل علي الظغط علي الطنبورة بشكل متقطع و سريع و متواصل.
و ده فيديو بيتكلم عن أنظمة مختلفة في العربيات الحديثة زي ABS و EBD و غيرهم و نظام الـ ABS في أول الفيديو خالص.
http://www.youtube.com/watch?v=LoJ3hVyVifc
شكرا ل ows212 على فتح الموضوع ده .. بالنسبه لموضوع ال abs أنا استفدت جدا لما شوفت شويه فيديوهات على you tube و ده واحد منهم http://www.youtube.com/watch?v=xd5KDvXbE3M
بس بما اني أنا مبتدئ ف السواقه عندي سؤال ..لو الواحد على سرعه مش عاليه و هيستخدم ال abs علشان يفادي عربيه ظهرت امامه فجأه و علي مسافه قليله هل يحبذ ان السائق يدوس على الدبرياج ولا لأ - علشان يتجنب ان الغربيه تقف خالص - و يا ترى ايه الوضع ده بس على سرعه عاليه
وشكرا ليكم جميعا
تدوس الدبرياج افضل طبعا بدل ما العربية تبطل منك, و انت اوتوماتيك حتلاقي نفسك بتدوس الفرامل و الدبرياج مع بعض في اي موقف خطر لا قدر الله و الـ Abs عامة مش محتاج مساعدة عشان يوقف العربية.
بس انا شخصيا لما ببقي بجري بالعربية اوي و احس اني السكة وقفت قدامي و العربية هتسرح مني بدوس الفرامل الاول قبل الدبرياج لغاية ما العربية تهدي خالص و بعدين أبدأ أدوس الدبرياج بعدها.
(ملحوظة: الحكاية دي بعملها عادة لما اكون سايق عربية دبرياجها علي زيت مش علي سلك عشان الخزنة بتاعة زيت الفرامل و الدبرياج بتكون واحدة فبفضل اني اوجه الزيت كله أولا لماستر الفرامل و بعد كدة ماستر الدبرياج بعد ما العربية تهدي) و دي حركة سواقين محترفين صايعين سواقة زي ما بيقولوا.