w126 يا وحوش المرسيدس

**ah_ar87** · 30-11-2011 12:13 PM

أولا عاوز أقولكم انى زعلان جدا علشان مفيش ولا واحد جبر خاطرى ورد على مشاركتى معكم تحت عنوان (مساعدة بخصوص مرسيدس 230) بس أنا قلبى طيب وقلت أديكم فرصة تانية وحذارى بقى محدش يرد المره دى (دعابة يا وحوش)
موضوع المشاركة

عاوز أعرف أفضل موديلات w126
أفضل المواتير
الأسعار
فى ناس كتير بتخوف من استهلاك البنزين ممكن أعرف استهلاك كل موتور أد ايه
ممكن أشيل الموتور وأركب واحد تانى بتاع زلموكه علشان أققل الأستهلاك شويه وهو استهلاك موتور الزلموكة كام
ممكن هى تشتغل غاز علشان أريح دماغى من الاستهلاك ولا ده هيأثر على صحة سيادة الموتور باشا

**MBhead** · 30-11-2011 04:40 PM

اي موتور 6 سلندر علي حسب طريقه السواقة لو هادي استهلاكه قليل لو شد و حرق بالكتير اووووي بيعمل 14 لتر طبعا لو العربية مش مظبوطة تاكل اكتر من كده
دايما الناس حتقول دا بياكل بنزين و الكلام الفاضي دا هما راكبين عربيات موتور 4 سلندر دي شي و دا شي
قصه تركيب موتور زلمكة دي غلط طبعا لان عزمه اقل و قدرته اقل لما تحمل الموتور اكتر من قدرته عمره الافتراضي حيقل ...ممكن حضرتك تمشيها غاز لكن الموتور حيبقي عزمه قليل و الغاز عموما حامي بيضر اي الموتور
نصيحة مني المرسيدس عربية معقدة احسن حاجة تكون علي اصلها عشان متتعبش حضرتك
حضرتك ممكن تلقي نظرة علي الموضوع دي انا كاتبه في معلومات عن الW126 اتمني تكون مفيدة
http://www.nilemotors.net/Nile/226772-w126.html

**ah_ar87** · 05-12-2011 10:43 AM

00000

**ah_ar87** · 05-12-2011 10:45 AM

شكرا على رد حضرتك هو عموما أنا مش بتاع جرى أنا أخرى 100 كيلو وأنا قرأت موضوع حضرتك ويمكن ده هو أصلا اللى شدنى جامد للعربية دى أنا بس وراى شوية مصاريف تانية الأيام دى وعلشان كده سألت كتير على الأستهلاك وخصوصا اللى باسمعه من الناس كان أقلقنى شوية كنت عاوز أعرف من حضرتك

أفضل سنوات موديلاتها
هل فى اختلاف فى الشكل طول سنين انتاجها ولا هى من 79 الى 91 نفس الشكل
يا ريت لو عند سيادتك مجموعة صور للموديلات دى ترفعها لنا
أنا قرأت نقطة الأسعار فى موضوع حضرتك لكن اللى شوفته فى كونتاكت كان غير كده يعنى حضرتك مثلا كاتب ان رينج الأسعار يبدأ من 40 -70 واللى 70 بتبقى موديل فوق 90 وحالة مصنع ولا اللى عارض حاجه بيبقى عامل حساب الفصال
يا ريت لو عند حضرتك فكرة عن أسعا بعض قطع الغيار تكتبها لنا
هل حاجات ال se متوفره زىال sel وهل فى فرق فى الأوبشن بينهم (فى نفس السعه)
يا ريت حضرتك متكنش زهقت من كتر أسئلتى وأنا أسف على الأطاله بس انت لازم تستحمل لأنك انت السبب انت اللى خلتنى عشقت العربية دى بعد ما قرأت موضوعك عنها بصراحه موضوع هايل
يا ريت تلقى نظرة على موضوع استفسار بخصوص مرسيدس 230

**MBhead** · 05-12-2011 07:13 PM

و لا يهمك يا فندم مافيش مشاكل ...100 ممتاز لكن يا رب تثبت علي 100 لما تجبها ..100 دي لسه بتسخن في الw126
الفرق في الشكل من سنة 79 ل 85 نفس الشكل العربية اكصدامتها طالعه لبرا شوية و البكاتات اللي في الابواب مدرجة (مشرشره ) و الجنوط القديمة اللي بيسموها خرشوفة اما من 85 ل 91 الاكصدام ملموم شوية و البكاتات ناعمه و الجنوط اللي فيها اخرام صغيره علي الطرف التسعينات لها فرش غير الباقي فرش التسعينات فيه 3 خطوط بالعرض او القديم الفرش العادي بتاع المرسيدس اللي فيه خطوط بالطول
الفرق بين الطويلة و القصيرة مش كبير الSEL بيتبقي افخم الكنبة فيها كهربا الse مفهاش كده كده
لكن الاتنين نفس الميكانيكه و المواتير و كل شي
حضرتك شوف اسعار السوق محدش حيقبل علي عربية اقل موتور لها 6 سلندر في بلد كلها عربيات 4 سلندر و ضريبه و بنزين عالي و كمان عربية موديلها مش حديث ...70 الف يجبوا حالة نضيفة اوي مش لازم تكون موديل 90 او 79 الحد الفاصل الحالة الموديل لا يعني شي با فرحتي بموديل 90 و حالتها تعبانة
انا شفت منها حالتها نضيفة و صاحبها صديق والدي كان عايز فيها 55 و اتباعت ب 52 كانت 300sel لو حد طالب مثلا 80 او 90 الف في واحده و هيا راشه بره يبقي بيهزر مش عايز يبيع اما لو مترشتش نهائي دي بقي حالة شاذة
قطع الغيار للاسف مش حقدر افيدك حضرتك ممكن تاخد لفه علي تجار قطع الغيار و تاخد فكره و بخصوص استهلاك البنزين اسلم حل اسال ناس معاها العربية او كان معاها العربية لان غير كده معندوش علم ممكن يكون سمع او خمن او بيفتي كعادة الشعب الجميل
حضرتك حتلاقي صور للعربية موجوده في الموضوع