انا احتمال اغير زيت الفتيس يمكن العضة تروح الهم انا كنت عاوز اعرف احط انهي نوع ودرجة كثافته ايه واجيب كام كيلو وهل زيت الفتيس بيتملي علي الاخر ولا ليه منسوب معين
عرض للطباعة
انا احتمال اغير زيت الفتيس يمكن العضة تروح الهم انا كنت عاوز اعرف احط انهي نوع ودرجة كثافته ايه واجيب كام كيلو وهل زيت الفتيس بيتملي علي الاخر ولا ليه منسوب معين
بص حضرتك انا حبيت اعمل مداخلة ولو انى مش هفيدك فى موضوع نوع الزيت لانى بصراحة معنديش دراية كافية بانواعه او امتى يتغير ولكن اللى اعرفه ان الزيت مش بيتغير انما بيتزود لو هو ناقص فعلا يا اما فعلا لو حابب تغير النوع خالص يبقى هتفضيه وتملاه تانى بالنوع الجديد
مش ده الموضوع ولكن انا لما اشتكيت اكتر من مرة من عضة الفتيس فى التوكيل وجبت سيرة موضوع الزيت قالولى ان هم كشفوا ولقوا الزيت تمام وان هو مش عارف بيتغير عن 20 الف او 30 الف كم مش فاكر بالظبط .. اللى اقصده حضرتك جوة ولا برة الضمان؟ اعتقد لو انت فى الضمان هتبقى اسفا مضطرا تعمل الموضوع ده فى التوكيل لان تغيير الزيت خارج التوكيل بيخرج من الضمان لو هم اكتشفوا ده فقولت اقولك تخلى بالك
وياريت لو حضرتك عملت اللى انت بتقوله وحسيت بفرق فى نعومة الفتيس تقول لنا وتنقل التجربة عشان احنا كمان نحاول نتغلب على المشكلة دى
تحياتى لك
بص يا خالد هو انا ممكن فعلا اغيره علي حسابي في التوكيل و علي فكره منطقي اوي ان الزيت اللي بيجي مع العربية مش تمام بدليل ان بعد ربع ساعة من التحرك الصبح الفيتيس بيتظبط والعضة بتختفي وده اكبر دليل ان الموضوع ده ليه علاقة بالزيت
انا معاك انه مش تمام ولكن بستغرب من تمسكهم فى التوكيل بان الزيت مفيهوش مشكلة ومش محتاج يتغير او يتزود!
انت معاك حق ان الفيتيس بيتعدل الى حد ما بعد فترة من بدأ الحركة بس اعتقد ان ده سببه ان لما تتحرك والعربية تبتدى تسخن والزيت بطبيعته لزوجته بتزيد مع السخونة فبتكون النقلات اخف واسهل ودى طبيعة اى زيت مش بس زيت الفيتيس
تحياتى لك
مهو ده اللي انا بقول عليه ان الزيت بياخد وقت عشان يسخن وده اكيد عشان نوع الزيت مش كويس عموما ربنا يسهل انا هروح مركز الصيانة تاني و اشوف ايه اللي هيعملوه
بالنسبه لوضوع الزيت في العربيات الزيرو
اللي عرفته ان لابد من تغيير الزيت سواء زيت الموتور او زيت الفتيس
لان الموتور جديد لانج او الفتيس لم يستخدم من قبل
يعني التروس في الفتيس او مكونات الموتور مازال فيها بعض الرايش نتيجه تطبيع القطع علي بعضها
ناخد الفتيس مثلا التروس تم تجميعها بعد خرطها وتركيبها في الفتيس يوجد بعض الرايش علي حواف التروس لانها جديده
علشان كده لازم الزيت ينزل بعد فتره من الاستخدام واستخدام زيت جديد مكانه
والدليل انا غيرت زيت الفتيس بعد اول 20000 كيلو استخدام في محطه موبيل
وجدت حاجه جميله جدا
الطبه بتاعت الزيت مزوده بمغناطيس
لالتقاط الشؤائب المعدنيه الموجوده نتيجه تطبيع التروس او اي شوائب موجوده في الزيت نفسه
بس انت بتقول 20000 انا لسة مكملتش 2000 كيلو هل لو غيرته فيها حاجة ؟
العربية عاملة معايا دلوقتى 40000 كنت جاى من حوالى اسبوع من السفر النقلات كانت كويسة ماعدا لما بنزل من الخامس للرابع ركنت تحت البيت وقمت تانى يوم ادور وجاى ادى غيار مش عايزه تدى غير الثالث رحت لميكانيكى قال لى ديسك اسطوانة بلية 1500 الليلة كلها طبعاً نصاب ابن نصاب واحد معايا فى الشغل ولد مجبتوش ولاده قالى سقط الزيت وحط زيت جديد موبيل 90 مش 140 وقالى هات wd40 و مزيتة حط فيها زيت محرك وشال الجزء تحت الفتيس من جوه العربية اللى تحت الولاعة ورش على الجزء الخاص بنقل الحركة بالـ wd40 وعلى مكان حركة التروس اللى تحت العمة وزيتها بزيت محرك وعلى دواسة الدبرياج سنتين علشان كانت نزلت شوية وبصراحة مفيش بعد كده وكل الغيارات بقت احسن من الاول ودى تجربتى يمكن الموضوع مكنش كبير ومش مستاهل بس برده حبيت انقلها لك وشكراً .
.الف شكر يا باشا علي المعلومة الحلوة دي وهو فعلا الزيت سئ للغاية اللي بينزل مع العربية و هي زيرو ونا هتوكل علي الله و اغيره بموبيل90
هو ياجماعة لو طلبت تغيير الزيت فى التوكيل حتى على حسابى هيتم تغييره ولا ياترى هيتمسكوا فى رأيهم بان الزيت كويس مش محتاج تغيير؟ وهل لو غيرته برة اخرج من الضمان؟ وياترى اقدر اغيره عند اى ميكانيكى ولا لازم حد فاهم فى اسبرنزا؟