الموضوع: انا بفكر جديا فى الانتحااااااااااااااااااا اااااااار

ولو معندكش ثروة اكتبلى عربيتك ارجوك فى انتظار ردك قبل اما تلغى فكرة الانتحار---

ولا تيأسوا من روح الله انه لا ييأس من روح الله الا القوم الكافرون
ياراجل دة انا كنت عايش عيشه فل زى الملوك كدة والناس كلها بتحسدنى وكنت لسه عيل صغير وبركب اى عربيه تعجبنى واروح اجدع فندق واكل فى احلى مطعم وكنت لا بشرب خمرة ولا سيجارة ولا بعمل اى منكر فى الحياه وكنت لما بشوف بنت وشى يحمر من الخجل
المهم خطبت واحدة وبعدها الدنيا كلها انقلبت ضدى وتجارتى خربتى وخسرت كل حاجه حتى عربيتى سبتها سداد ديون وخطبتى لما لقتنى اتفقرت سابنتى وفجاءة بقيت مديون -- وعندى قواضى بتاعت 25 سنه سجن كدة هههههههههه
بجد والله عمرى ما اذيت انسان وبقيت مطارد فى قواضى شيكات ومش عارف ادخل بيتى
وكنت حاسس بظلم لا تتخيله المهم سبت البيت
ما هوة يكون فى بيتى وادخل السجن يا اسيبه كنت عايش فى الجيزة هربت على مصر الجديدة
وانا مفلس وحالتى زفت اصحابى ساعدونى اجرت شقه مافيهاش غير بطنيه وبتوجاز هههههههه كنت بخاف افتح للبواب اصل يعرف انى بنام على الارض وكل يوم الاكل علبه تونه اوعلبه فول او بطاطس مهروسه
وبدات رحله البحث عن العمل هعيش ازاى يعنى لا ام ولا اب ديون وشيكات وقواضى وخلاص
بعد العز بقت حياة بهدله واشتغلت عند الناس بعد اما كنت بشغل الناس وبالصدفه اتعرفت ببنت كانت فى كليه الطب
ونشأت بينا قصه حب لا تقول روميو وجوليت ولا قيس وليلى حب بقه من الى بيولع القلب
مش هطول احسن القصه طويله قوى
سبع سنين اشتغل واسدد ديونى ديون اصلا مش انا السبب فيها
وهيه معايا واقفه جنبى وكنا متفقين على الجواز
ديونى خلصتها وهيه خلص دراستها
وفجاءة الى كانت املى فى الحياة ادتنى ظهرها وتركتنى قولى ليه معرفش
بعد سبع سنين
لما الدنيا بداءت تحلو وتتظبط هيه ادتنى ظهرها
جالى اكتئاب وحزنت حزن شديد
اتجوزت حزنت اكتر
بعدين الحمد لله بالصبر قدرت اعدى من ازمتى واصبح انسان زى كل الناس
ايمانى بالله كان بيصبرنى وكنت عارف ان الى بيحصل فى مصلحتى حتى لو انا شايف عكس كدة
شوف يا عم انا الان 41 سنه كل ممتلكاتى عربيه لانوس وشغلى ولسه خاطب من شهرين
يا عم ربنا هوة الى هيخلصك من عذابك بس هيه مساله وقت وهتلاقى كله تمام وهتنساها خالص-اى نعم فيه حاجات هتفكرك بيها بس لما هتفتكر هتضحك هتبقه مجرد ذكريات--
ياراجل متخليش الشيطان يتملك منك وبلاش تقعد لوحدك كتير الوحدة هيه الى هتجننك
وبعدين والله الايام السودة فيها حاجات حلوة اضحك والحياة رحله صغيرة واياك تخسر اخرتك علشان واحدة باعتك
هيه اصلا لا تسحتق انها تعيش معاك وسلام بقه وربنا يهديك

السلام عليكم..طيب إيه رأى حضرتك تنتحر بالعبادة؟..أى تفنى الصحة والعمر فى عبادة الله واقامة الصلاة والأمر بالمعروف والنهى عن المنكر...لو مت هتكون باذن الله شهيد ومبروك عليك..ولو أراد الله لك الحياه هتعيش فى قمة السعادة والرضا ويبقى بردو اتخلصت من مشاكلك