المشاركة الأصلية كتبت بواسطة aif
امال عاوزنا نقولك ايه ؟؟؟
لازم نقولك كدة لان ده حقك علينا .... اننا ننصحك في الله
.....
ليا واح صاحبي بيروح يوزع اعانات وصدقات في اماكن عشوائية على ناس مستحقين
صاحبي ده راجل وجدع وجامد .... مش خرع يعني وشاب مرفه ...... اقصد انه راجل قوي وذو خبرة و شخصيته قوية
الراجل ده مرة راح يوزع حاجات على ناس ..... رجعلي بيعيط بالدموع ومش قادر يمسك نفسه من اللي شافه
....
يمكن لو شوفت ناس في حالات البؤس المروع دي تشعر ان فضل الله عليك عظيم
انت مبصر والحمد لله
وبتسمع وتتكلم
واطرافك سليمة بفضل الله
وبتمشي و وحواسك سليمة
وعقلك سليم مش من ذوي الاحتياجات الخاصة او المجانين والعياذ بالله
واهم من كل شيء مسلم مش كافر بفضل الله
ولك اهل ونسب مش لقيط لا قدر الله
وذو شرف ورجولة مش عكس كدة والعياذ بالله
ومتعلم مش امي
و.........
و..........
ونعم الله عليك لا تعد ولا تحصي
يمكن لو شوفت ناس عكس كدة تمام ومش بيعرفو يتحركو الا بمعاونة الآخرين ولا يستطيعون ان يأكلوا او يشربو او يذهبو للحمام بمفردهم
ولو شوفت ناس مجانين وغير عاقلين ويعيشون مثل الدواب
وحاجات تاني كتيييييير
يمكن لو شوفت ناس زي كدة
ح تقول الحمد لله
خطيبتك تركتك ؟؟؟ يا اخي يمكن ربنا سبب كل هذه الاسباب ليزقك خيرا منها
يعني هي لو اصيلة وباقية عليك مش كانت استحملتك في وقت الشدة اللي انت فيه ؟؟؟
مش يمكن ربنا مقدرلك شغل افضل من اللي كنت فيه
مش احتمال ربنا يكون مقدرلك حياة افضل وبيغسلك من حياتك القديمة
...
...
اصبر واحتسب ولا تجزع واحمد الله على نعمه .... بص للنعمة اللي انت عايش فيها
روح زور المرضي اللي في معهد الاورام ومستشفيات مصر المختلفة وانت تشعر بمدي النعمة التي انت فيها
انزل صلي الفجر واتمشي شوية في الجو الجميل بتاع الصبح واذكر ربنا
وماتقولليش مش ح اقدر ..... اكيد جنبك اي مسجد او زاوية انت مش في الصحرا يعني
جرب ومش ح تخسر حاجة .... جرب وقوللي عن النتيجة
صلي لوحدك واسجد لله وابكي وطلع كل اللي جواك ...... خليك في كنف الله ولن تضام
...
وممكن تعمل حاجة كمان تخليك تشوف الدنيا بمنظور مختلف تماما
احضر غسل وتكفين ودفن ميت ...... دي اكبر عظة ممكن تشوفها وثوابها عظيم
جرب وان شاء الله ح تخرج من اللي انت فيه