اولا : الأبيزا ال98 بتنزل مصر بموتور 1000 سي سي واعتقد موتورك متسقط
طبعا ينفع يركبلها باور
هتجيب طرمبة باور بالقاعدة بتاعتها بالرجلاش وهتغير علبة الدريكسيون وهتشتري خزنة باور بالمواسير
الطرمبة بالقاعدة بالرجلاش ممكن في حدود من 400 ل 450
المواسير ب 200 جنيه (بيبقوا 3 خراطيم واحد من الخزنة للطرمبة والتاني بيبقي خرطوم ضغط من الطرمبة للعلبة والثالثة خرطوم للراجع من الأسكترا للخزنة)
الأسكترا ب 250 ل 300
وهتغير سير ادارة
خزنة الباور ب80 جنيه
بالنسبة للزجاج الكهرباء فحضرتك هتغير فرش الأبواب وانصحك تكتفي بالأتنين الي قدام او حسب رغبتك
فرش الباب بيعمل في حدود من 150 ل 200 للباب الواحد وبسمع انه بيعمل الطقم للأربع ابواب 1000 جنيه
وهتجيب مكن الزجاج ب ؟؟؟
الزراير هتيجي مع الفرش للأبواب الخلفية
زراير الأبواب الأمامية بتركب في الكونسول فوق الطفاية وتحت مفاتيح التكييف
و انصحك هات الزراير جديدة احسن من الأستيراد والزرار ب 40 جنيه عند فتح الباب
ومكن الزجاج هتلف عليه شوية وخلي بالك من ملحوظة ان لكل باب المكنة بتاعته يعني هتجيب مكنة للباب اليمين قدام وواحدة مخصوص للباب الشمال قدام وباقي الأبواب هكذا ، مفيش مكنة باب تركب مكان واحدة تانية
الكونتاكت مش هيتباع لوحده
حضرتك هتشتري الزور (القطمة من غير الفيبر بتاعها) او ممكن تشتري قطمة كاملة ب 250 جنيه بالكونتاكت بمفتاحه
وهتشتري فيشة الكونتاكت ودي عبارة عن فيبرة بلاستيك حوالين الكونتكات وطالع منها سلك بيركب في الكنترول بتاع التشفير ومن غيرها العربية مش هدوور الا اذا كنت لاغي عندك التشفير (الأيموبلايزر)
وهتروح عند حد بتاع تكويد يكودلك المفتاح الجديد علي الكمبيوتر بتاع العربية ب250 جنيه
حضرتك هتتعب جامد جدا في الموضوع الأخير دة بالزات
انشاء الله هتابع معاك بالتفاصيل بس في وقت تاني لأني داخل انام دلوقتي
والله المستعان
،
،
المفضلات