استر يا رب
عرض للطباعة
استر يا رب
الطريق ده بيربط بين مدخل طريق برج العرب شرق الكيلو 35 طريق مطروح ويمتد حتى مدخل الطريق الدولى الساحلى وهو طريق ممتد بمحاداه طريق مصر اسكندرية الصحراوى شرقاً وشارع المكس غرباً ويمر الطريق على مناطق الدخيلة والمكس والورديان واسؤ وصله فيه هى المنطقة الممتدة من المكس والى الموقف الجديد ومدخل الطريق الدولى فى الاتجاهين ويسمى هدا الطريق بمحور التعمير وفى بعض الخرائط يسمى طريق السد العالى ويطلق عليه العامة "الدولى "
عيوب الطريق :
1- انخفاض الجزيرة الوسطى بشكل ملحوظ .
2- فواصل الكبارى عبارة عن سلالم وبتزيد كل يوم .
3-لا يوجد عليه امن وامان ولا ايه خدمات .
4-سرعات عاليه جداً واستهتار وسيارات نقل واجرة حدث ولا حرج .
5- التقاء طرق بشكل غير مدروس اطلاقاً ( منطقة القبارى ) .
6- هبوط مفاجى فى بعض اجزاء الطريق .
7-انسداد فتحات تسريب مياه الامطار على الجانبين .
8- القاء مخلفات البناء على الطريق بشكل عشوائى .
9- الطريق غير مخطط بخطوط لتقسيم الحارات .
10- عدم وجود يفط ارشادية قبل التفريعة بين المتجة لباب 27 والمتجه للمكس .
11- عدم وجود يفط ارشادية فى مفرق الموقف الجديد والدولى .
12- معظم الطريق ظلام دامس ليلاً .
وربنا يسترها ....
ربنا يسترها علينا جميعا و يكفينا شر الطريق بس ايه اللى عمل المصيبه دى اصلا؟؟
ربنا يسترها علينا جميعا
انا رايح مطار برج العرب بكرة الصبح
و الله فعلا سعات بحس ان الفصلات بتاعت الكوبري كبيرة اوى
بس فعلا طريق زى النيلة مش عارف اصلا مين ايلي عمله بالتصميم ده
بس مش هو بس تقريبا معظم الطرق كده
و الله أحنا محتاجين ناس بتفهم يعيدوا تخطيط الكلام ده كله
كله كوم و لما الواحد ياخد الطريق الدولى الساحلى و يفضل مكمل لاخره و يجى يطلع على محور التعمير الوصلة بينهم تحس انك نزلت درجتين سلم بالعربية بجد حاجة مش ممكن دى لو حد بليل و مش واخد باله يبقى ربنا يتولاه برحمته
اخر مرة كنت ماشى على الطريق دة كنت رايح مطار برج العرب
الساعة 5 الفجر الاقيللك حتة حديدة جت قدامى فجـــــــــــــــــــــــ ــــــــــــــــــــاة
المهم عديت منها باعجوبة الحمد الله
ابص بعد كدة لما وقفت الاقليللك ناس بعربية دبابة حمرا قعدين يخلعوا فى حديد الكوبرى الجانبى
غالبا والله اعلم بيسرقوة ولاد التيييييييييييييييييييت
الحمد الله ربنا سترها معايا بس انا من منظرهم خدت بعضى وجريت
ابن خالتى لسة حكيلى اول انبارح وكان شاهد عيان للحادث
كان مع مديرة ورايحين فرع الشركة فى العجمى واتفجئوا بحريق وادخنة من بعيد
بيقولوا هما الثوار وصلوا هنا عقبال ما قربوا لقوا النمظر دة بيقولى منظر العربية الكبيرة بالعربيات اللى ولعت وراها كانت ولا اافلام وبعديها وهما وقفين متابعين من بعيد مش قدرين يقربوا بيقولى عربيتين نقل قلبوا الناحية التانية
فعلا الطريق دة بقى وحش اوى الله يجازى اللى كان السبب
لاحول والا قوة الا بالله ربنا يرحمنا ويسترها الطريق ده من زمان وانا مش بحبه وعليه حوادث كتيرة قوى اللهم احفظنا