الموضوع: تجربتي لمالكي مواتير مياه منازل و غيرهم و تخلص من مشاكل البالونة

المشاركة الأصلية كتبت بواسطة peaceman

الجهاز ده اسمه "أفوماك" ده اسم الجهاز مش نوعه و بصراحة السباك هو اللي جابه من القاهرة من مكان مخصص لموضوع المواتير اعتقد في العتبة .

موضوع ممتاز و شكرا على مشاركة التجربة أخي بيشوي
و بتعجبني مواضيعك المفيدة و مشاركتك للناس

بس خلي بالك من حاجه ان الجهاز اللي هتجيبه تشوفه هيطلع مياه لغاية كام متر عشان كل جهاز و له سعة معينة بيطلعها للادوار يعني انا اللي جبته بيطلع مثلا 15 متر يعني 5 ادوار



لا شكر علي واجب

بس معلش تصحيح معلومة هنا أرجوا أن تتقبلها بصدر رحب
اللي أعرفه و فهمته أن الجهاز ده زي حساس للمياه علشان الموتور ما يتحرقش .

إنما اللي يحدد المياه تطلع كام متر لفوق هو قوة الموتور بالحصان
يعني فيه مواتير نص حصان و فيه مواتير حصان كامل و فيه أعلى من كدا

يبقى في النهاية قوة الموتور تحدد مداه
و جهازك هو حساس لتفادي أحتراقه في حالة عدم وجود مياه و أيضا لتنظيم عملية تشغيله

المشاركة الأصلية كتبت بواسطة yoko

توضيح لو حضرتك خدت بالك من الرسم بتاع التوصيل الجهاز بياخد الكهرباء وبعد كده يطلع للموتور فكل ما الموتور بيكبر التيار بيكبر وبالتالي لازم الجهاز يستحمل التيار ده عند الفصل والتوصيل وعشان كده الجهاز لازم هيفرق مع حجم الموتور

ما هو ده اللي أنا أقصده - مش الجهاز المسئول عن طلوع المياه
و لكن المضخة نفسها و لكن الجهاز ما هو إلا حساس او منظم

المشاركة الأصلية كتبت بواسطة yoko

حضرتك غايب عنك إن الجهاز ده هو الي بيفصل ويوصل الكهربى للموتور وكل ما الموتور قوته بتزيد على نفس الفولت التيار بيزيد لو الجهاز الأجزاء الي فيه بتاعت الفصل والتوصيل بيشيل 3ونص أمبير مثلا (يعني واحد حصان) لو حطيت عليه موتور واحد ونص حصان يعني 5 أمبير وشويه الجهاز مش هيعرف يفصل ويوصل ويتحرق

معلش هنزل دلوقتي الإمتحان (بروتكشن) ولما أرجع نكمل

يا باشا ما هو ده اللي انا أقصده
الجهاز حساس للمياه و تنظيم عملية فتح و غلق الكهرباء أو فصلها عن المضخة (لازم يكون متوافق كهربائيا مع المضخة)
إنما المضخة هي اللي مسئولة عن ضخ المياه عكس الجاذبية الأرضية و علشان كدا قوة المضخة هي اللي مسئولة عن المياه .
ووظيفة الجهاز بتتلخص في عملية التنظيم (للمياه والكهرباء )

زي دواسة البنزين تحت رجلك
مش انت اللي بتحرك العربية (المحرك )
و لكن أنت وظيفتك أن تدوس بنزين علشان توصل البنزين للمحرك علشان هو يحرك العربية مش أنت .
أرجوا تكون فهمتني .