الموضوع: تجربتي لمالكي مواتير مياه منازل و غيرهم و تخلص من مشاكل البالونة

المشاركة الأصلية كتبت بواسطة chicobon

هل حضرتك ركبت الفلتر الي الاخ كان بيقول عليه ولا لسه شغال عندك من غير فيلتر ؟ و هل بيحتاج صيانة عشان انا عاوز برده الغي البلونه و اركب الجهاز ده بس مش فاهم هل محتاج فيلتر ولا هو بيركب و خلاص و مصاريفه حوالي 270 جنيه و خلاص و ايه لما الكهرباء تقطع اعملها ريستارت مش فاهم حاجة الصراحة المياه بقيت ضعيفة طول الوقت و فعلا الموتور بقي دروري حتي الي ساكن في اول دور و المشكله عندي الموتور بيشتغل و بيفصل و المياه بتضعف اوي و عبال ما يرجع زي الاول بكون خلاص قرفت و خصوصا للغساله بتحتاج مياه شديدة فهمني اجيب فيلتر ولا هو الجهاز ده و السباك يركبها و خلاص

ولا ركبت فلتر و لا حاجه و الدنيا زي الفل الحمدلله و الجهاز شغال بدون ادني مشكلة و الجهاز لا يحتاج اي صيانة
هات الجهاز فقط لا غير و لازم حد يكون فاهم كويس يجيبه و يكون حاجه محترمة ايطالي عشان يعيش معاك و اي خدمة

المشاركة الأصلية كتبت بواسطة zezozezozezo

طب سؤال كدة كل لما افتح الحنفية هيشتغل صح الكلام طيب دلوقتى انا هعمل موتور خاص بيا لوحدى لانى زهقت من موضيع المفتاح افتح واقفل وشغلانة والله فهعمل وصلة لوحدى خالص وكنت هجيب موتور لوحدى بس طبعا بوتماتيك بس الجهاز دة طلع مية مية طيب افرض مثلا حنفية بتنقط مثلا الموتور هيفضل شغال وسؤال تانى معلش الموتور يعملو كام يطلع مياة للدور الخامس يعنى لوحدى هيكالف كام معلش ارجو الرد على السؤالين دول وشكرا

المشاركة الأصلية كتبت بواسطة sasa44

انا برضو عندي حنفية بتنقط
غير كده الموتور بيغذي 5 شقق ف مش هقدر احكم ان ال 5 شقق تكون سباكتهم كويسه والحنفيات بتاعتهم مش بتنقط
فكنت عاوز اعرف كده الموتور هيشتغل علطول ومش هيفصل ولا ايه ؟؟؟؟؟؟؟؟؟ظ

بصوا يا جماعة خبرتي في تجربتي اللي بيحصل انك ممكن اصلا تفتح الحنفية و تكون الميه قوية و الموتور ميقومش خالص لأن الميه قوية و ديه من امكانيات الجهاز الرائعة انه مش هيقوم الموتور لو الميه قوية و بعدين الجهاز كل الضغط اللي بيعمله هو كمية المياه اللي بينه و بين حنفيات الشقة يعني لو الضغط قل يبقي الموتور هيشتغل عشان يملئ ميه لغاية الحنفيات مرة تانيه


اما بالنسبة لطلوع المياه للدور الخامس فده و انت بتشتري الجهاز .. كل جهاز له عدد ادوار يعني الجهاز اللي بيدي للدور الخامس غير الجهاز اللي بيدي للدور العاشر يعني كل جهاز بيرمي لعدد امتار معينة عشان كده بقول لازم و انت بتشتري الجهاز يكون معاك حد فاهم كويس عشان يجيب لك حاجه محترمة و يكون ايطالي و محدش يسترخص و لا حتي يجيب صيني و يقول لك درجة اولي و الكلام ده

يا جماعة لو حد عايز الجهاز دا أو أي موتور أو مولد كهرباء يكلمني على الخاص وأنا أوفر ليه أنضف حاجة في السوق.