ابنتى ندى تغنى فى مهرجان الطفولة 2011

**dr-mohamed** · 02-12-2011 02:25 AM

المشاركة الأصلية كتبت بواسطة dr.sherifmansy

الف الف شكر ليكم جميعا و لردودكم الغالية ، و شكر تاني خاص و حار جدا من ابنتي ندى للجميع.
و تحياتى

دشريف لو مفيهاش احراج
ممكن حضرتك تقرا لندي كل الردود وباسماء اصحابها وتعرفها ان لها معجبين كتير مننا ؟

**Mzeid** · 02-12-2011 03:19 AM

ربنا يحفظهالك من اي سوء باذنه تعالى :)

و ربنا يشفي حضرتك

**Dr.SherifMansy** · 02-12-2011 11:31 AM

المشاركة الأصلية كتبت بواسطة dr-mohamed

دشريف لو مفيهاش احراج
ممكن حضرتك تقرا لندي كل الردود وباسماء اصحابها وتعرفها ان لها معجبين كتير مننا ؟

مافيش طبعا اى احراج ، بالعكس انا مش قادر اوصف سعادتى بردودكم الغالية اللى فعلا شرفتنى ، و انا فعلا باقول لندى الردود رد رد و باسماء اصحابها ، و هى سعيدة سعادة كبيرة جدا بكم و بردودكم ، و نفسها تتعرف عليكم كلكم.
و بجد متشكر على كلامكم الجميل و ردودكم الغالية.
و تحياتي انا و ندى للكل.

**tarekzein** · 02-12-2011 02:41 PM

الله أكبر عليها

ربنا يباركلك فيها يادكتور

**Karim_Monir** · 02-12-2011 04:13 PM

اولا الف الف سلامة عليك يا صديقي العزيز لاني لسه عارف انك مكسور حالا رغم انك لما كلمتني ماقولتش
واعتذر اني ماشوفتش ندا النهاردة الساعة 8 صباحا عشان معنديش القناة التانية
ثانيا وثالثا ورابعا ايه الروعة دي
ما شاء الله لا قوة الا بالله
ندا اكثر من رائعة فعلا موهوبة ومتميزة بجد
انا عند والدتي النهاردة وقاعد بسمع ندي
واختي كانت برة سمعت صوتها على النوتبوك جت من برة جري بتقولي مين دي
اختي مدرسة موسيقية وبتطلع اجيال
قولتلها ده فيديو لقيته علي اليوتيوب قالتلي شغله من الاول
شغلتهلها قالتلي ايه اتمكن من المخارج ده ما شاء الله
فلما قولتلها مين دي ومين ندا صممت تكلمها وكلمك فعلا مرتين بس واضح انك مريح شوية :-)
وانا كنت عايز اسلم على ندا بس مرة تانية بقي ان شاء الله
اكيد كمان ندا متمكنة من قرأة القرأن لان مخارج الحروف ماتطلعش مظبوطة كدة الا من اللي حافظين القراءان