ابنتى ندى تغنى فى مهرجان الطفولة 2011
تم اختيار ابنتى ندى (11 سنة) من قبل الأدارة التعليمية لتمثل محافظة الجيزة فى مهرجان عيد الطفولة برعاية اليونيسيف و عنوانه "اعرف حقك" ، و كان ذلك بحضور بعض السادة الوزراء (وقتها قبل استقالة حكومة عصام شرف) و هم وزير الثقافة عماد أبو غازى ، وزير الصحة عمرو حلمي ، وزير التربية و التعليم أحمد جمال الدين موسى ، سفير الأمم المتحدة للنوايا الحسنة محمود قابيل.
و قد غنت يومها أغنية "مصر تتحدث عن نفسها" لأم كلثوم.
و بصراحة كنت فخور جدا بيها ، اصرارها على الأغنية دى برغم صعوبتها ، اصرارها تلبس الوان علم مصر (جاكيت احمر ، بلوزة بيضاء و جيب اسود) و ذلك بالرغم من انها كفيفة و لن ترى الألوان و لكن حبها لمصر يفوق الوصف.
و برغم اصابتى فى ركبتى وقتها و كنت ممنوع من الحركة ، اصريت انى اروح الأحتفال ، صحيح غلبتهم و طلعت عينيهم (و عينى انا كمان) و لكن ربنا ستر و رحت معاهم و رجعنا بدون اضرار فى ركبتى و الحمد لله ، بس فعلا ما كانش ممكن افوت يوم زى ده.
طولت عليكم معلهش و لكن من فرحتى.
اسيبكم مع الأغنة و اتمنى تعجبكم.
[youtube]http://www.youtube.com/watch?v=6hLPtLwTkwM[/youtube]
و تحياتى