انا معايا نيسان صنى 2010 , و عايز اعرف عمر البطارية اد ايه ؟ البطارية الى راكبه دلوقتى هيه البطارية الأصلية
هل فى اى علامات تقول ان البطارية تعبت ؟
شكرا
عرض للطباعة
انا معايا نيسان صنى 2010 , و عايز اعرف عمر البطارية اد ايه ؟ البطارية الى راكبه دلوقتى هيه البطارية الأصلية
هل فى اى علامات تقول ان البطارية تعبت ؟
شكرا
بص يا باشا عمر بطارية العربية يتراوح بين سنة ونص و ثلاث سنين ..
تعرف تعبت ولا لأ .. عن طريق إنها بطيئة في تشغيل العربية .. النور والكلكس و كاسيت ضعاف تعرف إنها جبت ربع عشان مابتشحنش .. وأظن دول معظم الحاجات ..
نورت القسم وتحياتي لحضرتك ..
انا شخصيا البطارية قعدت معايا سنتين باليوم بالظبط ..
انا معايا 2010 برضه ومفيش مشاكل من البطارية لحد دلوقت الحمد لله
وكل شهر تقريبا باروح لبتاع البطاريات يكشف على شحنها ويخلط المياه بتاعتها عشان ما تتحرقش او ربع يضرب زى ما حصل مع ناس زمايلى وغيروها بعد كام شهر او قبل نهاية اول سنة تشغيل
اهلا بحضرتك. أنا برضه عربيتى 2010 و البطاريه قعدت بالضبط سنه و نصف و أنا بصراحه ما بركبهاش كتير و ده ممكن يكون السبب و الأعراض اللى حصلت لى ان صوت الكلاكس ضعف و كمان لقيت الكاسيت بيخرف و القنوات المتسجله عليه اتمسحت و طبعا العربيه ما كانتش بتدور الا بعد كذا محاوله و كانت ماثره على كهرباء العربيه كلها
يا جماعه
لو كل يوم تدور العربيه لمده 10 دقائق البطاريه السايله تعيش معاك مش أقل من سنتين
لا مش شرط و اعرف ناس كتيره البطاريه باظت و هما بيركبوا العربيه كل يوم. هى بصراحه البطاريه السائله دى مش عارف ليه بينزلوها فى العربيه اساسا مع العلم ان معظم الناس بتبوظ منها و بيغيروها على حساب التوكيل. يعنى يوفروا و ينزلوها من الاول جافه ارخص و اريحلنا
انا مش هاقدر تزود حاجة على الاعضاء
بس البطارية نامت منى مرتين
وفى التانية غيرتها على طول
وتحسها اكتر مع المارش فى الدوارة ونقلات الفتيس
وغير كدة مش شرط مكونات مصرى ولا ماليزى
عربيتى الكورولا ال2007
كان فيها برضه بطارية سايلة !!!