-
صوت غريب بعدالتدوير
[mklb2]المشكله انى بسمع صوت غريب زى نحره عاليه بعد تدوير السياره مباشره
يعنى بمجرد دوران العربيه بيتسمع الصوت
و ده بيحصل بس و العربيه بارده
انا تخيلت ان فى مشكله ف المارش و رحت للكهربائى و حل المارش و غير الترس
و الصوت مازال موجود رجعت له قالى المارش و الدينمو تمام و ما فيهومش مشكله
و جرب تشوف ميكانيكى و ممكن الصوت يكون من الفتيس
رحت للميكانيكى بص على الفتيس و لاقه تمام و حل سير التكييف لاعتقاده ان المشكله ممكن يكون لها علاقه بالتكييف
و فضل الصوت موجود بردو
و بعدين جربت ادور و انا دايس دبرياش و من غير ما ادوس و بردو بسمع نفس الصوت
و الميكانيكى غير شداد الكاتينه بالقديم و بردو الصوت موجود
العربيه لانوس مو 2000
121000 كم
غيرت بوجيهات و سيور و شداد كاتينه و طلمبه بنزين و ليي الشكمان و العلبه الخلفيه و وركبت ماسوره بدل الفحم من شهر و نص تقريبا و مش فاكر الصةت بدات اسمعه قبل شويه الشغل دول و لا لا [/mklb2]
-
ممكن علبة الشكمان الوسط يبقى فيها خرم
أنا عندي نفس الصوت و رايح بكرة إن شاء الله أركب الشكمان و هبقى أقول لك بعدها الصوت راح
-
انا بسمع الصوت من ناحيه السيور
عامه انا منتظر رد حضرتك بعد تركيب الشكمان
-
غالبا فعلا الصوت ده من الشكمان ، وعلي فكرة انت غيرت ترس المارش فين وبكام وهل هو كهربائي كويس
ربنا يوفقك
-
الترس سعره 50 حنيه
و غيرته عند الكهربائى اللى بتعامل معاه فى الشرقيه \ فاقوس
-
متابع : انا عندي نفس الصوت تقريبا هو صوت زي تكه كده اول ما العربيه تدور
-
لا مش تكه ده صوت مستمر ل 4 ثوان او 3 و عالى و مزعج
-
كان بيظهر عندى نفس الصوت دة وغيرت سير الدينامو وبقى تمام الحمد لله
-
كشفت على سير الدينامو و مفيش فيه مشكله
-
انا خليت الميكانيكى يجى عند البيت عشان يسمع الصوت
لانه ما بيتسمعش الا و العربيه بارده و ريح سير الباور
و دورت و الصوت متسمعش و ركب السير و دورت تانى و سمعنا الصوت
و هو بيقول ان ده نتيجه لان طلمبه الباور بتنفش و هتحتاج تتغير او ممكن
يكون فيه رايش فى زيت الباور بيسبب الصوت
و اتفقنا اننا ان شاء الله هنغير زيت الباور بكره
و نشوف هل الصوت هيفضل موجود و لا هيختفى
Content Relevant URLs by
vBSEO 3.6.0 PL2