الموضوع: عندما يصارع المارد الكوري ماردا آخرا !

ازيكم يا شباب
دائما وأبدا ما أسير بمتوسط سرعة 90 كم
أصبحت أكره السرعة ولا أحبذها لأتفادى أي خطأ يظهر أمامي على الطريق
النهردة وانا راجع من مدينة نصر طلعت دائري
الطريق جه عند موقف العاشر وازدحم
وبعدين فتح شوية وازدحم تاني عند مسطرد
ورايا عربية فيرنا فول اوبشن -عرفتها من الفوجات يعني -
شغال رعاش ! طب مهو الطريق زحمة يا عم الحج اكيد لو ماشي هجري انا كمان
المهم بطريقة ما قام معدي بطريقة جنونية قلت لا الواد دا لازم يتربى
قمت طاير وراه الطريق قفل تاني عند بهتيم قمت معدي من جنبه
حبسته ورايا شوية وبعدين قمت فاتح الطريق وبعدت عنه شوية كنت على 100 ساعتها وقمت مسقط رابع لأني كنت على الخامس
وقمت فاتح ليه الطريق
جاي بسرعة عالية وانا شايفه في المرايا
قدامي على مسافة ليست بقريبة ولا ببعيده اوي سيارة نقل
وصل اكصدامه الامامي لاكصدامي الخلفي
قمت كابس دواسة البنزين
طلع اكصدامه الامامي مني
وصلت نصف سيارته عند اكصدامي الامامي
ومن ثم ظهر المارد الشرس الذي أقوده فقفزت السيارة ل 150 وهي على الغيار الرابع وعديت منه
قمت ناقل خامس وواخد الغرزة ما بينه وبين العربية النقل ورافع ل 170 كمان
تهاوى في الخلف
قمت مديله التحية بالاشارات وهديت
جاي بقا بيرعش برده وبتاع قمت فاتح الازاز ومطلعله ايدي وشاورتله يعدي
اعتقد دي اصعب تجربة شد مرت عليا اني اشد مع فيرنا نفسها وكمان بدأنا الشد عند 100 يعني مش من الصفر
لو كنت سقطت تالت مكانش هيوصل لاكصدامي الامامي اساسا بس انا قلت مش مشكلة أجمع بطيء شوية بس عشان ماعدش انقل غيارات كتير
حقيقة كانت تستحق التسجيل لأنها كانت ممتعة جدا