ازاي اشغل التكييف السخن

**nice_bird** · 02-12-2011 01:14 AM

السلام عليكم:

انا جيت اشغل التكيف السخن في عربييتي البوما ما اشتغلش ومش عارف هوا اصلا بيشتغل ازاي بس انا بجيب الموشر عالاحمر وبعدبن اشغل المروحة وبعدين ادوس علي زرار التكييف عادي وانا فاكر اني شغلتو قبل كدا كذا مرة بس بصراحة مش فاكر ازاي

**nice_bird** · 02-12-2011 03:42 PM

ايه يا جماعة هوا محدش بيشغل التكييف السخن خالص ولا ايه !

**eldell** · 02-12-2011 03:52 PM

انا عندى بجيب البكره على السخن وبشغل الزورار وبيشتغل على طول بس قليل الى بيشغله سخن علشان لما تيجى نازل من العربيه وانت جوه الجو سخن يبقى غلط جدااااااا اى حد بيكتفى بقفل الزجاج

**nice_bird** · 02-12-2011 04:03 PM

انا عندى بجيب البكره على السخن وبشغل الزورار وبيشتغل على طول بس قليل الى بيشغله سخن علشان لما تيجى نازل من العربيه وانت جوه الجو سخن يبقى غلط جدااااااا اى حد بيكتفى بقفل الزجاج

شكرا عالرد بس انا لما بقلب البكرة واجيبها عالسخن بحسن ان في سوسته بترجعة تاني ومش بتبقي علي اخر السخن متعرفش دا ليه !

**eldell** · 02-12-2011 04:11 PM

المشاركة الأصلية كتبت بواسطة nice_bird

شكرا عالرد بس انا لما بقلب البكرة واجيبها عالسخن بحسن ان في سوسته بترجعة تاني ومش بتبقي علي اخر السخن متعرفش دا ليه !

لا والله بس انا كان كده فى العربيه القديمه لاكن عندى دلوقتى مش كده بتيجى معايا عادى

**Hussein_Emara** · 02-12-2011 06:57 PM

كان فيه موضوع على المنتدى من قيمة سنة تقريبا بيكلم على حاجة زي كده, البكرة الي على الوش واصلة بحاجة زي الحزام هي الي بتحرك المحول من السخن للساقع, و تحريك البكرة في حالة تشغيل المروحة بيسبب ان الحزام ده يتفك او يرحل من مكانة, فالبكرة في الاخر بتلف على الفاضي.

للاسف مكنتش قريتلها حل ساعتها, بس يمكن لما حد من الزملاء يشوف وصف للمشكلة يقترح حل.

**محمد فريد** · 02-12-2011 09:43 PM

بص هو عندى فى اللانوس بجيب البكرة على اخر الأحمر بدون تشغيل مراوح ولا اى حاجة بيطلع هواء سخن على خفيف هو طبعا مش هتحس بيه الا لما تكون قافل الزجاج كله
جرب عند حضرتك كده تفتح الvent اللى هو بكره مرسوم عليها سهم ماشى علطول مش الوضع التانى اللى هو سهم ولافف يمكن يجيب نتيجة

**bassem_sams** · 02-12-2011 11:38 PM

زى ما حضرتك قولت تجيب بكرة على خطوط حمراء و طبعا درجه احمرار او خفته يدل على قوه تسخين وى البارد و انا عمرى ما جربيته الا لما لأقيت لما بشغل تكييف فى صيف كان بدايه تشغيله بتطلع ريحه كمكمه و تختفى فى ثوانى فقلت دى ميكروبات اشغل سخن على اخرة لمده ربع ساعه و انا فاتح ازاز و مش فيها علشان اقتل ميكروبات و تروح ريحه لأقيت بكرة مش رضيه تلف فهمت ان ده زى تراب او بكرة مش بلفها فلزقت فرجعتها للبارد و بعديها لسخن براحه لحد ما بكرة بقت تلف للأخر بس نصيحه تكييف سخن خطر بيجب برد جامد بسرعه لأن مكان بره برد و انت جوة سيارة دافىء اول ما تفتح شباك او باب جالك برد بعد شر عليك و سبب تغيير مفاجى فى درجه حرارة جسم بلاش تكييف سخن و اسف طولت عليك

**أبو إياد** · 04-12-2011 08:07 AM

بالنسبه لتشغيل السخن هو انك تخلى المؤشر على الاحمر وتشغل المراوح فقط وتقفل زرار التكييف

اما بالنسبه لتلف البكره فده بسبب تحويل من السخن للبارد او العكس مع تشغيل المراوح لانه لازم قفل المراوح عند التغيير
وده عباره عن واير بيتغيير عند بتوع التكييفات بس مش عارف سعره كام

-

الموضوع: ازاي اشغل التكييف السخن

LinkBack

أدوات الموضوع

عرض

ازاي اشغل التكييف السخن - انشر الموضوع فى :

-

-

-

-

-

-

المواضيع المتشابهه

فى حد لغى السخن من التكييف

ايه مشكله ان انا اشيل تلاجه التكييف السخن

ازاي اشغل التكييف على الساخن في البرد ده

انا عايز اشغل السخن

السخن بتاع التكييف

الكلمات الدلالية لهذا الموضوع

المفضلات

المفضلات

ضوابط المشاركة