-
بورده السماعات
يا رجاله انا من زمان كان نفسى اعمل بورده للسماعات وبعد ما عملتها الصوت بقى جامد وزى الفل
بس اللى مش زى الفل ان البورده عملتها جلد والكنبه عندى جلد والدنيا تزيييق خالص هل حد واجه المشكله دى قبل كده وعلى فكره انا اللى عملتها عند سروجى اشتريت الخشب والسروجى هوه اللى كساها..
هل تثيبتها بيبقى بطريقه معينه ولا بتتزنق كويس وخلاص .. وحاولت معاها 50 مره علشان تمنع التزييقه دى مفيش فايده .. حطيت تحتها اسفنج علشان اخليها تضرب فى الازاز من ورا وربطت ضهر الكنبه كويس ....مفيششششش فايده :((
اعمل ايه بقى علشان الصوت مع المطبات مش ظريف خالص ومحدش يقولى علي الكاسيت :redeye:
-
خليها موكيت احسن من الجلد
-
تسلم يا باشا على ردك وفعلا فيه ناس قالتلى كده .. بس الفكره كلها ان العربيه كلها عندى جلد الصالون كله جلد وانا عملتها خلاص مش معقوله هغيره موكيت تانى :))
وبعدين ما هى كل الناس عاملاها جلد اشمعنى ان يعنى اللى بتزيق عندى :((
-
ممكن فى الماكن الى بيكون فيها تزييق تحط قطعة قماش ناشفه شويه بس تكون مش باينه زى الجينز كده ده هيمنع الاحتكاك و هو ملهوش صوت فى التزييق لو عليت البيز و لو اخدت مطبات برضه
و استنى باقى الاعضاء اكيد المسكله ده واجهت حد قبل كده
بس انا عاوز اعرف الخشب الى انت جبتها ده الى هى mdf و جيبتها منين يعنى تكون عند السروجى ولا بتاع التركيب اطقم الصوت ولا فين و فرقت فعلا فى الاداء ولا لا ؟؟
-
اه يا باشا mdf وانا اللى اشتريته من عند واحد نجار وقطعته على قد البورده بالظبط وخرمت للسماعتين والسروجى كساها اسفنج وجلد
والصوت فرق كتيير جدااااا عن الاول فى البيز والنقاء
وحضرتك ممكن تريح دماغك وتركبها عن بتوع السماعات هتعملها 80 ولا حاجه :)
-
انا رحت سألت فنى صوتيات علشان يعملى البورده 18 مللى خشب mdf
قالى 100 جنيه
رحت جايب نص لوح وقسمته بينى وبين واحد صاحبى عايز يعمل بورده زى حلاتى
وجبت نص متر جلد اسود واشتغلت بالدباسه بتاعه الخشب وقفلتها تمام التمام
وفعلا بتفرق فى الشكل وفى البيز
والعمليه كلها 25 جنيه ربع اللوح ونص متر جلد بـ 9 جنيه
وبس كده
ونصيحه ماتجبش اقل من سُمك 16 ملى علشان البورده تستحمل
-
محدش فادنى برضه :(
المشكله موضوع انى احط حاجه بينها وبين ضهر الكنبه ده هيبقى باين :(
-
بص انا عندى حل وشوف يناسبك ولا بم انك مش عاوز تحط موكت بين الكنبة والرف
بم ان الاتنين جلد انا عاوزك تجيب زيت بتاع موتور طبعا غير مستعمل وحبة قليلين جدا وادهن فى المكان الى بيكون فية احتكاك بين الكنبة والرف وممكن كمان تستعمل فزلين وجرب طريقة مجربة من قبل (:
اما لو كان الزنة مش من عند الرف مع الكنبة فانا انصحك بتثبيت الرف مع الصاج بتاع السيارة عن طريق وضع مصامير بصواميل والتربيط الجيد
-
ممكن تجيب سلوتب عريض و تلزقه ف منطقه الاحتكاك.......جرب الاول تلزق ع البورده بس.....و لو منفعش الزق كمان ع ضهر الكنبه
-
باشا عارف الكوتشي اللي مش برباط اللصق بتاعه بعد ماتلبسه بيتباع فراديو شاك حاجة زي الدوبل فيس وعامله بتاع الكوتشي روح بص عليه وشوف كده وبرضه فكره الزيت حلوة
Content Relevant URLs by
vBSEO 3.6.0 PL2