حدث قبل صلاة الجمعة... جامعة سيناء..وحسبي الله ونعم الوكيل

السلام عليكم


من إسبوعين

مدرس إنجليزي من زباين الصيدلية
وصديق في الحقيقة

جابلي طالب في كلية صيدلة .. أشرحله شوية حاجات
قالي مش هياخد من وقتك غير ساعتين كل يوم جمعة قبل الصلاة
أنا كده كده فاضي
وحبيت بصراحة أتقمص دور المدرس
الله المستعان
الطالب (محمود) .. طالب بأولى صيدلة جامعة سينا .. بالعريش
الولد صغنون جدا .. شايل 3 تليفونات تاتش
عربية بتجيبه لحد الصيدلية بالسواق (تيريوس 2008)
المهم ف الموضوع

الولد طيب الحقيقة جداااا
بس لايعرف شئ عن أي شئ في كل شئ
الإنجليزي بتاعه نفس مستوى الإنجليزي بتاع عمرو خالد إبن أختي(كي جي تو)

غير كدع
مادة الصيدلانيات عندهم
الكتاب 60 صفحة ف الترم
بيتكلم في محتواه
عن

شكل الروشتة .. شكل الدوا .. طريقة كتابة الروشتة
بسسسسسسسسسسسس

يانهار إسود . يانهار إسود
طيب الي إحنا كنا بناخده في الصيدلانيات في كلية الصيدلة ده يطلع إيه؟؟؟
ومن كلامه
كل إمتحان
الدكتور يديهم رسم بياني ... وسؤالين
يحفظوهم ويخشوا الإمتحان
طيب أنا كده لزمتي إيه أساسا ؟؟؟
أقولكم
إن ابوه يطمن إن الولد بيذاكر

أقسم بالخالق العظيم
المنهج ده .. مريم بنت أختي ( تانية إبتدائي) تذاكره وتنجح فيه بدون مجهود

وحسبي الله ونعم الوكيل في إلي وصل مستوى الجامعات دي للشكل ده

العلم اصبح يكيل بالباذنجان

ما هو الخريج منها هتكون كل مهمته فى الصيدلية انه يقف يبييييع فبيأهلوه لكده وبس
يعنى شالوا الحشو من المنهج :)

شالو الحشو وحطو مكانه رز..

نتكلم جد؟؟ انا مش شايفة مشكلة ومتحكمش من اول سنة مش عيب يكون في سلاسة في اعطاء المحتوي المهم النتيجة النهائية

انا لحد دلوقتي بفتح كتب سنة اولي جامعة مش عارفة كنت بفهم العك دا ازاي ونا لسه جية من ثانوي

اقتباس:

---

المشاركة الأصلية كتبت بواسطة dr ahmed

ما هو الخريج منها هتكون كل مهمته فى الصيدلية انه يقف يبييييع فبيأهلوه لكده وبس
يعنى شالوا الحشو من المنهج :)

---

هما فعلا لو شالو الحشو من المناهج +وضع مناهج محترمه قويه تفيد الدارس في حياته العمليه
حتلاقي ان مده الدراسه بقت شهرين علي اقصي تقدير
وان المتخرجين ناس كويسه تقدر تشتغل بعد فتره اعدادهم في الكليه

ماهو داخل صيدله عند ناس كل عيشتهم ماشاء الله طبيعه وصحاري
مبيمرضوش اصلا





















لو حد يعرف حد من العريش يتصل يشوفه عايش ولا مات بعد حته القر والحسد دي :))

اقتباس:

---

المشاركة الأصلية كتبت بواسطة shnory

هما فعلا لو شالو الحشو من المناهج +وضع مناهج محترمه قويه تفيد الدارس في حياته العمليه
حتلاقي ان مده الدراسه بقت شهرين علي اقصي تقدير
وان المتخرجين ناس كويسه تقدر تشتغل بعد فتره اعدادهم في الكليه

---

متفق معك تماما يا :00020140:

انا خريج اسنان جامعة مصر للعلوم والتكنولوجيا والدراسة محترمة واصطف التدريس من اكبر الجامعات المصرية وغالبيتهم يشغلون رؤساء اقسام في عين شمس والقاهرة والمنصورة وقنا

المشكلة في الحشو اللي في التعليم المصري وكثير من المصريين يفخرون بهذا الحشو كأنه هو الهدف والغاية التعليم الامريكي مناهجه بسيطة جدا ومع ذلك هم قادة العالم علميا

كلية الاسنان استطيع ان اقدرها بسنتين او ثلاثة كثير قوي كافية لتخريج دكتور محترم وشكرا

مش للدرجة دي
مهنج صيدلانيات .. يكون في تعليم الطالب شكل الروشتة .؟؟؟؟؟
دي لوحدها صعبة
طيب ده محمود
بنت إسمها ألاء
تالتة صيدلة جامعة(مش فاكر والله إسمها بس هي جامعة في العبور)أو الخط الصحراوي ده
بتجيلي برضوو أشرح لها شوية حاجات
أهي دي بقا
محمود بالنسبة لها يبقى أينشتين .. بدون مبالغة وربنا يشهد
ماعندهاش إنجليزي أساساااااااااا .. ووصلت إزاي لحد تالتة..معرفش بجد
ماتتخيلوش بتجيلي(أساسا) علشان أترجم لها المذكرات الي المفروض بتذاكر منها
عندها برضو صيدلانيات ... مذكرة الصيدلانيات بتاعت الترم عنده .. 40 ورقة
40 ورقة .. مكتوبين بخط كبير زيادة عن اللزوم
وفيهم 10 ورقات رسومات توضيحية


تتخيلوا طالب في3 صيدلة
مايعرفش معنى كلمة
administration
aerosol
prescriber
أقولها يعني إيه prescriber ?? تبص ف الارض وتضحك وكأني بقولها كلمة قبيحة

اقتباس:

---

المشاركة الأصلية كتبت بواسطة a7med_pharma

prescriber
أقولها يعني إيه prescriber ?? تبص ف الارض وتضحك وكأني بقولها كلمة قبيحة

---

ممكن كنت بتقولها وانت بتغمز بعينيك اليمين مثلا وبتهز راسك علشان كده اتكفست

الجيل الصاعد أبيض زى القطن بتاع زمان

دي تجاره مش تعليم ... طبعاً مش كلية تجاره لأنها أسهل من كده بشويه

يا باشا انا خايف على الواد ابو تريوس يتقلب في بلدكو.............هههههههههههه

مش بعيد والله يتقلب في البلد
بلد لووووز
============
دكتور أحمد
منور الدنيا كلها .. غيابك كان ماثر على المنتدى والله

إحنا مش بتوع الكلام ده والله يادكترة
الواحد بيحاسب أوي في الكلام مع الجيل الجديد .. إلي لو حد بصله وضحك
يتفهم إني بحبها على طوووووووووووول وش

ساعات بحس ان التعليم الحكومى هدفه التعقيد بدون اى مضمون
والناس تفضل تحفظ وتدلق فى الامتحان وتطلع يا مولاى كما خلقتنى وما ندوش فكة فى الحياة العملية
انا خريج تعليم حكومى
بس شايف تصنيف الناس تعليم خاص (فشلة) وتعليم حكومى (مجتهدين) مش شرط يبقى سليم

انا لفيت فى 3 جامعات خاصه مصر للعلوم والتكنولوجيا و 6 اكتوبر و msa و بكل تاكيد ااكد اننا بنتنفخ فى كل ترم من المواد دة انا كدة بفكر جديا انقل جامعه سيناء دى متقلنا تفاصيل الجامعه الل بتقبل عباقرة دى بفكر اروح امسك رئيس الجامعه هناك سنتين ولا حاجاه لحد مخلص

بصوا يارجالة
لو بيشيلوا الحشو .. يبقا ممتاز جداااا
خير وبركة وريحوا الطلبة من التعقيد والغباء
لكن إلي أنا شوفته كتير
يعني طالب في صيدلة ..او بنت في صيدلة في تالتة
وماتعرفش حتى تقرا إنجليزي
ده معناه إنها بتنجح علشان بتدفع بسسسسسسس
مش بتنجح علشان انهم شالوا الحشو

الدكتور بيديهم الامتحان قبل اللجنة
ودي إسمها قلة أدب .. ونصب

يعني إيه prescriber

اقتباس:

---

المشاركة الأصلية كتبت بواسطة aliaboali_3

يعني إيه prescriber

---

الدكتور اللى مشفر الروشته

ههههههههههههههههههههههههه هههههههه
من كام سنة كنت فى زيارة فى مصر رحت الكلية .قابلت زملا قدامى- جامعة حكومية-
واحدة من المعيدات بتقولى حاليا انا بشرح وقولهم فاهمين ..يهزوا راسهم بالموافقة . وانا اكمل شرح وانا متاكدة انهم مش فاهمين ولا ممكن يفهموا
واحد تانى بيقولى انا قاعد فى المعمل وهما بيعكوا-صيدلانيات- وكل شوية كويسة دى يا دكتور---كويسة يابابا----كويسة دى يا دكتور ---كويسة يا ماما
:baby25:

اقتباس:

---

المشاركة الأصلية كتبت بواسطة Dr_Mido

الدكتور اللى مشفر الروشته

---

:ilikeit: