بص يا باشا أنا اقدر اقولك تقريبا أى حاجة عن التمبرا بقدر معرفتى بس من غير مقارنات علشان الناس بتتضايق من الموضوع دة
بس مبدئيا التمبرا لو ب 27 الف تبقى تمبرا تعبانة جدا لا أظن أبدا ان حالتها جيدة
و التمبرا الايطالى من موديل 90 الى 96 و معظم الى فى مصر أيطالى أستيراد من الخارج بيبقى من 90 الى 94 دول الى دخلو معاقين
تمبرا موديل 98 تبقى تجميع شركة النصر للسيارات
التمبرا قطع غيارها تقريبا ببلاش بالنسبة لانكانيات عربية زى كدة
التمبرا عربية فيها تكنولوجيا كتير مش عربية بدائية خصوصا لو العربية انجيكشن
فية تمبرا أوتوماتيك و موجودة فى مصر و زميل لنا فى رابطة التمبرا معاة واحدة أوتوماتيك بس أنا لا أنصح بها لآن الفتيس الاوتوماتيك نادر جدا لما تلاقية موجود بس قليل شويتين
الحجم عربية كبيرة نسبيا أكبر بكتير من البرايد و قوة صاج كأنك راكب مصفحة يعنى ممكن تغلس على ميكروباص لو عايز من غير ما تخاف
قطع غيارها متوفرة و خصوصا الاستيراد مفيش مسمار مش موجود و بكثرة بصورة غير طبيعية
لو التمبرا 1600 سى سى ممكن تمشى على 170 و انت مطمئن و العربية راسية تماما على الارض مش عربية خفيفة ابدا
المفضلات