السلام عليكم يا شباب ...
أنا حبيت انقل ليكم تجربتي في تغير زيت العربية من موبيل 1 إلى زيت ليكوي مولي ... بجد انا حاسس ان الزيت ده مختلف عن أي زيت تاني , انا لما كنت بغير زيت موبيل 1 في الأول كنت بحس ان صوت الموتور عالي وبالذات لما اسحب بالعربية و احرق على الغيارات , لكني قررت اني اغير لزيت ليكوي مولي بعد ما سمعت في المنتدى عن جودته وسمعته الطيبة وبالفعل غيرته النهاردة واستعملت معاه اضافة اسمها Proline وده زي الفلش عشان ينضف الموتور من الرواسب اللي فيه , وطبعا غيرت الفلتر مع تغير الزيت , والمفاجأة اني والله العظيم صوت الموتور بقى هادي جدا لدرجة اني بصيت على العدادت لتكون العربية مبطلة ولا حاجة , وطلعت جربت العربية وحرقت على الغيارات والله صوت الموتور هادي ومش عالي زي ايام زيت موبيل 1 .
فعلا الزيت ده جدير بالتجربة .
دي صورة البرولاين بتاع الفلش وسعرة 30 جنيه
http://www.nileup.com//uploads/image...94a9fe1386.jpg
وده صورة الزيت وهو تخليقي وبيقعد 10000 وسعره 260 جنيه
http://www.nileup.com//uploads/image...5c2b22afc5.jpg