السلام عليكم ورحمة الله وبركاته
الاخوه الكرام اود معرفة الطريق من حلوان الى كلية فنون جميله جامعة حلوان
وشكرا لحضراتكم
عرض للطباعة
السلام عليكم ورحمة الله وبركاته
الاخوه الكرام اود معرفة الطريق من حلوان الى كلية فنون جميله جامعة حلوان
وشكرا لحضراتكم
اطلع على الكورنيش كأنك رايح على التحرير ، وأطلع كوبري 15 مايو (بعد ماسبيرو) وعدي الناحية التانية وأنزل أول يمين ، هتفضل ماشي فى الشارع ده على طول (وفوقك الكوبري) لحد قبل نهاية الشارع هتدخل يمين (هتعدي بنزينة مصر للبترول وتدخل من قبل التانية) وتفضل ماشي على طول هتلاقيها على الشمال فى الآخر
أو لو هتاخد النصر ، يبقى تمشي على طول وتاخد أكتوبر وتدخل من دخلة 15 مايو (قبل نزلة عبد المنعم رياض ) وبرضوا تنزل من الكوبري بعد ما تعدي للزمالك أول يمين وتمشي من تحت الكبري وتكمل زي الوصفة فوق
الف شكر لحضرتك
لو ممكن اعرف ازاى اروحها موصلات لان ممكن اتوه بالعربيه
خد المترو من حلوان و انزل الاسعاف و من هناك تشوف من عند مستشفى الجلاء اى حاجه طالعه 15 مايو و تقوله نزلنى الزمالك و انزل الزمالك و خد تاكسى
او من الاصل انزل من الكترو فى محطة الاوبرا و خد تاكسى على طول
او ممكن تركب المترو وتنزل الإسعاف وتركب أى حاجه رايحة أبو الفدا (هتلاقيهم بيقولوا كتكات بس أسألة برضوا وقولة بتروح أبو الفدا) ، وتقول للسواق نزلني أبو الفدا (هينزلك على الكوبري فوق ساقية الصاوي) هتنزل من على الكوبري وتسأل على كلية الفنون الجميلة (شارع واحد هتمشية وتوصل بالسلامة )
الف شكر لحضرتك