حد يعرف حاجة عن شركة اسمها الاتحاد الوطني

**ahmednaif79** · 03-12-2011 01:55 PM

المشاركة الأصلية كتبت بواسطة bassamhafez

بالنسبه للاتحاد الوطني هم ناس محترمين وانا شخصيا جبت عربيتي من هناك وكانت واحده من اخر عربيتين وبعت جابها من المخازن اللي في 6 اكتوبر والعربيه جايه عليها جبل تراب فعلا وده كويس عشان التراب ده بيحميها من اشعه الشمس الجامده وبعد ما اتغسلت بقت تمام التمام

المهم بس شيك على العربيه كويس وانت بتستلم

انا كمان اعرف هناك واحد اسمه حسين وده شخص محترم جدا وهو مسئول مبيعات هناك

لو نويت تجيب من هناك وحابب اروح معاك في الاستلام انا تحت امرك

السلام عليكم
متشكر كتير لحضرتك
ومفيش داعي اتعب حضرتك بانك تيجي ممكن بس لو وانا هناك قابلتني مشكلة اكلم حضرتك.
بس من فضلك تليفونك وانا هسئل عن ا/ حسين
شاكر جدا لمداخلتك

**Youssef.Awad** · 03-12-2011 05:34 PM

المشاركة الأصلية كتبت بواسطة ahmed.tv

الله ينور يا دوك والله

بجد الواحد سعيد بوجودك معانا يا يوسف .. وفعلا انت من الناس المحترمة واللى اصبحت شريكة فى نجاح قسم نيسان

اخجلتم تواضعنا ..
ده اقل واجب الواحد يعمله انه يفيد ويستفيد من الاعضاء كافة

**BassamHafez** · 03-12-2011 06:31 PM

المشاركة الأصلية كتبت بواسطة ahmednaif79

السلام عليكم
متشكر كتير لحضرتك
ومفيش داعي اتعب حضرتك بانك تيجي ممكن بس لو وانا هناك قابلتني مشكلة اكلم حضرتك.
بس من فضلك تليفونك وانا هسئل عن ا/ حسين
شاكر جدا لمداخلتك

انا تحت امرك ما فيش تعب ولا حاجه فعلا لو عايزني اجي معاك مافيش مشاكل

ورقمي 01006832495

ولما تقابل حسين قول له بسام بتاع التيدا السوداء

**Hossam_Zaky** · 04-12-2011 01:00 AM

السلام عليكم
و لما تقابل أ/حسين أبقي قوله كمان حسام اللي كان سألك عن القشقاي
الأتحاد الوطني أو ناشيونال يونيون بتاع شارع النزهة
جايبين منهم حوالي 6 عربيات صني من 2007 , 2008 , 2009 منهم عربيتي و معاملتهم كانت ممتازة و فعلا كانو جابولنا خصومات علي العربيات أكتر من مرة و عربياتهم متخزنة في ساحة البارك اللي أمامهم مش في الشارع بس في الأصل أنت لازم تراجع عربيتك و أنت بتستلمها و تتأكد أن كل حاجة تمام زي ما الزملاء أوضحو

بالنسبة للأقتراح بتاع السيراتو ( تقريبا نفس حدود السعر بتاع التيدا و الليفينا ) و علي الرغم من تمسكي بنيسان كوكيل و مراكز صيانة إلا أني رأيي الشخصي أن ممكن تفكر فيها

صاحبي جايب السيراتو شهر 4 اللي فات و هو كان معاه صني 2009 و أضطر يغير لظروف حادث و لما فكر في السيراتو مكنش عن حب لكن عشان الفلوس اللي معاه كانت أخرها كده و مكنش عاجبه التيدا و بعد ما ركب السيراتو عجبته و أرتاحلها
السيراتو لو أشتريتها بفكر أنها عربية عائلية للأستعمال اليومي العادي تبقي معقولة كأداء موتور و فتيس 6 نقلات و وسع صالون قريب من الجيتا ( معانا الأتنين ) و شنطة خلفية واسعة جدا برضه و أكيد شوية كماليات ظريفة ( مش هي الأساس ) لكن هي مش عربية للجري المبالغ فيه زي الشباب ما بيعملو
طبعا مقدرش أقول أن الياباني زي الكوري لكن أقول أنه أقتراح يستحق الدراسة و تنزل تركب العربية و تقرر بالتجربة العملية مش بكلام الناس

بس لو قررت السيراتو يبقي لازم تجيب الموديل sx مش أقل و بجنوط 16 مش 17 و بضمان الوكيل لأنه 5 سنين و أبعد عن الخليجي مهما كانت كمالياته

ياريت محدش يزعل من أقتراحي من عشاق النيسان بس أنا رأيي كده

**SonaSteel** · 04-12-2011 01:16 AM

المشاركة الأصلية كتبت بواسطة hossam_zaky

[size=5][color=darkred]
ياريت محدش يزعل من أقتراحي من عشاق النيسان بس أنا رأيي كده

مفيش زعل بين الاخوات .... جزاك الله خيرا علي النصيحة وفي الاول والاخر نصيب يمكن يكون الخير فيها وربنا سيره ليه بسببك
الاول والاخر نصيب ....... والاول والاخر ديه عربيات
انا سعيد بالمشاركة ديه والله .... وربنا يديم المعروف
بحبكم في الله :))

**Dr'AhmZZong** · 04-12-2011 01:32 AM

المشاركة الأصلية كتبت بواسطة ahmed.tv

بيعجبنى انك منتشر فى المنتدى كله .. انا نفسى مش بعملها .. ههههههههههههه

ياريت الاعضاء كلهم زيك والله يا يوسف .. لان فعلا الانتشار والقراءة فى كل الاقسام بتفيد جدا

وانا بعترف انى مقصر فيها ..

--------------

اى عربية يا باشا حتلاقيها مركونة وعليها تراب .. لان كل ده استوكات .. وبعدين مش مشكلة .. المهم لما ينظفوا العربية تجربها وكله يبقا تمام

ومش تمضى على محضر الاستلام الا لما تشيك على العربية .. وان كل حاجة سليمة

وطالما لقيت اللون اللى انت عايزه .. يبقا توكل على الله

وبعدين لو وفرت 500 جنيه فرق .. فى مقابل انك تاخد دفتر كوبنات خصم من السبع .. شغال .. وخاليك مع السبع

وبخصوص الليفينا .. انا مقدرش احكم عليها الا من تقارير الاعضاء ملاكها .. لانى مجرتهاش

بس سمعت ان عزم التيدا اعلى من الليفينا .. وتقفيل التيدا افضل

وكل واحد ما بيحب وبيفضل .. شنطة التيدا اعرض منها .. لكن الليفينا .. شنطتها اطول ارتفاعا

والكنبة تقعد فى التيدا مرتاح عنها .. لانى قعدت فى الليفينا فى المعرض .. وكنا 3 احجام متوسطة وقعدنا فيها كتفنا ملزوقة فى بعضها .. ومش مرتاحين .. لكن فى الارجل تمام
ولكن فى التيدا لا اريح

الليفينا فيها سمارت كى .. مش موجود فى التيدا .. ودى الحاجة الوحيدة اللى بتميز من نظرى الليفينا عن التيدا فقط لا غير

وياريت نصيحة لوجه الله
طالما حضرتك حتكون عضو معانا باذن الله .. حاول تستفاد من الموضوعات اللى فى القسم المثبتة عن نيسان .. عشان مصلحتك اولا .. وثانيا عشان تقدر تنهمر معانا فى القسم .. وتساعد معانا الاعضاء الجدد ايضا

حتلاقى فيها كل الاجابات الشافية .. لان ممكن اى عضو فينا عنده ظروف او تعبان ميقدرش يرد على حضرتك ويتاخر فى الرد .. فياريت تقرا الموضوعات المثبتة .. لان مش حتلاقي زيها فى امنتدى اخر فى العالم بالتنسيق والترتيب ده

ربنا يوفقك .. وان شاء الله اختيار موفق جدا .. ومتنساش تصلى صلاة استخارة ..
وبندعيلك كلنا

وان شاء الله العروسة تبقا معاك .. ونتعرف عليك فى مقابلة نيسان الجاية يوم 16 .. ونتشرف بيك

ويزيدوا التيداوية واحد

تحياتى