للافادة عرضين ADSL فودافون و TeData

أحبائي اعضاء نادي نايل موتورز الموقريين

http://img195.imageshack.us/img195/1616/esadp.jpg

النهاردة بقي جايبلكوا عرضين ADSL فودافون و TeData عشان اللي عايز يركب خط انترنت جديد او اللي عايز يجدد

-------------------------------

أنا عن نفسي اخترت Vodafone لكن هشرح ليكم العرضين للافادة العامة لأحبائي الاعضاء

أولا ً عرض Vodafone

http://4.bp.blogspot.com/_LG2O-7Kguw...centraleu0.jpg

العرض بيتلخص في طريقة معينة لو اتبعناها اكيد هتشترك بدون مشاكل و هي :

ممكن تشترك في اي سرعة من سرعات الانترنت بفودافون و بنص ثمن السرعة يعني مثلا 1 ميجا = 133 جنيه في الشهر يبقي في العرض هتدفع فقط = 70 جنيه و العرض ده ساري لمدة سنة واحدة و بيعطي لك راوتر فودافون 4 بورت و فيه WiFi

بس عشان تشترك في العرض ده لازم تكون عارف حد من اصحابك مشترك في فودافون و بعد كده بتاخد الرقم الارضي بتاعه و تروح اي ستور فودافون و تقدم برقم موبايلك علي خطك الارضي لأن يا جماعه العرض ده اللي هو اعلانه في التليفزيون اقطع خط النت مع صاحبك و اشترك لوحدك فلازم يكون معاك رقم ارضي حد يكون مشترك في فودافون و بيتم التركيب في خلال 14 يوم و خدمة ممتازة

عرض TeData

http://4.bp.blogspot.com/_jNZdqm8HiQ...EData_Logo.jpg

العرض بسيط و مش محتاج شرح و هو :

تروح تشترك في تي اي داتا و ده طبعا للعملاء الجدد او لخط غير متصل عليه تي اي داتا و يكون الغي اشتراكه مع اي شبكة تانيه

هو انك تدفع 3 شهور في اي باقة من باقات الانترنت و تاخد 3 شهور مجانا ً و معاه راوتر 4 بورت و فيه WiFi

العرض ده يا جماعة احتمال و بنسبة كبيرة هينتهي في 08-12-2011

ملحوظة بعيدة عن العروض و هي :
سمعت من ناس كتير ان في الفترة اللي جاية هتنزل اسعار باقات الانترنت الي النصف بس طبعا كل ده سماعي و غير متاكد منه.

أتمني اكون أفادتكم

أخوكم
بيشوي PEACEMAN

انا لسه مشترك في عرض فودافون من اسبوعين وممتاز جدا اشتركت في واحد ميجا ومعاه 40 جيجا داون لود في الشهر وبسعر 60 جنيه وجابولي راوتر اربعه بورت بالاضافه للويرليث وبصراحه قمة الاحترام

مشكور بيشوي بيك

عرض فودافون ممتاز وكده هو نفس مواصفات الاشتراك العادي حتي نفس الباندويدث ..

بس مش فاهم كده الخطين هيكون اشتراكهم 70 ولا الجديد فقط ؟

لو الاتنين يبقي هدور علي اي حد عايز يشغل خط جديد :)

اقتباس:

---

المشاركة الأصلية كتبت بواسطة mr_sameh

انا لسه مشترك في عرض فودافون من اسبوعين وممتاز جدا اشتركت في واحد ميجا ومعاه 40 جيجا داون لود في الشهر وبسعر 60 جنيه وجابولي راوتر اربعه بورت بالاضافه للويرليث وبصراحه قمة الاحترام

---

ممكن تفاصيل العرض انا في نفس الباقه ديه وبدفع 133 ؟؟:majd(4):

حلو اوي عرض فودافون

بس انا عندي اصلا تي اي داتا عالارضي مش عارفة لازم الغيه بقى ولا ايه ؟؟

اقتباس:

---

المشاركة الأصلية كتبت بواسطة donzi

حلو اوي عرض فودافون

بس انا عندي اصلا تي اي داتا عالارضي مش عارفة لازم الغيه بقى ولا ايه ؟؟

---

لازم تلغيه وتاخدي مهم كنسليشن نمبر وتديه لفودافون علشان يقدرو يدخلولك الخدمه بيه

وفيه بعض الشركات بتستعبط وبياخدو اكتر من شهر لحد ما يدهولك هو فيه حل تاني اسهل

انك لو عندك رقم ارضي تاني تشتركي عليه اسرع انا عامل كده

اقتباس:

---

المشاركة الأصلية كتبت بواسطة kimo-nubira

ممكن تفاصيل العرض انا في نفس الباقه ديه وبدفع 133 ؟؟:majd(4):

---

انا رحت اشترك عادي قالولي علي العرض واحد ميجا بستين جنيه في الشهر وده لمدة سنه وكمان ادوني خط فودافون ورقمه كويس كمان وده علشان ادفع الاشتراك من خلال شحن كروت

ممكن يا جماعة رقم تليفون أرضي حد مشترك فى فودافون يبعته ليا على الخاص علشان أقدر استفيد بالعرض ؟!

اقتباس:

---

المشاركة الأصلية كتبت بواسطة mr_sameh

انا رحت اشترك عادي قالولي علي العرض واحد ميجا بستين جنيه في الشهر وده لمدة سنه وكمان ادوني خط فودافون ورقمه كويس كمان وده علشان ادفع الاشتراك من خلال شحن كروت

---

لو سمحت هو مكان الاشتراك فى أكتوبر فين ؟!

اقتباس:

---

المشاركة الأصلية كتبت بواسطة mr_sameh

انا لسه مشترك في عرض فودافون من اسبوعين وممتاز جدا اشتركت في واحد ميجا ومعاه 40 جيجا داون لود في الشهر وبسعر 60 جنيه وجابولي راوتر اربعه بورت بالاضافه للويرليث وبصراحه قمة الاحترام

---

حضرتك متأكد انه بـ 60 جنيه ولا بـ 70 جنيه ؟؟

اقتباس:

---

المشاركة الأصلية كتبت بواسطة pro_samir

مشكور بيشوي بيك

عرض فودافون ممتاز وكده هو نفس مواصفات الاشتراك العادي حتي نفس الباندويدث ..

بس مش فاهم كده الخطين هيكون اشتراكهم 70 ولا الجديد فقط ؟

لو الاتنين يبقي هدور علي اي حد عايز يشغل خط جديد :)

---

مش هتفرق حاجه لأن انت ممكن كل شهر تغير الباقة بتاعتك زي ما انت عاوز فممكن خطك يبقي في باقة مختلفة عن باقة الخط التاني

اقتباس:

---

المشاركة الأصلية كتبت بواسطة donzi

حلو اوي عرض فودافون

بس انا عندي اصلا تي اي داتا عالارضي مش عارفة لازم الغيه بقى ولا ايه ؟؟

---

تي اي داتا في الكانسلايشن بيتأخروا اوي و ممكن يعلقوا الخط .. ممكن تشوفي خط ارضي تاني زي ما احد الاعضاء قال بالظبط

اقتباس:

---

المشاركة الأصلية كتبت بواسطة mr_sameh

انا رحت اشترك عادي قالولي علي العرض واحد ميجا بستين جنيه في الشهر وده لمدة سنه وكمان ادوني خط فودافون ورقمه كويس كمان وده علشان ادفع الاشتراك من خلال شحن كروت

---

علي فكرة في حاجه بقي انا عاملها حلو اوي .. انا معايا خط فودافون ايزي بفاتورة شهرية فخليتهم ينزلوا اشتراك adsl علي الفاتورة بتاعة الخط و طبعا اشتراك النت بينزل علي الفاتورة من غير ضريبة مبيعات يعني في الفاتورة بيفصلوا ضريبة المبيعات عن خط adsl بحيث تكون الضريبة علي المكالمات و الـ usb فقط لا غير

انا يا جماعه فودافون واللي عايز ادي فودافون رقمه يقولي وانا اعملهالوا علطووووووووووووووووول

اقتباس:

---

المشاركة الأصلية كتبت بواسطة nomercy22

انا يا جماعه فودافون واللي عايز ادي فودافون رقمه يقولي وانا اعملهالوا علطووووووووووووووووول

---

علي فكرة انت راجل محترم .. متشكرين يا باشا

اقتباس:

---

المشاركة الأصلية كتبت بواسطة mount

لو سمحت هو مكان الاشتراك فى أكتوبر فين ؟!

---

في سيتي ستار اكتوبر بجوار كنتاكي

لو سمحت هما ال40 جيجا داونلود بس؟ يعني التصفح ومشاهدة فيديوهات على اليوتيوب مش بيتحسبوا من ال40 جيجا؟؟ ولو خلصت ال40 جيجا ايه اللي بيحصل بالظبط؟؟ النت بيفصل؟؟ ولا بيفضل شغال بدون داونلود؟؟!
وشكرا

اقتباس:

---

المشاركة الأصلية كتبت بواسطة khaledgub

لو سمحت هما ال40 جيجا داونلود بس؟ يعني التصفح ومشاهدة فيديوهات على اليوتيوب مش بيتحسبوا من ال40 جيجا؟؟ ولو خلصت ال40 جيجا ايه اللي بيحصل بالظبط؟؟ النت بيفصل؟؟ ولا بيفضل شغال بدون داونلود؟؟!
وشكرا

---

ببساطه كده اى حاجه حضرتك بتعملها على الانترنت زى التصفح او مشاهده فيديو او تحميل افلام او شات او بتشوف الايميل تعتبر داونلود اما لو حضرتك اللى بتحط حاجه زى صور مثلا او بتحط فيديو على اليوتيوب ده يعتبر ابلود . هو ال ٤٠ جيجا ده صعب قوى تخلصهم و لو خلصتهم ما بيقطعش و لكن بيقلل السرعه فهتكون شغاله برضه بس أبطا من الاول

معلش يا رجالة ..انا دلوقتى واخد واصلة من واحد صاحبى وبندفع 50 فى الشهر 2 ميجا ..

انا عايز اشترك فى فودافون بالعرض دة ..التكلفة كاملة هتكون كام بالروتر ولمدة اد اية واية حوار خط فودافون دة معلش مش قادر افهم حاجة صريحة اعملها

اقتباس:

---

المشاركة الأصلية كتبت بواسطة wshawky

ببساطه كده اى حاجه حضرتك بتعملها على الانترنت زى التصفح او مشاهده فيديو او تحميل افلام او شات او بتشوف الايميل تعتبر داونلود اما لو حضرتك اللى بتحط حاجه زى صور مثلا او بتحط فيديو على اليوتيوب ده يعتبر ابلود . هو ال ٤٠ جيجا ده صعب قوى تخلصهم و لو خلصتهم ما بيقطعش و لكن بيقلل السرعه فهتكون شغاله برضه بس أبطا من الاول

---

شكرا يا باشا
طب ممكن تقولي بيقل يبقا قد ايه يعني؟ مثلا بيبقا 256 ؟؟ ولا اقل؟

تى داتا بتموت المشتركين القدامى
يعنى كل العروض للمشتركين الجدد حاجة تقرف

اقتباس:

---

المشاركة الأصلية كتبت بواسطة E30power

معلش يا رجالة ..انا دلوقتى واخد واصلة من واحد صاحبى وبندفع 50 فى الشهر 2 ميجا ..

انا عايز اشترك فى فودافون بالعرض دة ..التكلفة كاملة هتكون كام بالروتر ولمدة اد اية واية حوار خط فودافون دة معلش مش قادر افهم حاجة صريحة اعملها

---

التكلفة كلها = 70 جنيه بالظبط شاملة (اشتراك شهر كامل + راوتر 4 بورت WiFi + تركيب مجاني + اسطوانة Security مجاني للكمبيوتر الخاص بيك) و الاشتراك ده شهري لمدة سنة كاملة و بعد السنة هتدفع الاشتراك الحقيقي للسرعة

اقتباس:

---

المشاركة الأصلية كتبت بواسطة khaled_yassin

تى داتا بتموت المشتركين القدامى
يعنى كل العروض للمشتركين الجدد حاجة تقرف

---

:tumb::tumb::tumb:

اقتباس:

---

المشاركة الأصلية كتبت بواسطة khaledgub

شكرا يا باشا
طب ممكن تقولي بيقل يبقا قد ايه يعني؟ مثلا بيبقا 256 ؟؟ ولا اقل؟

---

بتقل حتي 128 كيلوبايت

طب يا جماعة ايه المشكلة في تي اي داتا؟ على الاقل هتكون انليمتد؟؟؟ وعندها نفس العرض.

لينك كمان عاملة نفس العرض تقريباً للمشتركين الجدد (1 ميجا بـ 72 جنيه ومعاها راوتر) وللمشتركين القدامى ضعف السرعة وتدفع مقدم .. كل الشركات بتطفش المشتركين القدام !!

حضرتك مفهمتنيش ..

اقصد انا دلوقتي شغال فعليا فودافون 1 ميجا ، لو حد اشترك علي رقمي هو فقط اللي هيكون اشتراكه 70 ؟ ولا الخطين هو و انا ؟

يا جماعة فى حاجة مهمة يا ريت اللى يعرف يأكد لنا منها وهى . الآشتراكات القديمة للواحد ميجا نظير المبلغ اللى هو 135 جنية تقريبا بياخد داونلواد ضعف اللى فى العرض الجديد بكتير . يعنى بعد سنة أن شاء الله بعد ما ينتهى العرض هيكون ال 40 جيجا ب 135 بدلا من 70 جنية الحالية ويبقى كدة غلوا الاشتراك الضعف والدونلواد بقى أقل . يا ريت اللى يعرف الآشتراكات القديمة كانت كام جيجا داونلواد للواحد ميجا
وجزاكم الله خيرا