الموضوع: الذاكرة عند ابني ضعيفة

السلام عليكم
انا معايا مشكلة مع ابني، هو عنده 4 سنين ونص، المشكلة حاسس إن ذاكرته ضعيفة وبيحفظ بصعوبة شديدة. انا وديته لدكتور تنمية مهارات قالي الذاكرة السمعية عنده ضعيفة بس الذاكرة المرئية كويسة. انا محتار ومش عارف أعمل ايه عشان أخلي الذاكرة تبقى قوية عنده. بالذات إنه لسا صغير ومش عايز الموضوع ده يكبر معاه. أفيدونا أفادكم الله

المشاركة الأصلية كتبت بواسطة mohammedabdallh

كلام سليم
حضرتك محتاج العاب كتيير الى اساسها الذاكره
ثانيا حاول تاكله صفار بيض لانه بينمى الذاكره بس طبعا مش البيض الى بيتباع فى المحلات خلى اى حد تعرفه فى الفلاحين يبجلك بيض بلدى
وربنا معاك

معلش يا فندم هو مين قال لحضرتك أن صفار البيض بيقوي الذاكرة ؟؟؟

صفار البيض كمية الدهون متشبعة الكثافة فيه عالية جدا مما يؤدي بالنهاية لكثرة تناوله لزيادة نسبة الكوليسترول الضارة و بالتالي أضرار على القلب و تصلب الشرايين و تجلط الدم.

أهم المكونات اللي بتساعد على تقوية أو تشغيل المخ (الحاجات العضوية )
هي البروتين اللي موجود بكثرة في اللحوم الحمراء و بياض البيض مش صفاره و الأسماك طبعا
زيت السمك من الأشياء الهامة لوجود أوميجا 3 فيه
زيت الكتان به نسبه عالية من أوميجا 3
و زيت عباد الشمس أيضا
طبعا علشان تستفيد بأي زيت (يتاكل على السلطة بدون غلى أو تحمير ) لازم يكون غير متشتبع علشان يكون غير ضار .
طبعا كمان الفيتامنيات هامة جدا خصوصا فيتامينات ب بأنواعها
يعني من الآخر .... من ناحية الأكل لازم يكون متوازن علشان يقدر يحصل على كمية بروتين و فيتامينات تساعد في بناء الخلايا .
و الناحية الآخري المسائل الرياضية البسيطة و الفوازير (اللي بيقوله عليها Puzzles ) و الكلمات المتقاطعة البسيطة .
أي تدريبات ذهنية لتشغيل المخ .

أما الحفط (زي حفط القرآن ) ده و الله أعلم مش تشغيل لخلايا المخ خالص ده تحفيظ بالتكرار و ليس لتشغيل خلايا المخ ..... إنما حفظ القرآن نفسه شئ جميل و مطلوب لتعليم أطفالنا مبادئ دينا الحنيف خصوصا لما يكون متبوع بتنفيذ ما هو مكتوب (مش ترديد فقط لا غير لكلام الله عز و جل )

و ربنا يكون معاك و يكرمك فيه و يباركلك فيه إن شاء الله