عرض للطباعة
السلام عليكم .
انهرده ان شاء الله رايح اجيب الفانتازيا الهاي لاين الخليجي من القرش ... و عاوز اعرف العربيه بيجي معاها ايييه و كام مفتاح ؟؟ و لما استلم العربيه اتأكد من ؟؟ و ابوص على ايييه ؟؟؟ و ياريت حد يدلي على موضوع اشتريلها ضمان منين و من احسن حد ؟؟؟ تقبلوا تحياتي
معلش انا نسيت كمان حاجه اعرف ازاي انها سعودي ولا اردني ؟؟
هوه للدرجادي الاسئله صعبه
لا يا باشا الاسئلة مش صعبة بس دا القسم اللى ترمى فيه الابرة ترن :)اقتباس:
المشاركة الأصلية كتبت بواسطة dj_bex
عموما بالنسبةللاستلام: زى اى عربية
1- د وقتك تماما تماما ارب العربية دور اسمع الموتور شوف صوته طبيعى وللا لا
2- انزل لف حوالين العربية والاحسن خلليه يشيل البلاستيك اللى على كل الصاج واقف اشربكلك سيجارة ولف على العربية افحص الصاج فى زوايا مختلفة من الاضائة
3- ادخل شغل الكاسيت (خد معاك cd) وعللى الصوت
افتح كل الابواب والقفلها والشنطة والكبوت اطمن ان كل شء طبيعى
4- شغل كل الانوار وفتحة السقف واطفى وشغل
5- اكيد العربية هاتكون سخنت شغل التكييف واظبط الحرارة على ابرد شئ
6-جرب الكلاكس
7- شوف الاستبن موجود وللا لا
8- كمان فى عدة التغيير كوريك + مفتاح + مفك صغير كده احتياطى
9- العربية معاها 2 مفتاح ريموت جرب تفتح وتقفل بالاتنين ودور كمان
10- العربية معاها دواسات بتاعتها بتركب بكليبسات عشان ما تتحركش
11- شيك على كل اللمبات الخارجية
12- شوف عداد الكيلومتر
13- شوف الكاويتش سليم وللا لا
14- جرب كل الاوبشن بلوتوث بقى خد معاك ميمورى كارد عليه اغانى وصلة aux لو متاح وجرب
15- جرب التلاجات فى التابلوه والهاند ريست
16- ماتنساش تاخد منهم ولاعة حتى لو مش بتدخن (هى العربية بتنزل non smoking) اصلا بس انا والدى اخد منهم واحدة مه انه مش بيدخن :) بس جرب مكان الولاعة
17- جرب المرايات حركها
18- اكيد الكاتالوجات وفواحة غطا وشويهة هدايا من المعرض
بالنسبة للضمان فى مركز معتمد من ارتوك فى العبور اسمه كار تك بتدفعلهم 3000 جنيه وتاخد ضمان كان زمان ب7000
والف مبروك