عيب تقفيل والتوكيل مش عارف السبب !!!!!!!

**sefo** · 03-12-2011 04:30 PM

انا معايا سيراتو اس اكس 2010 وكيل
من فترة بدأت الاحظ ان فى خط فى عتبه باب السوق لنا بفتح الباب بعرض الباب والخط ده مش تجريح فى الدهان وانما هروب للون
تفسيرى ان فى شى مش مظبط فى قفله الباب فمع كل قفله بيحصل احتكاك للباب مع عتبه الباب السفلى ومع الوقت بدا اللون يهرب مكان الاحتكاك (نظريا )
ولما روحت التوكيل اعمل صيانة العشرة قلت للمهندس وفوجأت برده بيقولى !!! لالا تلاقيك بتحك رجلك وانتا داخل العربيه فى العتبه !!! كأنى طالع سلم مثلا فبنضف رجلى فى درج السلم قبل ما ادخل !!!!!!!!!!!!!!!!!!!!!!!!!!!!!!!!!!!!!!
ومهتمش ولا عمل شى
ومع الوقت ظهر فعلا خط طولى فى العتبه السفلى تحت ما باب السياره بيدخل بعد الفيبره المتركبه اعلى العتبه
وانا ملاحظ مع قفله الباب انة بيقفل بسلاسه وانا بصراحه مش مستشعر اى احتكاك بين الباب والقايم . طيب العلامه ديه بتزيد بتيجى منين والعربيه عمرها مكملش سنتين
فكرتنى بالعربيات القديمه لما يكون الباب مش مظبوط ومع كل قفلة يحك وياكل فى القايم لغايه لما لونه يروح
لو حد عنده تفسير او عندة نفس الملاحظة يا ريت يشاركنا

**Shazlovic** · 04-12-2011 05:13 PM

باشا لو صوره عشان الناس تفهم قصدك يا ريت..متابععع

**fgfg1975** · 04-12-2011 08:10 PM

انا رايى انك توريها لسمكرى
تاخد رايه بس بدون ما يمد ايده عليها

**moha4tec** · 05-12-2011 04:59 AM

السلام عليكم
و الله اعلم ممكن تكون مفصلة الباب مريحه شويه او صواميلها فكه حاجه بسيطه مع ان ده مستبعد .
بس عموما بص كويس على المفصلات و حواليها و بص على مكان الاحتكاك من الباب ممكن يكون فى شىء لزق فيه من تحت
او ممكن يكون فى كوتشه مش معدوله من فوق و بتضغط على الباب من فوق فيحك من تحت .
و الله اعلم