الحمد لله ربنا وفقني و استلمت السيارة و هابدأ في التقرير زي ما وعدتكم
أولا: ابعاد السيارة
الطول 4 م - العرض 1,8 م - الإرتفاع 1.49 م
الخلاصة --- العربيه من جوه واسعه فعلا ورا و قدام ؛ الحاجه الوحيده اللي ممكن تتاخد على العربيه الشنطه مش واسعه أوي بس هي معقوله جدا جدا
ثانيا: مواصفات السيارة
1400 سي سي - 2 وساده هوائية-ABS - زجاج كهربى امامى - تكييف هواء - ضبط مقعد السائق فى 4 اتجاهات - عجلة قيادة قابلة للضبط - مصباح استوب علوى - مقاعد خلفية قابلة للطى - وصلة مخرج صوت - فتح الابواب عن بعد - مصابيح ضباب امامية و خلفية - باور ستيرينج اليكتروني - فتح غطاء التانك و الحقيبة عن بعد - احزمة امان قابلة للضبط - وحدة رفع الزجاج - التحكم فى الراديو من عجلة القيادة - شاشات بيانات بالتابلوه - مشغل mp3
ثالثا: تعليقي الشخصي
السيارة مانيوال - العفشه ما شاء الله - الموتور لسه ماقدرش اقول اوي عشان انا لسه ف اول الف كيلو و مش المفروض اني احمل عليه دا غير اني اصلا مش بتاع جري- شكلها شيك خالص و واسعه من جوه (اوسع من الأكسنت ار بي )- عاليه عن الأرض -فيها اوبشنز بتتظبط من الكمبيوتر بتاعها - فيها حاجه غريبه اسمها مصابيح الإضاءه النهاريه و تقريبا دي حاجه جديده ف معايير الأمان الأوروبي


ارجو اني ماكش طولت عليكم و انا تحت أمركم ف أي إستفسار