عرض للطباعة
يا جماعة انا روحت سالت بتوع الاستيراد على حاجات الاوكتافيا الاية 5 تصوروا الفتيس الاوتماتيك استعمال بكام ؟؟؟؟؟؟؟؟؟؟؟؟؟؟
18000 الف جنية بجد والله مش بهزر :_Alshmokh08[1]:
وفى التوكيل جديد ب60000 الف جنيه تشيكى
دحنا ركبين عربيات المانى و ببلاش يا جدعان:00020140:
الله يكون فى عون ملاكها
لا بس برضوا غاليه
علشان اجيب جوز بلى عجل ادام ب 450 يبقى غالى ولا ايه رايكم
18000 يانهار, ده الواحد يبوس ايدة وش وضهر بقى على كدة
[QUOTE=mahamedaraby;3873969322]لا بس برضوا غاليه
علشان اجيب جوز بلى عجل ادام ب 450 يبقى غالى ولا ايه رايكم[/QUOTE
لا يمكن يزيد عن 200 جنيه بره التوكيل بالتركيب
[QUOTE=tananybasha;3873969792]والله ياطنانى الاسعار ده مش فى التوكيل الاسعار دى فى محلات قطع الغيار انا سالت عليهم فى كذا حتهاقتباس:
المشاركة الأصلية كتبت بواسطة mahamedaraby
الالمانى فيه ب 200 ل 225
الانجليزى ب 190
الكورى ب 170
الاسعار دى لبليه الواحده فانت اكيد لازم تغير الاتنين مع بعض فا ضرب اى سعر منهم فى 2
الاسعار دى غير شامله مصاريف التركيب :_Alshmokh08[1]:
يا باشا
انزل اس كى اف
و هاتها بالمقاس
متروحشى لبتوع اوبل
مش هتزيد عن 100 جنيه اصلى
فعلاً قطع غيار اوبل ارخص الالمانى
فعلا انا مغيرهم الواحدة ب 100 صناعة يابانى وفى صناعة فرنسى بس مش فاكر الماركة اللى ركبتها ماركتها اية بالظبط بس تقريبا هىskf , وبقالها اكتر من سنةاقتباس:
المشاركة الأصلية كتبت بواسطة tananybasha
احنا بس حاسين انها غالية علشان بنقارن بلاقل منها مش بلزيها
مينفعشى تقارنها باللادا و ال 128
لما نزلت من اللادا و 132
و ركبت النيسان
اول احتكاك كان مع فلتر البنزين 3 مخرج
لقيته ب 90 جنيه
فلتر 132 كان ب 3 جنيه روسى
كلام سليم
طيب معلش ممكن تقولوا ليا فين اقرب فرع ل Skf من مصر الجديده
يانهار 18000 دانا كنت بسأل على فتيس لفيكترا بى مانيوال عمل حوالى 600 وتقريبا الاتوماتيك 1000 او الف وحاجة يعنى مفيش مقارنة.
أنا لسه مقتنع ان الأوبل مش غالية خاااالص بالمقارنة بمثيلاتها الألمانى أو اليابانى أو الفرنساوى أسعارهم نار والله
+111111111
أنا لسة مغير بلية أمامى ب250 من التوكيل والأصلى برازيلىفى كيس مكتوب علية gm سألت علية بره لآقيته ومش أصلى ب200 جنية بره فى المانيا البلية لاتتعدى 15 دولار
الحمدلله ياجماعة قطع غيار الاوبل رخيصة علشان العربيات الاوبل مرمية فى اوروبا و دول الاتحاد الاوربى اى حد فيكم بس يقول ل واحد برة كدة اوبل شوفو كمية الاشعار الى هيقولوها فى العربيات بتاعتنا بيعشقو حاجة اسمها اوبل فدة بردة بياثر على قطع الغيار و يخليها رخيصة سواء مستعمل او جديد علشان عليها طلب كتير جدااااا
طيب نستورد من المانيا يعنى
ياريت بس الموضوع مش سهل أجراءات كتير وطبعا الأستيراد شبة واقف مع العلم أن أجدع عربية أوبل مستعملة موديل حديث مش هتعدى 4 ألف يورواقتباس:
المشاركة الأصلية كتبت بواسطة tananybasha
بجد بجد بجد بشكركم كلكم جزاءكم الله كل خير والله
انا النهارده نزلت اشتريت البليه زى ما قولتوا وفعلا لقيت فرق السماء و الارض فى السعر
اشتريت الجوز ب 250 المانى والحمد لله
والله مش عارف اشكر احلى واجدع ناس ازاى
انا ليا واحد مسافر الصين على نص الشهر
هيجيب بضاعه ليه من هناك
انا ممكن ارذل عليه
بس اشوف ايه المطلوب
ظبطنا فى شوية مافات يا ريس
قارن الاوكتافيا الايه 5 بالفيكترا السى
وللعلم فتيس الاوكتافيا ب 15 الف استيراد
28 الف جنيه فى التوكيل مش 60 الف
اكصدام الاوكتافيا فى التوكيل ب 1600 جنيه ..الفيكترا السى ب 4000 جنيه
يا باشا حاجات الفيكترا سى استيراد تمنها معقول جدا ومش لازم التوكيل مدام حاجتها موجودة والفتيس الاوتماتيك عامل 5000 جنية الايزى ترونيك المانى مقابل 18000 للاوتماتيك للاوكتافيا ايه 5 واقل شوية للايه 4
طبعا الاوكتافيا عربية جميلة بس قطع غيارها غبيا ومش المانى 100\100 لانها تشيكى ولاكن الفيكترا المانى 100\100 بس انا مبرشحش السى البى 2 موديل 2002-2003 ممتازة وكماليات اكتر من الاية 5 واجود وامتن واسرع وقطع غيارها ولا حاجة جنب الاية 5 فتيس الاوتماتيك ب1000 جنية وتركيب 200 جنية وال2000 سى سى ايكو تك 137 حصان والفئة السى دى اكس كانها مواصفات عربية 2010 اعلى فئة
طبعا انا مش كاتب الموضوع دة علشان ازم فى الايه 5 ولاكن انا كنت بقارن اسعار موديل 2005 اوتماتيك وفيكترا سى دى اكس 2003 2000 سى سى اوتماتيك فكانت فرق الاسعار لصالح الفيكترا طبعا لانى مش حمل مصاريف الاية 5 بصراحة
مين عنده فيكترا سى استيراد
انا هموت على اكصدام امامى كامل بفوجاته بسلطاته .بالشبكه
التوكيل هيكلفنى 8500 جنيه
هل من بديل ؟؟
محدش عنده اكصدامها استيراد خااااااااااااااااالص
واحد عنده (عاشور اوبل الى فى طنطا قالى 6000 جنيه !!!)
ليه
بيقول بابا و ماما
الأول واحشنى قوى
والله انت واحشنى اكتر انا عارف انى مقصر معاك و مع العصابه كلها بس انت عارف الظروف بقى
بالنسبه للاكصدام معفن اصلا ميجيش حاجه فى الى بينزل فيها
يا كبير ده العمر الافتراضى لقربه المياه 50 الف كم ! 260 جنيه
و طلعو بايعنلى واحده قذره برازيلى !! و يقولك العربيه المانى
الحمد لله جه فى حظى (تانى مره اغير القربه) قربه ايطالى نضيفه ربنا يطول فى عمرها بقى
سؤال ع السريع و عارف ان مش مكانه ..دوره المياه سرعتها بتختلف تبع سرعه العربيه ؟؟
طبعاً سرعة المية بتختلف حسب عدد لفات الموتور
مش الطرمبة على السير
ممممممممم
اصل انا ضربت مشوار حلو ..المحله المنصوره جمصه البرلس رشيد اسكندريه كله من على الدولى
مكنش العداد بينزل عن 180
تانى يوم لقيت القربه بايظه :(
عشان قافل الغطا كأنك بتربط كوبلن عربية
و لاغى دور الغطا فى تنفيس الضغط الزائد
الفتيس عيب شائع في العربيات الالماني مش عارف ليه عمري ماسمعت ان فتيس تويوتا ولا هيونداي باظ
لا العيب الشائع ان محئش بيعمل الصيانه صح
اى فتيس يبوظ بالأهمال
ثواني يا كبير انت بتقول ايه مش فاهم؟اقتباس:
المشاركة الأصلية كتبت بواسطة tananybasha