حد يعرف مكان مجرب لعمل فرش جلد بمدينة الاسكندرية؟
عرض للطباعة
حد يعرف مكان مجرب لعمل فرش جلد بمدينة الاسكندرية؟
مرجان في الازاريطة تاني زقاق بعد المسجد اللي عند البنزينة ونت اكنك رايح علي الشلالات.... ممتاااااااااز و محترم جدا وعملت من سنة كدة عنده السيراتو والناس افتكروه الفرش الاوريجنال .... و اسعاره حلوة
عمرو الى فى محطه الرمل المحل متفرع من ش كليه الطب
و في هاني عتريس اخر ش كوبري الجامعة جنب شمس ستايل بظبط
متشكرة جدا يا جماعة انا فعلا شفت مرجان و هو فعلا مريح بس برضه حاسأل على الاثنين التانيين
انا عن نفسي رحت لجينز كار في القاهرة ^^
انا عايز حد يفصل جلد بجد مش مجرد كسوة ويحطها على الكرسى لأن فى تصميم فى دماغى عايز اعملة اللى هو دة
http://i1052.photobucket.com/albums/...nnovations.jpg
او دة
http://i1052.photobucket.com/albums/...mrsbailey3.jpg
فى حد يعرف يعمل كدة ولا كلة بيحط الكسوة ويشد عليها ؟
????????????????????????????????
رأي الشخصي الفرش الجلد ما لوش لزمه و اضراره اكتر من مميزاته اللي في رأي انها بتدي شكل حلو لا اكثر ولا اقل انما في المقابل هتضيع احساس النعومه و الانحنئات اللي في الكرسي الاصلي عشان هيبقى فرش فوق فرش بعكس فرش الجلد الاصلي و هتدفع فلوس
وبعدين دلوقت الفرش الاصلي بيقعد بالسنين من غير ما يتبهدل و بينزل منظفات ولما يحصل له حاجه بعد عمر طويل ابقي اكسيه
الموضوع عن تجربه و مقارنه مع نفس عربيتي مع واحد زميلي في الشغل اللي ندم بعد قعد في عربيتي و حس انه ضهره ارتاح بالاصلي اكتر
بص يا فندم نت كلامك صح في حالتين
1-الكسوة
2- محل فرش تعبان او مش محترف
نيجي بقى لموضوع احساسك بالفرش الاصلي
سماكة الجلد لا تتعدى 1 ملليمتر يعني مش حتاثر ابدا على احساسك بتفاصيل كرسيك القديم
بل بالعكس قوالب الكراسي اللي بتنزل مصر مختلفة عن عربيات بتنزل برة وفي ناس محترفة زي جينز كار بيستخدم تطعيم السفنج عشان يديك قالب محترم زي ما في ناس معاها داستر وعملت فرش جميل جدا غير العربية من الداخل
مرة كنت في الامارات وواحد نعرفو كان معاه تويوتا لاند كروزر حليب اتكب على الفرش راح على طول نضفو بس الفرش من برة زي الفل لكن السفنج شرب الحليب وريحة زي الزفت
دفع في التوكيل 200 درهم عشن ينضفو السفنج
طب لو كان فيه فرش جلد مش كان حيمنع الكلام ده كلو وكان تنضيفو حيحتاج خرقة مبلولة بس
نيجي لنقطة تانية العرق حضرتك اكيد لما ضهرك يعرق لو الفرش قماش حيمتص العرق والسفن طبعا حياخدو وكل حلول التنضيف حتبقى ظاهرية بس
موضوع الراحة ده بصراحة معروف ان الجلد اريح بكتير
انا ان شاء الله يوم الجمعة عند بان اليكس اللى جمب اللؤلؤة :())) ياريت نتقابل
انا معاك ان الجلد اريح بس يا سلام لو جلد طبيعي عشان طري مش الصناعي بس تعمل حسابك في اقله 6000 جنيه و حضرتك اكيد عارف الفرق
معاك طبعا ان نضافة الجلد اسهل بكتير و بيحتفظ بشكله و فعلا اللي عنده اطفال بيضطر يركب فرش
نيجي لنقطة الخلاف المثل اللي اديته لصاحبي عمل الفرش عند احسن واحد في مصر و كلكم عارفينه و اختار خامه غاليه و فعلا كشغل و شكل و تفنيش 10 على 10 المشكله ان الكرسي بقى ناشف و الجزء اللي بيسند فقرات القطنيه اللي جوه الكرسي اختفى و القعده مابقتش مريحه
الخلاصه ان فيه عربيات كراسيها ممكن تتعمل و تبقى كويسه و احسن من الاول (لانها ناشفه اصلا ) انما ممكن النتيجه تطلع زي ما قلت مع عربيات تانيه
فياريت اللي مستريح في العربيه يفكر الاول و الف مبروك مقدما و في النهايه دي وجهات نظر و كلنا بنستفيد من بعض
طب حديك قنبلتين
الاولى شفت عربية q7 بيعمل فرش على فرش الجلد الاصلي بتاعو
الثانية لو جيت في مقارنة الجلد الصناعي يكسب حقولك ليه
اولا الجلد الطبيعي معناه ايه انو يكون طبيعي
طب يكون طبيعي ازاي ميكونش عليه اي اضافات
طب لو ده حصل بالفعل ساعتها مش حينفع يتحط للعربية لانو حيبقى مساميتو عالية جدا
وده غير الريحة
حضرتك عارف الجلد اللي كانو اهالينا زمان بيحطوه كده زي دواسة المفروض ده اسمو جلد طبيعي
طب الجلد الطبيعي بتاع العربية اي حكايتو ده بيتعملو معالجة عشان ملمسمو وطبعا غير الدهانات اللي بياخدها تقريبا بيفقد 70 % من طبيعتو وخواصو
ده غير انو معرض للبهدلة و حضرتك بتشوف كسرات كده بتطلع في الجلد الطبيعي بعد فترة وتقشير ده غير امتصاصو العالي للحراة واللساعان اللي بيحصل
الجلد الصناعي بيستحمل اقصى درجات البهدلة و في منو مبيمتصش اشعة الشمس يبقى سخن بس ميلسعكش
بص انا بجد مش بدافع عن حاجة وخلاص
انا بحب امشي على منهج رسولنا الكريم عليه الصلاة والسلام
"احب لاخيك المسلم ما تحبه لنفسك "
اولا انا مش بهاجم الفرش الجلد عموما بالعكس انا قلت ان شكله احسن بس فيه نقطتين
1-تفتكر لما تجيب عربيه هايلاين بفرش جلد طبيعي مش بنسبة 100% المتقفل بره هل تطلع نفس النتيجه في حالة التركيب عند جينز كار على عربيه بيزلاين بنفس الجوده و احساس الكرسي؟
لاحظ ان تمن الاصلي 6 اضعاف المصري على الاقل من حيث الشكل هيطلع كويس بس مش هو من حيث المضمون ده موضوعنا
2-المثل اللي قلته ده مش كلامي ده كلام زميلي في الشغل اللي عمل الفرش و ندم و على فكره فيه زميل من قسم هوندا (hythamkamal) قال نفس الكلام برضه وبرضه قلت لحضرتك ان وارد الاحساس ما يتغيرش لو كان الكرسي طبيعته ناشفه
و مصدق حضرتك طبعا ان فيه ناس معاها عربيات فخمه بتعمل فرش بس اعتقد ان ده ثقافة شعب بحكم التراب و الرطوبه و طبعا زمان كان الواحد كان يستلم العربيه يجري على باب اللوق و يشتري فرش في نفس اليوم او يطلع بورسعيد ويركبه عليها عشان الجمرك
ارجو متكونش متضايق و فرصه كويسه لمعرفتك
احنا على فكره احنا تقريبا مش مختلفين و في النهايه هقول على 3 عربيات اتعملوا عند نفس السروجي المعروف لينا كلنا
1-عربيه باسات 2010 طلعت النتيجه هايله وده عشان كرسيها ناشف نسبيا و تقدر تظبط دعامه القطنيه من الكرسي و تقدر تنشف الكرسي او تطريه
2- عربيتين هوندا سيفيك 2008 طلعت نتيجتهم مش ظريفه وده عشان الكرسي ناعم جدا و مفيهوش خاصيه الباسات فخواصه اتغيرت
ومتشكر لحضرتك لسعة صدرك وذوقك العالي
و الله جزاكم الله جميعا خير
على المناقشة المثمرة