السادة أعضاء منتدي مرسيدس..معلش هو طلب غريب أنا عارف بس مش لاقي حد يفيدني..
محتاج أعرف أسعار قطع غيار المرسيدس s320 w220 موديل 2002
يعني أسعار العفشة والمرايات الجانبية
كله إستيراد طبعا..وأكون شاكر ليكم
عرض للطباعة
السادة أعضاء منتدي مرسيدس..معلش هو طلب غريب أنا عارف بس مش لاقي حد يفيدني..
محتاج أعرف أسعار قطع غيار المرسيدس s320 w220 موديل 2002
يعني أسعار العفشة والمرايات الجانبية
كله إستيراد طبعا..وأكون شاكر ليكم
احمد ابقى عدى عليا هنروح لواحد صاحب والدى شغال فى المرسيدس جنبنا هنا فى شارع الثلاينى و يعرف كتيير اووى
هيفيدنا فى كل حاجه
شكرا يا عباس علي ردك ربنا يخليك يا باشا
بالنسبة للقسم النايم ده اللي عمري ما شوفت فيه عضو بيعبر حد
أنا سألت علي قطع الغيار في التوكيل.لسه هسأل عليها إستيراد
الفانوس الأمامي bi-xenon سعره 9000 جنيه
الفانوس الخلفي سعره 2500 جنيه
الزجاج الأمامي sun resistance سعره 5000 جنيه
جوانات كارتيرة الفتيس 82 جنيه للواحد
كفوف المرايات الجانبية (الفيبر) 280 جنيه للقطعة
فلتر الزيت 90 جنيه
طلمبة البنزين 5000 جنيه
المساعدين automatic adjustment controllable سعر المساعد الواحد 10000 جنيه مصري.
سعر المساعد ١٠ ألاف جنيه
ده ال أربع مساعدين يعملوا ٤٠ ألف
بس هيا ركوبة تستاهل ربنا يباركلك فيها
ربنا يبارك فيك يا باشا متشكر
هو أنا معاك إن سعر المساعدين كده فضائي...
بس دول مش زي المساعدين اللي نعرفهم.دول قصة تانية خالص.مسألة عاوزة موضوع لوحده.عموما أنا سألت كمان علي المساعد إستيراد سعره 3000 جنيه.
يكفي أقول لحضرتك إني بمشي بالعربية في أكتر الطرق تكسيرا ومش بحس بهمسة فيها الحمد لله.إدعيلي يا باشا والنبي ربنا يحفظها لي عشان دي مدفوع فيها شقاء العمر الكبير والوسطاني والصغير كمان
يا باشا ربنا يباركلك فيها و تستمتع بكل متر بالتحفة دي
و في إنتظار التقرير الذي يكشف خبايا الرائعة s class
انا سمعت عن واحد اسمه الزعيم فى شبرا زى مركز خدمة يترا حد يعرفه او جربه او حد يعرف حد شارع دمشق او الحرفيين لقطع الغير و تركيب
احنا عاوزين تقرير عن العربية .. و ربنا يبارك لك فيها.
قريب إن شاء الله هعمل تقرير ميخرش المية..علي فكرة أنا بسأل علي قطع الغيار من باب العلم بالشئ لكن العربية الحمدلله بحالة المصنع ( كانت عربية المذيع هشام رشاد بتاع برامج الرياضة دي )