الموضوع: سنة اولى قطط :) ياريت اي نصايح يا جماعة

و أنا برضه نفس النظام

أختي جابت قطة من 5 ايام عندها شهرين بس عسل جدا :)
لونها ابيض مش عارف دي نوعها ايه ؟ هما قالوا لي انها رومي

المهم بتاكل جبنة نيستو و بتحب اكل القطط اللي هو ويسكاس اللي بيتباع في الماركت
بتقعد تعض بسنانها كل شوية :) بس هي عاملة زي الزغزغة :d
لها طبق و فيه رملة و بتعمل فيها على طول
النصايح اللي اتقالت لنا انها تاكل سمك مرة واحدة في الاسبوع
و بلاش اللبن كتير او السمك علشان بيوقع الشعر
بلاش تاكل حاجة سخنة جدا او ساقعة جدا
تاكل فرختين مش فاكر على قد ايه بصراحة ؟؟؟؟؟؟
و راحت اتطعمت و راحت للدكتور اعطاها مضاد حيوي و دوا علشان عندها انتفاخ في بطنها لو مرحش هتروحله تاني يديها دوا تاني
القطة صغنطوطة و لذيذة و بتنام جنبنا و بتحبني جدا :)))))

مبروك على القطه
انا بربى كلاب بس اليمشى على الكلاب يمشى على القطط
مبتكلش كتير لانها لسه جديده و مش واخده عليكى و فى الحاله دى هتروحى الصيدليه و تجيبى دوا اسمو تريزوركس ده فاتح شهية و مقوى عام و هتجيبى سرنجه فاضيه و تشيلى منها الابره و تديبها 2 سنتى كل يوم الصبح قبل الاكل بمدت اسبوع هنلاقيها بتكل اكلوكو
الشيراز بيطبيعتو انتوخ و مبيحبش الدوشه قطه زينه ياعنى بس انتى من وقت للتانى انكوشيها كده
خلى فيه وقت معين للاكل ياعنى الصبح مره و المغرب مره وبليل مره
نحط الاكل تاكل و نشيل الاكل منسبوش قدهما على طول
لو مرديتش تاكل قوى قلبك و سيبها هى هتجى تاكل لوحدها الجوع كافر
هاتى شمبو للاقطط علشان شعرها مش يوقع و بلاش شيكولاته و سمك كتير
النوم الكتير ده عادى فى الاول بكره تتعود عليكى بس هى اصلن قطه كسوله موت
نصيحه خوديها مستشفى الشعب فى شارع السكه البيضاء فى العباسيه و طعميها لومش مطعمه
بنسبه انها اجوزت قبل كده مرتين فى 5 شهور ده معناه انها اتجوزت فى سن بدرى جدا و هتلقى جسمها محتاج يعوض الفيتمينات لان سنها صغير
نصيحه لقدام بقا لما قطه يجى وقت الجواز بيتعا جوزيها فوران لان هتقطع فى الستاير و هتخرب الدنا لان زى منتى قلتى اتجوزت قبل كده
فى فى كارفور حاجه زى شامبو كده ده بشيل شعرها لما يقع على هدومك و على الفرش و السجاد اشترى 3 4 علب هتاحتجيه كتير
كل اسبوع كده بعد الشور هاتى مشط و سرحايلها و فاليها لاتكون فيها حشرات
اشترى امبوله كده اسمها بارس دى بتتحط كل 6 شهور على القطه متخليش يمسك فيها اى حشرات دة مهمه جدا لانها لو خلطط قطط تانيه او خرجت على السلم النتيجه مش هتكون ظريفه خالص دى امبوله ب 10 جنيه من اى صيدليه بيطريه
لو عملت بيبى فى مكان غير الحمام زعقلها مش تضربيها هتعرف ان ده غلط خلى شخصيتك قويه معها من غير ضرب و بعد كده go out ياعنى go out و come ياعنى come و slepp ياعنى slepp
واحده واحده كده
ربنا يباركلك فيها و انا تحت امرك فى اى مشكله
اه لازم تجيبلها دوا علشان الديدان و يستحسن باندكس و ده برضو مره كل يوم الصبح لمده 7 يوم بعد كده نريح 3 اسبوع و ندى اسبوع كمان

الرمل اللي عندي دة عادي و فيه الكريستال اللي بتقولي عليه هو عبارة عن حاجة زي حبيبات الملح بس على كبير و فيه معاه حبيبات تانية لونها بنفسجي بس بنسبة قليلة جدا .. احنا حاطينالها العادي على الكريستال دة

المشاركة الأصلية كتبت بواسطة Donzi

انا جيبتلها رمل من عمارة بتتبني جنبنا بس سمعت ان في رمل طبي و كمان في حاجة اسمها حبيبات كريستال بدل الرمل و انضف منه !!! حد يعرف حاجة عن الكلام دا و رائيكم ايه ؟

لا طبعا رمل من العماره الجنبكو طبعا غلط لسببين
الاول حرام تسرقى رمل الناس بهزر
التانى الرمله دى هتعمل ريحه
روحى رويال هوس هاتى رمله كريستال و دى تحفه هتحسى ان القطه مبتعملش بيبى اصلن على ما اتذكر كانت ب 30 كنيه