و حياتك من 8.30 الصبح الى 11 بليل و مش عاجب اصل انت مش بتقعد فى البيت طيب ماهو انا لو قعدت مش هعرف اجيبلكوا تمن الاكل :))
فى يوم قولت اقعد من الشغل و اهو نتفسح العربيه عطلت و اليوم اتخصم من الشغل يعنى موت و خراب ديار
ههههههههههههههههههههههههه ه انت لسه عندك تاني بعد ال 170 بند عيوب
صدقني لو هندور ونعد وراكم عيوب الرجل المصري هتطلع اضعاف عيوب الست احنا بس بنكبر مخنا غالبا وبنفوت لما نبقى عايزين نفوت واخد بالك من لما دي
انا بقيت اعتبر نفسي مخلفة 5 مش 4 واكبرهم الشاب الوسيم جوزي وهو نفس الحكاية
انت لو عندك طفل طباعه صعبة هترميه ولا هتتعامل معاه بما يناسب شخصيته وطباعه
كلنا بنمر بظروف صعبة في علاقتنا بالطرف الاخر من وقت للتاني وبتكون غالبا لاسباب تافهة متراكمة
وكل واحد بيبقى عايز يحمل الطرف التاني مسئولية توتر العلاقة لغاية ما كل طرف فعلا بيبقى مقتنع ان الطرف التاني السبب في كل المشاكل وانا كنت زيكم كدة لحد من سنتين تقريبا وبقيت ادور على طرق ابعد بيها عن المشاكل زي الشغل في مكان تاني غير شغل زوجي مع اني كنت ناجحة معاه جدا واتبطرت على النعمة ااو الخروج مع اصحابي او الانصهار التام في العالم الخزعبلي النت او او ........
لحد مافي يوم ربنا الهمني الصواب بعد مادعيته كتير يلهمني الصواب وقلت طيب بدل مفكر في طرق للهروب مفكر في حل المشكلات من اساسها
وبقيت اقول طيب هاعدل عيوبه ازاي خلاص مفيش امل
وربنا الهمني الصواب بدل محاول اعدل عيوبه هو طبيب معدل عيوبي انا الاول واشوف ايه اللي هايحصل
من هنا بقيت ادرس شخصية نفسي وقلت ياه كل دي عيوب فيا ده انا لا اطاق وكتر خيره انه مستحملني
دربت نفسي ان معلقش اخطائي على شماعات الاخرين شماعتي اولى بيا
واتعلمت ان بالرغم من كل مزاياي وكل عيوبه فمزاياه اكتر من مزاياي وعيوبي اكتر من عيوبه
وبالتالي هو كمان غير من نفسه تدريجي لحد الدنيا مابقت بيييس الحمد لله
فليه كل واحد فيكم شايف انه مش سعيد وتعبان في حياته يستنى لما الطرف التاني هو يتغير ليه ما يبدأش بنفسه ويصبر ويدعي ربنا ونخلي عندنا امل وتفاؤل ونقعد نكرر 100 مرة في اليوم
الحياة بمبي الحياة بمبي الحياة بمبي الحياة بمبي الحياة بمبي الحياة بمبي الحياة بمبي الحياة بمبي ههههههههههههههههههههههه
صدقني هتلاقيها بمبي بعد شوية
و الله انتي زوجة محترمةاقتباس:
من هنا بقيت ادرس شخصية نفسي وقلت ياه كل دي عيوب فيا ده انا لا اطاق وكتر خيره انه مستحملني
دربت نفسي ان معلقش اخطائي على شماعات الاخرين شماعتي اولى بيا
واتعلمت ان بالرغم من كل مزاياي وكل عيوبه فمزاياه اكتر من مزاياي وعيوبي اكتر من عيوبه
وبالتالي هو كمان غير من نفسه تدريجي لحد الدنيا مابقت بيييس الحمد لله
غيرك بقى بتبقى عايشة في وهم انها ست الحسن و الجمال المأسوف على شبابها اللي ماكانش يطول ضفرها و تفضل مستكترة نفسها عليه و هي فيها عبر الدنيا و تفضل تطلع فيه القطط الفاطسة و تكبر عيوبه ............
اخجلتم تواضعنا
بس خلي بالك انا بردو شايفة نفسي اني ست الحسن والجمال يمكن مكونش كدة فعلا بس هو اللي مديني الثقة الزايدة في النفس دي
اما الجزء الاخير من جملتك مش شايفاه في نفسي وده مايمنعش اني لما احب افرسه ازود الجزء الاخير بس بيني وبين نفسي مستكتراه هو عليا ... الحمد لله انه من كارهي نايل موتورز ومش هايشوف مشاركتي دي
مش كل الستات بتستجيب ...... مرات النوبي و لله الحمد واضح انها من نوع "و إن جنحوا للسلم" ....... فيه ستات كتير من نوع "و أعدوا لهم ما استطعتم" .....
و كمان برضه لو الست كترت من النكد - حتى لو بتستجيب بعدها - ممكن الراجل يزهق
مش قصدي ان الست تشوف نفسها وحشة ......
بالنسبة لانك تحبي تفرسي جوزك فاصلا دي مش حاجة كويسة لان الفرسة يعني غضب و الزوج الغضبان تلعن زوجته الملائكة .... و صدقيني هو مش عارف اللي بينك و بين نفسك و هو شايف بس التصرفات اللي في وشه .......
و دي نصيحة من اخ عشان الراجل ما يزهقش !
متقلقش مش بيزهق لانه عارف اني بنكشه بس للضحك :)
خدونى جنبكم وانا كان مالى اهو شكلنا وصلنا لطريق مسدود
كل واحد بياخد نصيبه وانا كمان محروووق بس منها هى وامها وابوها واخوتها
الجواز دة عمل زي الحمام بالظبط إلي جوا مش طايق ريحته و إلي برة حا يموت علشان يدخله