قناة العفاسى راحت فين

**kar!m** · 04-12-2011 12:31 PM

السلام عليكم و رحمة الله

حد يعرف قناة العفاسى راحت فين؟

فى البداية أحب أقول أنا عرفت قناة العفاسى ازاى؟ أنا كنت بزور واحد قريبى و كان مشغل قناة العفاسى tv .. و بدون مبالغة القناة شدتنى لدرجة انى مكنتش مركز مع الراجل و هو بيتكلم .. و منبهر باللى بشوفه على القناة.

أول مرة فى حياتى أشوف حاجه زى مشهد مصور كده وفى الاخر يتقال حديث أو ايه قرانيه عن المشهد ده .. و المشهد 5 دقائق تقريبا .. و الحديث بيتقال بأسلوب انك من تانى مره تلاقى نفسك حفظتة و بتردده مع نفسك .. و المشاهد دى بتصور حاجات كتير فى حياتنا .. ايجابيات و سلبيات .. زى الحسد .. الفتوى بغير علم .. المودة بين الزوجين .. التعامل مع الأطفال .. و هكذا

و القناة عموما كل برامجها خفيفة .. يعنى أناشيد .. مشاهد مصورة .. أجزاء من صلاة التراويح .. برامج بتشرح الوضوء و الصلاة و العبادات .. لدرجة انك فعلا صعب جدا جدا انك تزهق منها.

غير كده كمان بتشد الأطفال فى البيت جدا .. و بتلاحظ انهم بيحفظوا الايات القرانيه و الأحاديث اللى بتييجى عشان بتتكرر كتير .. زى ما أنا مثلا ممكن أسمع لك الاعلانات بتاعة التسعينات من كتر ما كنا بنشوفها كل يوم.

كان فى قناتين .. قناة العفاسى tv و دى اللى أنا بتكلم عنها .. و قناة العفاسى q ودى قران كريم بصوت الشيخ مشارى العفاسى 24 ساعة.

المهم ان أنا كنت بتابع قناة العفاسى tv بصفة مستمرة و كنت باسيبها شغالة على طول فى البيت .. من فترة لقيتها مش موجودة .. دورت عليها لقيت العفاسى tv مشغلة قران كريم 24 ساعة زى العفاسى قران .. و مفيش برامج ولا أناشيد ولا مشاهد مصورة.

القناة رائعة فعلا و أنا فعلا مفتقدها جدا جدا.

حد كان متابعها؟ و حد يعرف راحت فين؟ ليها تردد تانى ولا عملوا لها اشتراك ولا ايه؟

**Miss_Pharma** · 05-12-2011 09:41 PM

ترددها اتغير .. القديم كان 10719
والجديد تردد 10758 عمودي 27500

**kar!m** · 05-12-2011 10:41 PM

المشاركة الأصلية كتبت بواسطة miss_pharma

ترددها اتغير .. القديم كان 10719
والجديد تردد 10758 عمودي 27500

و بتجيب نفس البرامج والأناشيد و المشاهد المصورة القديمة؟

**Mshawky** · 05-12-2011 10:43 PM

المشاركة الأصلية كتبت بواسطة kareemz

و بتجيب نفس البرامج والأناشيد و المشاهد المصورة القديمة؟

مشتغلش التردد ده انا جربته ومنزلش حاجه

**Miss_Pharma** · 05-12-2011 10:46 PM

اه صحيح .. انا كمان عندي ماشتغلتش ..
مش عارفة والله .. انا هدور تاني واللي يعرف يبقى يقول

**محمد محمد** · 05-12-2011 11:25 PM

القناة في مرحلة تطوير وهيكلة.

**kar!m** · 06-12-2011 09:59 AM

المشاركة الأصلية كتبت بواسطة محمد محمد

القناة في مرحلة تطوير وهيكلة.

طيب ممكن لينك للمعلومة دى.

**kar!m** · 26-05-2012 06:53 PM

على فكرة القناة رجعت اشتغلت تاني الحمد لله

و الحمد لله أفضل من الأول كتييييييير

و أنا بدعو الناس انها تجرب تتفرج عليها

التردد 10727 .. الترميز 30000 .. الاتجاه أفقي

و خدوا الهدية دي مؤقتا

‫فيديو كليب رحمان يارحمن مشاري العفاسي بالروسية كامل‬&lrm; - YouTube